മലപ്പുറം, മലബാർ ജില്ലകളിലും ഹെപ്പറ്റൈറ്റിസ്- എ മൂലമുള്ള മഞ്ഞപ്പിത്തം പടരുന്നു; ജാഗ്രത പാലിക്കാൻ ആരോഗ്യ വകുപ്പ് നിർദേശം

വടക്കൻ കേരളത്തില്‍ മഞ്ഞപ്പിത്ത ബാധിതരുടെ എണ്ണം വലിയ തോതില്‍ ഉയരുന്നു. കിണറുകളും ജലസ്രോതസുകളും മലിനമാവുകയും, രോഗാണുക്കളാല്‍ മലിനമായ ജലത്തില്‍ പാകം ചെയ്യുന്ന ഭക്ഷണത്തിലൂടെയും കുടിക്കുന്ന വെള്ളത്തിലൂടെയും ഈ അണുക്കള്‍ വായിലൂടെ ശരീരത്തില്‍ എത്തുകയും, തുടർന്ന് മനുഷ്യരുടെ കരളിനെ ബാധിച്ച്‌ കരള്‍ വീക്കമുണ്ടാക്കുകയും ചെയ്യുന്നു.

Also Read

ശരീരത്തില്‍ ക്യാപ്സ്യൂള്‍ രൂപത്തില്‍ ലഹരി; ആറ് കോടിയുടെ കൊക്കെയിനും ആയി കെനിയൻ പൗരൻ പിടിയില്‍

സംസ്ഥാനത്ത് പുതുക്കിയ ഡ്രൈവിങ് ടെസ്റ്റ് രീതി മെയ് ഒന്ന് മുതല്‍; റിവേഴ്‌സ് പാർക്കിംഗ്, ഗ്രേഡിയണ്ട് പരീക്ഷണം എന്നിവയാണ് കർശനമാക്കാൻ നിർദ്ദേശം

ഈ വൈറസ് ബാധക്ക് പനിയും , മഞ്ഞപ്പിത്തവും ആണ് പ്രധാന ലക്ഷങ്ങളായി കാണുക. ശരിയായ വിശ്രമവും ചികിത്സയും ലഭ്യമായാല്‍ രണ്ടാഴ്‌ച കൊണ്ട് രോഗമുക്തി സാധ്യമാണ് .

വൈറല്‍ ഹെപ്പറ്റൈറ്റിസ് ബാധിച്ചാല്‍ എന്താണ് ചെയ്യേണ്ടത്. രോഗഗലക്ഷണങ്ങളെ അവഗണിക്കുകയും, അശാസ്ത്രീയ ചികിത്സാ മാർഗ്ഗങ്ങള്‍ സ്വീകരിക്കുകയും ചെയ്യുന്നതിലൂടെ രോഗം മൂർച്ഛിക്കുകയും മരണംവരെ സംഭവിക്കാവുന്നതുമാണ്.

ഹെപ്പറ്റൈറ്റിസ് -എ ലക്ഷണങ്ങള്‍:

വൈറല്‍ ഹെപ്പറ്റൈറ്റിസ് ബാധിച്ചാല്‍ ഈ ലക്ഷണങ്ങള്‍ ഉണ്ടാകാവുന്നതാണ്. ശരീരവേദന, ക്ഷീണം, ഓക്കാനം, ഛർദ്ദി, വയറുവേദന, മൂത്രത്തിനും കണ്ണിനും ശരീരത്തിനും മഞ്ഞനിറം എന്നിവയാണ് സാധാരണ കാണപ്പെടുന്ന ലക്ഷണങ്ങള്‍. എന്നാല്‍ ഒരു പ്രദേശത്ത് നിരവധി ആളുകളില്‍ ഹെപ്പറ്റൈറ്റിസ്-എ ബാധയുണ്ടായാല്‍ ലക്ഷണങ്ങള്‍ എല്ലാം ഉണ്ടാകാൻ കാത്തിരിക്കരുത്.

വൈറല്‍ ഹെപ്പറ്റൈറ്റിസ് ബാധിച്ചാല്‍:

ഹെല്‍ത്ത് അതോറിറ്റിയെ അറിയിക്കുക ഒപ്പം ഡോക്ടറുടെയോ ലാബിൻ്റെയോ സേവനം തേടുക. മഞ്ഞപ്പിത്തം ഉണ്ടെന്ന് സംശയിക്കുകയോ അല്ലെങ്കില്‍ രോഗനിർണയം നടത്തുകയോ ചെയ്‌താല്‍, ഡോക്ടറുടെ സേവനം തേടേണ്ടത വളരെ പ്രധാനമാണ്. നിങ്ങളുടെ പഞ്ചായത്ത് /മുൻസിപ്പാലിറ്റി അധികാരികളെയും വിവരം അറിയിക്കണം. അവർക്ക് അടിസ്ഥാന കാരണം നിർണ്ണയിക്കാനും ഉചിതമായ ചികിത്സ നല്‍കാനും കഴിയും.

മെഡിക്കല്‍ ഉപദേശം പിന്തുടരുക:

ഡോക്ടർ നിദ്ദേശിക്കുന്ന ടെസ്റ്റുകള്‍ നിർബന്ധമായും ചെയ്യുകയും രോഗം സ്ഥിരീകരിക്കുകയും ചെയ്യുക.ഒപ്പം ഡോക്ടറുടെ നിർദ്ദേശങ്ങളും ചികിത്സാ പദ്ധതിയും കൃത്യമായും പിന്തുടരുകയും ചെയ്യണം. മഞ്ഞപ്പിത്തത്തിൻ്റെ കാരണത്തെയും അവസ്ഥയും അനുസരിച്ചു ചികിത്സ വ്യത്യാസപ്പെടാം. രോഗലക്ഷണങ്ങള്‍ ലഘൂകരിക്കുന്നതിനും, ശാരീരിക ആരോഗ്യം വീണ്ടെടുക്കുന്നതിനുമുള്ള ചികിത്സയായിരിക്കും നിർദ്ദേശിക്കുക.

വിശ്രമം:നിങ്ങളുടെ ശാരീരിക ആരോഗ്യം വീണ്ടെടുക്കാൻ സഹായിക്കുന്നതിന്നല്ല വിശ്രമം ആവശ്യമാണ്. കഴിവതും വീട്ടില്‍ത്തന്നെ കഴിയുക. മറ്റുള്ളവരുമായയുള്ള സമ്പർക്കം പരിമിതപ്പെടുത്തുക. ആഹാരത്തിന് മുമ്പും ശേഷവും മലമൂത്ര വിസർജ്ജനത്തിന് ശേഷവുംകൈകള്‍ സോപ്പും വെള്ളവും ഉപയോഗിച്ച്‌ വൃത്തിയായി കഴുകുക. മലമൂത്ര വിസർജ്ജനം ശൗചാലയത്തില്‍ മാത്രം നടത്തുക

ജലാംശം നിലനിർത്തുക:

നിർജലീലീകരണം മാറുന്നതിനും കരളിൻ്റെ ആരോഗ്യം വീണ്ടെടുക്കുന്നതിനും തിളപ്പിച്ചാറ്റിയ വെള്ളം ധാരാളം കുടിക്കുകയും കൊഴുപ്പു കുറഞ്ഞ, ദ്രാവകരൂപത്തിലുള്ള ഭക്ഷണം മിതമായ അളവില്‍ ഉപ്പുചേർത്ത് കഴിക്കുകയും ചെയ്യുക. നിർജ്ജലീകരണം മഞ്ഞപ്പിത്തത്തിൻ്റെ ലക്ഷണങ്ങള്‍വർദ്ധിപ്പിക്കും.

ഭക്ഷണ ക്രമത്തിലെ മാറ്റങ്ങള്‍: മഞ്ഞപ്പിത്തത്തിൻ്റെ അടിസ്ഥാന കാരണത്തെ ആശ്രയിച്ച്‌, ഡോക്ടർ ഭക്ഷണത്തിലെ മാറ്റങ്ങള്‍ നിർദ്ദേശിക്കും. ഉദാഹരണത്തിന്, കരളിൻ്റെ പ്രവർത്തനത്തെ ബാധിച്ചാല്‍, ചിലഭക്ഷണങ്ങള്‍, പ്രത്യേകിച്ച്‌ കൊഴുപ്പു കൂടുതലുള്ള ഭക്ഷണവും, മദ്യവും ഒഴിവാക്കേണ്ടത് അത്യാവശ്യമാണ്.

മരുന്നുകള്‍:

മഞ്ഞപ്പിത്തം ഒരു പ്രത്യേക അണുബാധ മൂലമാണ് ഉണ്ടായതെങ്കില്‍, അടിസ്ഥാന പ്രശ്നം പരിഹരിക്കുന്നതിനോ രോഗലക്ഷണങ്ങള്‍ ലഘൂകരിക്കുന്ന മരുന്നുകള്‍ ഡോക്ടർ നിർദ്ദേശിച്ചേക്കാം. തീർച്ചയായും ഡോക്ടറുടെ നിർദ്ദേശങ്ങള്‍ പിന്തുടരേണ്ടതാണ്.

മദ്യം ഒഴിവാക്കുക:

മദ്യം കരളിനെ ദോഷകരമായി ബാധിക്കും, അതിനാല്‍ ചികിത്സാ കാലയളവിലും പൂർണ്ണമായും സുഖം പ്രാപിച്ചതിന് ശേഷവും മദ്യപാനം ഒഴിവാക്കേണ്ടത് അത്യാവശ്യമാണ്.

അണുബാധ പടരുന്നത്തടയുക:

ഹെപ്പറ്റൈറ്റിസ് പോലുള്ള വൈറല്‍ അണുബാധ മൂലമാണ് മഞ്ഞപ്പിത്തം ഉണ്ടാകുന്നതെങ്കില്‍, വൈറസ് മറ്റുള്ളവരിലേക്ക് പടരാതിരിക്കാൻ മുൻകരുതലുകള്‍ എടുക്കുക. മറ്റുള്ളവരുമായി ഇടപഴകാതിരിക്കുക. ഇടയ്ക്കിടെ കൈകള്‍ സോപ്പും വെള്ളവും ഉപയോഗിച്ച്‌ കഴുകുക. മലമൂത്ര വിസർജ്ജനം ശൗചാലയത്തില്‍ മാത്രം നടത്തുക.

യഥാക്രമം ആരോഗ്യ പുരോഗതി നിരീക്ഷിക്കുക:

രോഗലക്ഷണങ്ങളുടെ വിവരങ്ങള്‍ എഴുതി സൂക്ഷിക്കുകയും കൃത്യമായി നിരീക്ഷിക്കുകയും എന്തെങ്കിലും മാറ്റങ്ങള്‍ ഉണ്ടായാല്‍ ഡോക്ടറെ അറിയിക്കുകയും ചെയ്യുക. പ്രത്യേകിച്ച്‌ മഞ്ഞപ്പിത്തത്തിൻ്റെ അളവ് കുറയുന്നതുവരെ നിർബന്ധമായും കൃത്യമായ ഇടവേളകളിലുള്ള പരിശോധനകളും നിരീക്ഷണവും അത്യാവശ്യമാണ്.

ചൊറിച്ചിലുംഅസ്വസ്ഥതകളുംഉണ്ടെങ്കില്‍:മഞ്ഞപ്പിത്തത്തോടൊപ്പംശരീരത്തില്‍ചൊറിച്ചിലുംഉണ്ടാകാം. ഈലക്ഷണംനിയന്ത്രിക്കാൻഡോക്ടർതന്നിരിക്കുന്നമരുന്നുകള്‍കൃത്യമായികഴിക്കുകയുംനിർജ്ജലീകരണംഉണ്ടാകാതെനോക്കുകയുംവേണം.

മാനസിക പിന്തുണ:

മഞ്ഞപ്പിത്തം ബാധിച്ച വ്യക്തിക്ക് മാനസിക പിന്തുണ ഉറപ്പാക്കേണ്ടത് അത്യാവശ്യമാണ്. ആവശ്യമെങ്കില്‍ സുഹൃത്തുക്കളില്‍ നിന്നോ കുടുംബാംഗങ്ങളില്‍ നിന്നോ ഒരു മാനസികാരോഗ്യ പ്രൊഫഷണലില്‍ നിന്നോ സഹായംതേടുക.

മഞ്ഞപ്പിത്തത്തില്‍ നിന്നുള്ള വീണ്ടെടുക്കലിൻ്റെ ദിവസങ്ങള്‍ അടിസ്ഥാന കാരണത്തെയും അവസ്ഥയുടെ തീവ്രതയെയും ആശ്രയിച്ച്‌ വ്യത്യാസപെട്ടിരിക്കും. ചിലരില്‍ മഞ്ഞപ്പിത്തത്തിൻ്റെ ലക്ഷണങ്ങള്‍ താരതമ്യേന വേഗത്തില്‍ പരിഹരിക്കപ്പെടും. ചിലർക്ക് കൂടുതല്‍ സമയവും നിരന്തരമായ പരിചരണവും ആവശ്യമായേക്കാം. ആദ്യം സൂചിപ്പിച്ചതുപോലെത ന്നെ ഡോക്ടറുടെയും പഞ്ചായത്ത് / മുൻസിപ്പാലിറ്റി അധികാരികളുടെയുംനിദ്ദേശങ്ങള്‍ കൃത്യമായി പാലിക്കേണ്ടതാണ്.

ഹെപ്പറ്റൈറ്റിസ്-എ സാമൂഹിക വ്യാപനം ഉണ്ടായതായി നിർദ്ദേശമുണ്ടായാല്‍ പുറമെനിന്നുള്ള ഭക്ഷണങ്ങളും ശീതളപാനീയങ്ങളും (ജ്യൂസ്, ഐസ്ക്രീം ഉള്‍പ്പെടെയുള്ളവ) കഴിക്കാൻപാടില്ല. ശുചിത്വമാണ് ‘ഹെപ്പറ്റൈറ്റിസ്-എ’ തടയാനുള്ള ഏകമാർഗ്ഗം.