പൊലീസ് സ്റ്റേഷനിലെ എ.സി മുറിയിൽ രാത്രി കിടന്നുറങ്ങുന്ന ഉദ്യോഗസ്ഥർക്ക് മുന്നറിയിപ്പ്; സർക്കുലറിന് എതിരെ ഉദ്യോഗസ്ഥ രോഷം

കൊച്ചി: പൊലീസ് സ്റ്റേഷനുകളിൽ രാത്രി ഡ്യൂട്ടിയിലുള്ള ഉദ്യോഗസ്ഥർ എ.സി മുറിയിൽ കിടന്നുറങ്ങുന്നുവെന്ന ആക്ഷേപവുമായി സർക്കുലർ. ഇത്തരക്കാർക്കെതിരെ കർശന നടപടിയെടുക്കനാം എന്നാണ് എറണാകുളം സെൻട്രലിലെ അസി.കമ്മീഷണർ പുറത്തിറക്കിയ സർക്കുലറിൽ പറയുന്നത്.

Also Read

ഓണ്‍ലൈന്‍ ലോണ്‍ തട്ടിപ്പ്; കണ്ണൂരില്‍ മൂന്ന് പേര്‍ക്ക് പണം നഷ്‌ടമായി, ക്രിപ്‌റ്റോ കോയിനിലും ഒ.എല്‍.എക്‌സിലും തട്ടിപ്പ് നടന്നു, ലോണിന് അപേക്ഷിച്ച മട്ടന്നൂര്‍ സ്വദേശിക്ക് 10,749 രൂപ നഷ്‌ടമായി

പാതിരാത്രിയിൽ പതിനാറുകാരിക്ക് പിറന്നാൾ കേക്ക് സമ്മാനിക്കാൻ പോയി; യുവാവിനെ ബന്ധുക്കൾ കൈകാര്യം ചെയ്‌തതായി പരാതി

രാത്രി കാലങ്ങളിൽ പാറാവ് ഡ്യൂട്ടിയിലും ജി.ഡി ചാർജ് ഡ്യൂട്ടിയിലും നിയോഗിച്ചിട്ടുള്ള പൊലീസ് ഉദ്യോഗസ്ഥര്‍ എസ്എച്ച്ഒമാരുടെ മുറിയിൽ എ.സി ഉപയോഗിച്ച് കിടന്നുറങ്ങുന്നത് ശ്രദ്ധയിൽ പെട്ടിട്ടുണ്ടെന്ന് സർക്കുലറിൽ പറയുന്നു.

ഇക്കാര്യത്തിൽ എസ്എച്ച്ഒമാർ ശ്രദ്ധിക്കണമെന്നും ഇത്തരക്കാർക്കെതിരെ നടപടി സ്വീകരിക്കണമെന്നും സർക്കുലറിൽ നിർദേശിക്കുന്നു.

എറണാകുളം സെൻട്രല്‍ സബ് ഡിവിഷനിലെ എല്ലാ എസ്.എച്ച്.ഒമാരുടെയും വ്യക്തിഗത ശ്രദ്ധ പതിയണമെന്നാണ് നിർദേശം. അതേസമയം, സർക്കുലറിനെതിരെ പൊലീസുകാർക്ക് ഇടയിൽ അമർഷം ശക്തമായി. സർക്കുലർ പിൻവലിക്കണം എന്നാണ് ആവശ്യം.