കാക്കയുടെ നിറമായത് കൊണ്ട് മോഹിനിയാട്ടം ആർ.എൽ.വി രാമകൃഷ്‌ണന് ചേരുന്നതല്ല; അധിക്ഷേപിച്ച് കലാമണ്ഡലം സത്യഭാമ, പ്രതിഷേധിച്ച് സാംസ്‌കാരിക പ്രവർത്തകർ

കലാഭവൻ മണിയുടെ സഹോദരനും മോഹിനിയാട്ടം നർത്തകനുമായ ആർ.എൽ.വി രാമകൃഷ്‌ണനെ ജാതീയമായി അധിക്ഷേപിച്ച് കലാമണ്ഡലം സത്യഭാമ. കാക്കയുടെ നിറമായതു കൊണ്ട് മോഹിനിയാട്ടം ആർ.എൽ.വി രാമകൃഷ്ണന് ചേരുന്നതല്ല. മോഹിനിയാട്ടം സ്ത്രീകൾക്കുള്ളതാണ് എന്നും സത്യഭാമ അധിക്ഷേപിച്ചു.

Also Read

പരീക്ഷയിൽ അഭിമാന നേട്ടം; ഭാവിയുടെ വാഗ്‌ദാനമായ വഫ അഷ്‌റഫ് @ 1200 / 1200

കെജ്‌രിവാളിന് ജാമ്യം നൽകിയ സുപ്രീം കോടതി വിധി തിരഞ്ഞെടുപ്പ് ഫലത്തിൽ നിർണായകമാകും: മുഖ്യമന്ത്രി

മോഹിനിയാട്ടം സ്ത്രീകൾക്കുള്ളതാണ്. സൗന്ദര്യമുള്ള പുരുഷന്മാർക്ക് മാത്രമേ മോഹിനിയാട്ടം ഭംഗിയിൽ ചെയ്യാൻ കഴിയൂ. നിറമുള്ള ശരീരവും ഭംഗിയുള്ളവരും മാത്രമേ മോഹിനിയാട്ടം കളിക്കാവൂ എന്നും സത്യഭാമ പറഞ്ഞു.

പട്ടികജാതി കലാകാരന് നൃത്തരംഗത്ത് പിടിച്ചു നിൽക്കാൻ പറ്റാത്ത സാഹചര്യമാണെന്ന് ആർ.എൽ.വി രാമകൃഷ്‌ണൻ പ്രതികരിച്ചു. ജീർണ്ണിച്ച മനസുള്ളവരെ നിയമത്തിന് മുമ്പിൽ കൊണ്ടുവരിക തന്നെ ചെയ്യുമെന്നും രാമകൃഷ്‌ണൻ അറിയിച്ചു.

നിറത്തിൻ്റെ പേരിലുള്ള അധിക്ഷേപത്തിൽ പ്രതിഷേധവുമായി സാംസ്‌കാരിക പ്രവർത്തകർ രംഗത്തു വന്നു.