Categories
കൃഷിയാണ് ജീവിതം, ലഹരിയാണ് കൃഷി; കേരള പിറവി ദിനത്തിൽ കർഷകന് ജനമൈത്രി പോലീസിൻ്റെ ആദരം
ഇരു ഫാമുകളിലായി അമ്പതോളം പശുക്കളുണ്ട്
Trending News
കാസർകോട്ടെ കാറഡുക്ക സൊസൈറ്റിയിൽ നടന്ന തിരിമറി നേരത്തെ അറിഞ്ഞിരുന്നു; പണം തിരികെകിട്ടും എന്ന പ്രതീക്ഷയിൽ സംഭവം പുറംലോകം അറിയാതെ നോക്കി; പരാതി നൽകിയത് എല്ലാം കൈവിട്ടപ്പോൾ; നഷ്ടമായത് അഞ്ച് കോടിയോളം രൂപ; വെട്ടിലായി സി.പി.ഐ.എം
കാസർകോട് കാറ്റിലും മഴയിലും കൂറ്റൻ പരസ്യബോർഡ് മറിഞ്ഞു വീണു; ആളപായമില്ല, ഇരുചക്ര വാഹനങ്ങൾ തകർന്നു, വൻ ദുരന്തമാണ് ഒഴിവായത്
രാജി ഭീഷണിയിൽ ഉറച്ച് ബാലകൃഷ്ണൻ പെരിയ; രാജ്മോഹന് ഉണ്ണിത്താന് എതിരെ ഗുരുതര ആരോപണങ്ങളും; ഫേസ്ബുക്ക് പോസ്റ്റ് പിന്വലിച്ചു
ബദിയടുക്ക / കാസർകോട്: “കൃഷിയാണ് ജീവിതം, ലഹരിയാണ് കൃഷി” എന്ന ആശയം മുൻനിർത്തി ബദിയടുക്ക ജനമൈത്രി പോലീസ് കേരള പിറവി ദിനത്തിൽ കർഷകനെ ആദരിച്ചു. ചെറുപ്രായത്തിൽ തന്നെ കൃഷിചെയ്യുന്നത് ലഹരിയാക്കി മാറ്റുകയും കൃഷിയിലൂടെ ജീവിതം കെട്ടിപടുത്ത് വിജയം കൈവരിക്കുകയും ചെയ്ത കുമ്പടാജെ ഗ്രാമ പഞ്ചായത്ത് കറുവത്തടുക്കയിലെ എം.പി മുഹമ്മദിനെയാണ് പോലീസ് ആദരിച്ചത്.
Also Read
മദ്യം, മയക്കുമരുന്ന് അടക്കമുള്ള ലഹരിക്ക് അടിമപ്പെട്ട് പുതുതലമുറ നശിക്കുകയാണ്. നിരവധി ലഹരി കേസുകളാണ് പോലീസ് ദിനംപ്രതി കൈകാര്യം ചെയ്യുന്നത്.
പെട്ടന്ന് പണമുണ്ടാക്കാൻ ലഹരി വിൽപ്പന നടത്തുന്ന യുവാക്കളുടെ എണ്ണവും കൂടിവരികയാണ്. ഇതിനെ പ്രതിരോധിക്കാൻ സംസ്ഥാന സർക്കാർ ബോധവൽക്കരണം നടത്തുന്നുണ്ട്. പോലീസ് സേനയും ബോധവൽക്കരണ പരിപാടികളുമായി സജീവമാണ്.
ഇതിൻ്റെ ഭാഗമായാണ് കൃഷിയിലൂടെ ജീവിതം കെട്ടിപ്പടുത്ത മുഹമ്മദിനെ പോലുള്ള കർഷകരെ ആദരിക്കുന്നത്. ഇത്തരം കർഷകരാണ് പുതുതലമുറക്ക് മാതൃക. കഠിനാധ്വാനം ചെയ്യുന്നവരെ സമൂഹം തിരിച്ചറിയണം, അവരുടെ കൃഷിയിടം പൊതുരംഗത്തുള്ളവർ സന്ദർശിച്ച് കൃഷി രീതികൾ പുതുതലമുറക്ക് കാണിച്ച് കൊടുക്കണമെന്നും സബ് ഇൻസ്പെക്ടർ കെ.പി വിനോദ് കുമാർ പറഞ്ഞു.
ബദിയടുക്കയിലെ പോലീസ് സംഘം കഴിഞ്ഞദിവസം എം.പി മുഹമ്മദിൻ്റെ വീട്ടിലെത്തി കൃഷിയിടം സന്ദർശിച്ചിരുന്നു. ഇതിന് ശേഷമാണ് കേരള പിറവി ദിനത്തിൽ അദ്ദേഹത്തെ ആദരിച്ചത്.
ചാനൽ ആർ.ബി പ്രസിദ്ധികരിച്ച എം.പി മുഹമ്മദിൻ്റെ ജീവിത കഥയാണ് ഇതിന് നിദാനമായത്. ചെറുപ്രായത്തിൽ തന്നെ പശുവളർത്തലുമായി ക്ഷീര കൃഷി തുടങ്ങിയ മുഹമ്മദിന് ഇന്ന് സ്വന്തമായി ഏക്കർകണക്കിന് ഭൂമിയും ഇരുനില വീടും വാഹനങ്ങളുമായി നല്ല കുടുംബ ജീവിതം നയിക്കുന്നുണ്ട്. ഇരു ഫാമുകളിലായി അമ്പതോളം പശുക്കളുണ്ട്. പാൽ വിൽപ്പനക്ക് പുറമെ പോത്ത് കച്ചവടവും കൃഷിയും മുഹമ്മദിൻ്റെ പ്രധാന വരുമാനമാകുന്നു.
കോടികളുടെ കണക്ക്; ആരാണ് രാജീവ് ചന്ദ്രശേഖർ.?
മോദി പറഞ്ഞു പറ്റിച്ചത് / ഇത് കേട്ട് നിങ്ങൾ തന്നെ പറയു.. പറഞ്ഞത് ശരിയല്ലേ.?
ധാരണാപത്രത്തിൽ ഒപ്പ് വെച്ചു; കാസർകോട് സി.എച്ച് സെൻ്റർ അതിവേഗം മുന്നോട്ട് / Kasaragod CH Centre