ഒന്നാം പിണറായി മന്ത്രിസഭയിൽ മുഖ്യമന്ത്രിയുടെ ഓഫീസ് കേന്ദ്രീകരിച്ച് നടന്നത് വന്‍ അഴിമതികള്‍; സി.ബി.ഐ അന്വേഷിക്കണമെന്ന് രമേശ് ചെന്നിത്തല

ഒന്നാം പിണറായി മന്ത്രിസഭ നടത്തിയ അഴിമതികളെക്കുറിച്ചും നാണം കെട്ട മറ്റിടപാടുകളെക്കുറിച്ചും കോടതിയുടെ മേല്‍നോട്ടത്തിലുള്ള സി.ബി.ഐ. അന്വേഷണം ആവശ്യമാണെന്ന് കോണ്‍ഗ്രസ് നേതാവ് രമേശ് ചെന്നിത്തല പറഞ്ഞു.

Also Read

കോടികൾ തട്ടി മുങ്ങിയവരെ പൊക്കും; വിദേശത്ത് സുഖവാസത്തില്‍ കഴിയുന്ന വീരന്മാരെ തിരിച്ച്‌ എത്തിക്കാൻ സി.ബി.ഐയും ഇ.ഡിയും എൻ.ഐ.എയും, സംഘം ബ്രിട്ടണിലേക്ക്

പ്രവർത്തക സമിതി; സോണിയ ഗാന്ധിയെ അതൃപ്‌തി അറിയിക്കാൻ രമേശ്‌ ചെന്നിത്തല

മുഖ്യമന്ത്രിയുടെ ഓഫീസ് കേന്ദ്രീകരിച്ച് നടന്ന വന്‍ അഴിമതികള്‍ താന്‍ പ്രതിപക്ഷനേതാവായിരിക്കെ പുറത്തു കൊണ്ടുവന്നതാണ്. എന്നാല്‍, അന്ന് വേണ്ടെന്നു വെച്ച അഴിമതി നിറഞ്ഞ പദ്ധതികള്‍ രണ്ടാം പിണറായി സര്‍ക്കാര്‍ ഇപ്പോള്‍ രഹസ്യമായി നടപ്പിലാക്കിത്തുടങ്ങിയിരിക്കുകയാണെന്ന് രമേശ് ചെന്നിത്തല വ്യക്തമാക്കി. ഇതിൻ്റെ യെല്ലാം പിന്നിലെ ബുദ്ധികേന്ദ്രം മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി ശിവശങ്കര്‍ ആണെന്ന് പറഞ്ഞിരുന്നു.

കുറ്റപത്രം സമര്‍പ്പിച്ച കേസില്‍ പ്രതിയായ ശിവശങ്കറെ തിടുക്കത്തില്‍ തിരിച്ചെടുത്തതിൻ്റെയും, സംരക്ഷണം നല്‍കുന്നതിൻ്റെയും പിന്നിലെ രഹസ്യം ഇപ്പോള്‍ ജനങ്ങള്‍ക്ക് പൂര്‍ണ്ണമായും ബോധ്യമായി. ഇത്രയും ആയിട്ടും കേന്ദ്ര ഏജന്‍സികള്‍ അന്വേഷിക്കുന്ന കേസ് എവിടെയും എത്താത്തതിനു പിന്നില്‍ ബി.ജെ.പി.- സി. പി. ഐ.എം. ബന്ധമാണെന്ന് വ്യക്തമാവുകയാണ്. അതുകൊണ്ട് ഈ വെളിപ്പെടുത്തലുകള്‍ ഉള്‍പ്പെടെയുള്ള കാര്യങ്ങള്‍ കോടതിയുടെ മേല്‍നോട്ടത്തില്‍ സി.ബി.ഐ. അന്വേഷിക്കുകയാണ് വേണ്ടതെന്ന് രമേശ് ചെന്നിത്തല പറഞ്ഞു.