Categories
പൂട്ടിയിട്ട വീട് കുത്തിത്തുറന്ന് പതിനഞ്ചു പവന് സ്വര്ണ്ണം കവര്ന്നു; രണ്ട് വീടുകളില് കവര്ച്ചാശ്രമം, പോലീസ് അന്വേഷണം ആരംഭിച്ചു
മോഷ്ടാവിൻ്റെ ദൃശ്യം സി.സി.ടി.വിയില് പതിഞ്ഞിട്ടുണ്ട്
Trending News
യു.എ.ഇയിൽ ശക്തമായ കാറ്റും മഴയും; സ്കൂൾ പഠനം ഓൺലൈൻ ആക്കി, സർക്കാർ ജീവനക്കാർക്ക് വീട്ടിലിരുന്ന് ജോലി ചെയ്യാം
വിവാഹം കഴിഞ്ഞ് വരൻ്റെ വീട്ടിലേക്ക് സുഹൃത്തുക്കളുടെ ആഘോഷ യാത്ര; പിന്നാലെ വന്ന യാത്രക്കാർ ചോദ്യം ചെയ്തതും നടുറോഡിൽ കൂട്ടത്തല്ല്
കാസർകോട് ഡ്രോണ് തകര്ന്നു വീണതിൽ ദുരൂഹത നീങ്ങി; പൊലീസും രഹസ്യ അന്വേഷണ വിഭാഗവും നടത്തിയ പരിശോധനയിൽ കണ്ടെത്തിയത് ഇതാണ്
ബദിയടുക്ക / കാസർകോട്: ബദിയടുക്ക ചേടിക്കാനയില് പൂട്ടിയിട്ട വീട് കുത്തിത്തുറന്ന് പതിനഞ്ചു പവന് സ്വര്ണ്ണാഭരണങ്ങള് കവര്ച്ച ചെയ്തു. ചേടിക്കാനയിലെ മുഹമ്മദ് ഷാഫിയുടെ വീട്ടിലാണ് കവര്ച്ച നടന്നത്. ഷാഫി ചൊവാഴ്ച രാത്രി വീട് പൂട്ടി കുടുംബസമേതം ബന്ധുവീട്ടിലേക്ക് പോയതായിരുന്നു. ബുധനാഴ്ച രാവിലെ തിരിച്ചെത്തിയപ്പോഴാണ് കവര്ച്ച നടന്നതായി വ്യക്തമായത്.
Also Read
വീടിൻ്റെ അടുക്കള വാതില് കുത്തിത്തുറന്നാണ് മോഷ്ടാവ് അകത്തുകടന്നത്. വീട്ടിനകത്ത് അലമാരകള് കുത്തിത്തുറന്ന് വസ്ത്രങ്ങള് വാരിവലിച്ചിട്ട നിലയിലായിരുന്നു. പരിശോധിച്ചപ്പോഴാണ് പതിനഞ്ചു പവന് സ്വര്ണ്ണം മോഷണം പോയെന്ന സംശയം ഉയര്ന്നത്. പണം നഷ്ടമായിട്ടില്ല. മറ്റെന്തൊക്കെ നഷ്ടപ്പെട്ടെന്ന് അറിയാന് കൂടുതല് പരിശോധനകള് നടക്കുകയാണ്. മുഹമ്മദ് ഷാഫിയുടെ വീട്ടിലെ സി.സി.ടി.വി ക്യാമറ പി.വി.സി പൈപ്പ് ഉപയോഗിച്ച് മറച്ച ശേഷമാണ് മോഷണം നടത്തിയത്.
എന്നിട്ട് പോലും മോഷ്ടാവിൻ്റെ ദൃശ്യം സി.സി.ടി.വിയില് പതിഞ്ഞിട്ടുണ്ട്. ഈ ദൃശ്യത്തിൻ്റെ അടിസ്ഥാനത്തില് ബദിയടുക്ക പൊലീസ് അന്വേഷണം ഊര്ജ്ജിതമാക്കി. മുഹമ്മദ് ഷാഫിയുടെ ബന്ധുവായ മുഹമ്മദ് കലന്തര്, അബ്ദുൾ ഖാദര് എന്നിവരുടെ വീടുകളില് ചൊവാഴ്ച രാത്രി കവര്ച്ചാശ്രമം നടന്നു.
രണ്ട് കുടുംബങ്ങളും ഗള്ഫിലായതിനാല് ഇവരുടെ വീടുകള് പൂട്ടിയിട്ട നിലയിലാണ്. എന്നാല് ഈ വീടുകളില് സ്വര്ണ്ണമോ പണമോ വിലപിടിപ്പുള്ള മറ്റ് വസ്തുക്കളോ ഇല്ലാതിരുന്നതിനാല് മോഷണശ്രമം പരാജയപ്പെടുക ആയിരുന്നു. മുഹമ്മദ് ഷാഫി, മുഹമ്മദ് കലന്തര്, അബ്ദുൾ ഖാദര് എന്നിവരുടെ വീടുകള് ഒരേ കോമ്പൗണ്ടിലാണ്.
കോടികളുടെ കണക്ക്; ആരാണ് രാജീവ് ചന്ദ്രശേഖർ.?
മോദി പറഞ്ഞു പറ്റിച്ചത് / ഇത് കേട്ട് നിങ്ങൾ തന്നെ പറയു.. പറഞ്ഞത് ശരിയല്ലേ.?
ധാരണാപത്രത്തിൽ ഒപ്പ് വെച്ചു; കാസർകോട് സി.എച്ച് സെൻ്റർ അതിവേഗം മുന്നോട്ട് / Kasaragod CH Centre