പ്രധാനമന്ത്രി നരേന്ദ്രമോദി പാലക്കാട്; തെരഞ്ഞെടുപ്പ് പ്രഖ്യാപിച്ച ശേഷമുള്ള ആദ്യ കേരളസന്ദർശനം, 77 ദിവസത്തിൽ അഞ്ചാമത്തെത്

ലോക്‌സഭാ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി വീണ്ടും കേരളത്തിലെത്തി. തെരഞ്ഞെടുപ്പ് പ്രഖ്യാപിച്ച ശേഷമുള്ള മോദിയുടെ ആദ്യ കേരളസന്ദർശനം പാലക്കാട് ജില്ലയിൽ. രാവിലെ പത്തരയോടെ പാലക്കാട് മേഴ്‌സി കോളേജ് ഗ്രൗണ്ടിലെ ഹെലിപാഡിൽ വന്നിറങ്ങിയ മോദി പിന്നീട് റോഡ് മാർഗം കോട്ട മൈതാനത്ത് എത്തി.

Also Read

അനധികൃത ഖനനം; സ്‌ക്വാഡ് നടത്തിയത് മിന്നൽ പരിശോധന, മഞ്ചേശ്വരം താലൂക്കിൽ ആറ് വാഹനങ്ങൾ പിടികൂടി

കാഞ്ഞങ്ങാട് കമ്പല്ലൂരിൽ ഭാര്യക്ക്‌ നേരെ ഐസ്ക്രീം ബോൾ ആസിഡ് ആക്രമണം; പരിക്കേറ്റ മകൻ്റെ നില ഗുരുതരം, പ്രതി അറസ്റ്റിൽ

തെരഞ്ഞെടുപ്പ് പ്രഖ്യാപനത്തിന് ശേഷം ആദ്യമായി കേരളത്തിൽ എത്തിയ പ്രധാനമന്ത്രിയുടെ പാലക്കാട് റോഡ് ഷോ‌ കാണാൻ ആയിരങ്ങൾ റോഡിൻ്റെ ഇരുഭാഗത്തും തടിച്ചു കൂടി.

മൂന്ന് മാസത്തിനിടയിൽ മോദിയുടെ അഞ്ചാം കേരള സന്ദർശനമാണിത്. ജനുവരി മൂന്നിനാണ് മോദി ഈ വർഷം ആദ്യമായി തൃശൂരിലെത്തിയത്. പിന്നീട് നടന്‍ സുരേഷ്ഗോപിയുടെ മകളുടെ വിവാഹത്തില്‍ പങ്കെടുക്കാനായി ഗുരുവായൂരിലെത്തി.

മാർച്ച് 15ന് പത്തനംതിട്ടയിൽ തെരഞ്ഞെടുപ്പ് പ്രചാരണത്തിന് എത്തിയ ശേഷം ഇപ്പോള്‍ പാലക്കാട് തിരഞ്ഞെടുപ്പ് പ്രചാരണത്തിനായി എത്തിയിരിക്കുകയാണ് പ്രധാനമന്ത്രി. പാലക്കാട് റോഡ് ഷോ പൂര്‍ത്തിയാക്കിയ ശേഷം പ്രധാനമന്ത്രി സേലത്തേക്ക് മടങ്ങും.