ആശങ്ക ഉയര്‍ത്തി കുരങ്ങുപനി: വയനാട്ടില്‍ ഒരാള്‍ കൂടി മരിച്ചു; പനിബാധിത മേഖലയിലുള്ളവര്‍ വനത്തിനുള്ളിലേക്ക് പോകുന്നത് വിലക്കി കളക്ടര്‍

കൊവിഡിനൊപ്പം കുരങ്ങുപനി മരണം വീണ്ടും. വയനാട്ടില്‍ മൂന്നു മരണമാണ് ഇതുവരെ റിപ്പോര്‍ട്ട് ചെയ്തത്. ചികിത്സയില്‍ കഴിയുന്ന നാല് പേര്‍ക്ക് കുരങ്ങുപനി ഉണ്ടെന്നും ജില്ലാ ഭരണകൂടം അറിയിച്ചു. ഇതോടെ ഈ വര്‍ഷം ജില്ലയില്‍ കുരങ്ങുപനി രോഗം സ്ഥിരീകരിച്ചവരുടെ എണ്ണം 29 ആയി.

Also Read

രാഹുല്‍ ഗാന്ധിയെ അയോഗ്യനാക്കിയ ശേഷമുള്ള ആദ്യ വയനാട് സന്ദര്‍ശനം നാളെ; കൂടെ പ്രിയങ്കാ ഗാന്ധിയും

രാഹുല്‍ ഗാന്ധിയുടെ ലോക്സഭാംഗത്വം റദ്ദാക്കിയത് ജനാധിപത്യ വിരുദ്ധ നടപടി; വയനാട്ടില്‍ ഉപതെരഞ്ഞെടുപ്പ് വന്നാല്‍ ഇടതുപക്ഷം മത്സരിക്കും: എം.വി ഗോവിന്ദന്‍ മാസ്റ്റർ

കഴിഞ്ഞ ദിവസം മരിച്ച തിരുനെല്ലി ബേഗൂര്‍ കാളികൊല്ലി കോളനിയിലെ കേളുവിന്‍റെ മരണം കുരങ്ങുപനിയെത്തുടര്‍ന്നാണെന്ന് ഇന്ന് സ്ഥിരീകരിച്ചു. ഇതോടെയാണ് മൂന്നു പേര്‍ രോഗം ബാധിച്ച് മരിച്ചതായി ഔദ്യോഗിക സ്ഥിരീകരണം വന്നതെന്ന് അധികൃതര്‍ വ്യക്തമാക്കി .

അതേസമയം ,വയനാട്ടില്‍ കുരങ്ങുപനി പ്രതിരോധ നടപടികള്‍ ഊര്‍ജിതമാക്കിയതായി ജില്ലാ ഭരണകൂടം അറിയിച്ചു. തിരുനെല്ലി പഞ്ചായത്തില്‍ പനിബാധിത മേഖലയിലുള്ളവര്‍ വനത്തിനുള്ളിലേക്ക് പോകുന്നത് കര്‍ശനമായി വിലക്കികൊണ്ട് ജില്ലാ കളക്ടര്‍ ഉത്തരവിട്ടു.