ജില്ലാതല ദേശഭക്തി ഗാന മത്സരം; കുട്ടമത്ത് സ്‌കൂളിന് ഒന്നാം സ്ഥാനം; മന്ത്രി പി. രാജീവ് സമ്മാനം നല്‍കും

കാസർകോട്: ആസാദി കാ അമൃത് മഹോത്സവിൻ്റെ ഭാഗമായി ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ് ജില്ലാ ഇന്‍ഫര്‍മേഷന്‍ ഓഫീസിൻ്റെ ആഭിമുഖ്യത്തില്‍ മഹാകവി പി സ്മാരക സമിതിയുമായി സഹകരിച്ച് ജില്ലയിലെ ഹൈസ്‌കൂള്‍ വിദ്യാര്‍ഥികള്‍ക്കായി നടത്തിയ ദേശഭക്തിഗാന മത്സരത്തില്‍ ജി. എച്ച് .എസ്. എസ് കുട്ടമത്ത് ഒന്നാം സ്ഥാനം നേടി.

Also Read

ജില്ലാ ഇന്‍ഫര്‍മേഷന്‍ ഓഫീസ് ഏര്‍പ്പെടുത്തിയ മാധ്യമ പുരസ്‌കാരം വിതരണം ചെയ്തു; മാധ്യമങ്ങള്‍ തിരുത്തല്‍ ശക്തിയാകണമെന്ന് കളക്ടര്‍ കെ. ഇമ്പശേഖര്‍

എൻ്റെ കേരളം പ്രദര്‍ശന വിപണന മേള; വര്‍ണ്ണ വിസ്മയം തീര്‍ത്ത് കുട്ടി കൂട്ടുകാര്‍

ജി. എച്ച്. എസ്. എസ് പിലിക്കോട് രണ്ടാം സ്ഥാനവും രാജാസ് ഹയര്‍ സെക്കന്‍ഡറി സ്‌കൂള്‍ നീലേശ്വരം മൂന്നാം സ്ഥാനവും നേടി. സെന്റ് തോമസ് എച്ച്എസ്എസ് തോമാപുരം പ്രോത്സാഹന സമ്മാനം നേടി. വിജയികള്‍ക്കുള്ള സമ്മാനദാനം വിദ്യാനഗര്‍ കളക്ടറേറ്റിന് സമീപം ജില്ലാ ഇന്‍ഫര്‍മേഷന്‍ ഓഫീസ് പി ആര്‍ ചേംബറില്‍ നാളെ (ജനു-11) വ്യവസായ വകുപ്പ് മന്ത്രി പി. രാജീവ് നിര്‍വഹിക്കും. കാഞ്ഞങ്ങാട് മഹാകവി പി സ്മാരക മന്ദിരത്തില്‍ പൂര്‍ണമായും കൊവിഡ് പ്രോട്ടോകോള്‍ പാലിച്ച് സംഘടിപ്പിച്ച പരിപാടിയില്‍ ജില്ലയിലെ 19 സ്‌കൂളില്‍ നിന്നുള്ള ടീമുകള്‍ പങ്കെടുത്തു.

ദേശഭക്തിഗാന മത്സരം കാഞ്ഞങ്ങാട് നഗരസഭ ചെയര്‍പേഴ്സണ്‍ കെ.വി. സുജാത ഉദ്ഘാടനം ചെയ്തു. മഹാകവി പി സ്മാരക സമിതി പ്രസിഡണ്ട് പി.മുരളീധരന്‍ അധ്യക്ഷത വഹിച്ചു. സമിതി ജനറല്‍ സെക്രട്ടറി ഡോ.കെ.വി സജീവന്‍ പ്രഭാഷണം നടത്തി. പ്രസ് ഫോറം പ്രസിഡണ്ട് പി.പ്രവീണ്‍ കുമാര്‍ സംസാരിച്ചു ജില്ലാ ഇന്‍ഫര്‍മേഷന്‍ ഓഫീസര്‍ എം. മധുസൂദനന്‍ സ്വാഗതം പറഞ്ഞു.