കേരളത്തിലെ സ്വര്‍ണക്കടത്ത് കേസ്: അന്വേഷണം അന്താരാഷ്ട്ര തലത്തിലേക്ക് വ്യാപിപ്പിച്ച് കസ്റ്റംസ്

കേരളത്തിലെ സ്വര്‍ണക്കടത്ത് കേസ് അന്വേഷണവും നടപടികളും അന്താരാഷ്ട്ര തലത്തിലേക്ക്. കേസിലെ വിദേശ കറന്‍സിക്കടത്ത് അന്വേഷിച്ച് കസ്റ്റംസ് വിദേശ രാജ്യങ്ങളിലേക്കും നിയമനടപടി നീക്കുന്നു. ഇതോടെ സ്വര്‍ണക്കടത്തു കേസിലെ മറ്റൊരു ഘട്ടത്തിലേക്ക് അന്വേഷണവും നടപടികളും കടന്നു.

Also Read

അപകടത്തിൽ ഞെട്ടി കുഞ്ചത്തൂർ; മരണപ്പെട്ടത് അച്ഛനും രണ്ട് മക്കളും; ആംബുലന്‍സിലുണ്ടായിരുന്ന നാല് പേർക്കും പരിക്ക്; അപകടത്തെ കുറിച്ച് രക്ഷാപ്രവർത്തകർ പറയുന്നത്..

യുവാക്കൾ തമ്മിൽ വാക്ക് തർക്കം; അനുനയത്തിന് ശ്രമിച്ച നാൽപത്തിയഞ്ചുകാരന് കുത്തേറ്റു; ബിയർകുപ്പി പൊട്ടിച്ചു..

ഇതിന്‍റെ ഭാഗമായി, ഈജിപ്തുകാരനും യു.എ.ഇ കോണ്‍സുലേറ്റിലെ ജീവനക്കാരനുമായ ഖാലിദ് മൊഹമ്മദ് അലി ഷൗക്രിയെ വിദേശത്തുനിന്ന് വിട്ടുകിട്ടാന്‍ നടപടി തുടങ്ങി. കുറ്റകൃത്യങ്ങള്‍ തടയാനുള്ള അന്താരാഷ്ട്ര കരാര്‍ പ്രകാരം യു.എ.ഇക്കും ഈജിപ്തിനും സഹകരിക്കാതെ പറ്റില്ല.

ഇയാള്‍ക്കെതിരെ ജാമ്യമില്ലാ അറസ്റ്റ് വാറന്റ് പുറപ്പെടുവിക്കാന്‍ കസ്റ്റംസ് കോടതിയെ സമീപിച്ചു. യു.എ.ഇ, ഈജിപ്ത് രാജ്യങ്ങളുടെയും സഹകരണം തേടിയുള്ള നടപടിയോടെ സ്വര്‍ണക്കടത്ത് കേസ് അന്വേഷണം അന്താരാഷ്ട്ര തലത്തിലേക്ക് ഉയരുകയാണ്.

യു.എ.ഇ കോണ്‍സുലേറ്റില്‍ സാമ്പത്തിക വിഭാഗം മേധാവിയായിരുന്ന ഖാലിദ് മൊഹമ്മദ് അലി ഷൗക്രിയെ നാട്ടിലേക്ക് തിരികെ കൊണ്ടുവരാന്‍ ജാമ്യമില്ലാ വാറന്റ് പുറപ്പെടുവിക്കണമെന്ന് സാമ്പത്തിക കുറ്റക്കേസ് കൈകാര്യം ചെയ്യുന്ന പ്രത്യേക കോടതിയില്‍ അപേക്ഷ നല്‍കി. ഖാലിദിനെ കേസില്‍ മൂന്നാം പ്രതിയാക്കുകയാണ് ആവശ്യം.