ബദിയടുക്കയില്‍ ബസ് കാത്തിരിപ്പ് കേന്ദ്രം നിര്‍മ്മാണം തടഞ്ഞു; ഓട്ടോ സ്റ്റാണ്ടില്‍ അനുവദിക്കില്ലെന്നും സി.ഐ.ടി.യു തൊഴിലാളികള്‍ മുന്നറിയിച്ചു

ബദിയടുക്ക / കാസർകോട്: ബദിയടുക്ക ടൗണില്‍ ഓട്ടോ സ്റ്റാണ്ടും പൊതുയോഗവും നടത്തുന്ന സ്ഥലത്ത് ബസ് കാത്തിരിപ്പ് കേന്ദ്രം നിര്‍മ്മാണം. സി.ഐ.ടി.യു ഓട്ടോ തൊഴിലാളികൾ അടക്കമുള്ളവര്‍ ചേര്‍ന്ന് നിര്‍മ്മാണം തടഞ്ഞു. ടൗണ്‍ വികസനവുമായി ബന്ധപെട്ട് നേരത്തെയെടുത്ത സര്‍വ്വകക്ഷി യോഗ തീരുമാനത്തിന് വിപരീതമായി നിര്‍മ്മാണ പ്രവര്‍ത്തനം നടത്താന്‍ അധികൃതര്‍ ഇറങ്ങിയതാണ് പ്രതിഷേധത്തിന് ഇടയാക്കിയത്.

Also Read

ഓണ്‍ലൈന്‍ ലോണ്‍ തട്ടിപ്പ്; കണ്ണൂരില്‍ മൂന്ന് പേര്‍ക്ക് പണം നഷ്‌ടമായി, ക്രിപ്‌റ്റോ കോയിനിലും ഒ.എല്‍.എക്‌സിലും തട്ടിപ്പ് നടന്നു, ലോണിന് അപേക്ഷിച്ച മട്ടന്നൂര്‍ സ്വദേശിക്ക് 10,749 രൂപ നഷ്‌ടമായി

പാതിരാത്രിയിൽ പതിനാറുകാരിക്ക് പിറന്നാൾ കേക്ക് സമ്മാനിക്കാൻ പോയി; യുവാവിനെ ബന്ധുക്കൾ കൈകാര്യം ചെയ്‌തതായി പരാതി

കുമ്പള- ബദിയടുക്ക- മുള്ളേരിയ കെ.എസ്.ടി.പി റോഡ് പ്രവൃത്തിയുടെ ഭാഗമായാണ് പുതുതായി ബസ് കാത്തിരിപ്പ് കേന്ദ്രം നിര്‍മ്മിക്കുന്നത്. എന്നാല്‍ ഇത് യാത്രക്കാര്‍ക്ക് പ്രയോജനമില്ലാത്ത സ്ഥലത്താണ് പണിയുന്നതെന്നാണ് പരാതി ഉയര്‍ന്നത്.

വ്യാഴാഴ്‌ച നിര്‍മ്മാണ പ്രവൃത്തി നടത്താൻ എത്തിയപ്പോഴാണ് ഓട്ടോ തൊഴിലാളികളും മറ്റും ചേര്‍ന്ന് പ്രവൃത്തി തടഞ്ഞത്. 25 വര്‍ഷത്തിലേറെയായി നിലവിലുള്ളതാണ് ഇവിടത്തെ ഓട്ടോ സ്റ്റാണ്ട്. ഇത് ഇല്ലാതാക്കാന്‍ ചിലര്‍ ശ്രമിക്കുന്നതായി പരാതിയുണ്ട്. ചിലരുടെ താല്‍പര്യമാണ് ഇതിന് പിന്നിലെന്ന് സി.ഐ. ടി.യു യൂണിയന്‍ പ്രവര്‍ത്തകര്‍ ആരോപിക്കുന്നു.

ഓട്ടോ തൊഴിലാളി യൂണിയന്‍ ബി.എം.എസും നിര്‍മ്മാണത്തിന് എതിരെ രംഗത്ത് വന്നു.
അതേസമയം, ആരെയും പ്രകോപിതരാക്കാതെ രമ്യമായി പരിഹരിക്കാനുള്ള ആവശ്യമായ നടപടി സ്വീകരിക്കുമെന്ന് പഞ്ചായത്ത് വൈസ്. പ്രസിഡണ്ട് എം.അബ്ബാസ് പറഞ്ഞു. സി.ഐ.ടി.യു നേതാക്കളായ കെ.ജഗനാഥഷെട്ടി, ചന്ദ്രന്‍, ശ്രികാന്ത്, ഹാരിസ് തുടങ്ങിയവര്‍ ഓട്ടോ തൊഴിലാളികള്‍ക്ക് പിന്തുണ നല്‍കി രംഗത്ത് എത്തി.