ഗള്‍ഫ് കീഴടക്കി പുലിമുരുകന്‍.

ദുബായ്: കേരളത്തിന് പുറമേ ഗള്‍ഫിലും പുലിമുരുകന്‍ ചരിത്രമെഴുതുന്നു. ഒരു മലയാള സിനിമയ്ക്ക് ലഭിക്കുന്ന ഏറ്റവും ഉയര്‍ന്ന കളക്ഷനാണു റിലീസിങ്ങിന്റെ ആദ്യദിവസം പുലിമുരുകന്‍ നേടിയത്. ഒരു മലയാള സിനിമയ്ക്കും ലഭിച്ചിട്ടില്ലാത്ത വരവേല്‍പ്പാണ് പുലിമുരുകനു ഗള്‍ഫ് രാജ്യങ്ങളില്‍ ലഭിക്കുന്നത്. രജനീകാന്തിന്റെ കബാലിയുടെയും സല്‍മാന്‍ ഖാന്‍ന്റെ സുല്‍ത്താന്റെയും ഗള്‍ഫ് കളക്ഷന്‍ റെക്കോര്‍ഡുകള്‍ പുലിമരുകന്‍ തകര്‍ക്കുമെന്നാണു തിയേറ്ററുകളില്‍നിന്നു ലഭിക്കുന്ന സൂചനകള്‍. യുഎഇയില്‍ നൂറും, മറ്റ് ഗള്‍ഫ് രാജ്യങ്ങളില്‍ 160 സ്‌ക്രീനുകളിലുമാണ്‌ ചിത്രം റിലീസ് ചെയ്തിരിക്കുന്നത്.

Also Read

അത്താവറിലെ അപ്പാര്‍ട്ടുമെണ്ടില്‍ തീപിടുത്തം; ഒരു സ്ത്രീ മരിച്ചു, പിഞ്ചുകുഞ്ഞ് ഉള്‍പ്പെടെയുള്ളവര്‍ ആശുപത്രിയില്‍

കാസർകോട്ടുകാരൻ ലത്തീഫ് ഉപ്പളക്ക് ഒ.സി.സി.ഐ തെരഞ്ഞെടുപ്പില്‍ ജയം; ഒമാന്‍ ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രീസിൻ്റെ ഗവേണിംഗ് ബോര്‍ഡ് അംഗമായി തിരഞ്ഞെടുക്കപ്പെട്ടതിൽ മലയാളി പ്രവാസികൾക്കും ആവേശം

ആദ്യ ദിനങ്ങളില്‍ തന്നെ തിയറ്ററുകളില്‍ പ്രദര്‍ശനം ഹൗസ്ഫുള്ളായിരുന്നു. ചിത്രത്തിന്റെ ടിക്കറ്റുകളെല്ലാം മുന്‍കൂര്‍ വിറ്റുപോയിരുന്നു. ഒരാഴ്ചത്തേക്ക് പല തിയറ്ററുകളിലും ചിത്രത്തിനു ടിക്കറ്റ് ലഭിക്കാത്ത സ്ഥിതിയാണ് ദുബായില്‍ നിലവിലുള്ളത്. ഈ തരംഗം തുടരുകയാണെങ്കില്‍ ഗള്‍ഫില്‍ നൂറുദിനം ഓടുന്ന ആദ്യമലയാള ചിത്രം എന്ന ചരിത്രവും പുലിമുരുകന് സ്വന്തമാകും. മോഹന്‍ലാലിന്റെ തന്നെ ദൃശ്യം, മമ്മൂട്ടിയുടെ രാജമാണിക്യം, നിവിന്‍ പോളിയുടെ പ്രേമം തുടങ്ങിയവയാണ് ഇതിനു മുന്‍പു ഗള്‍ഫില്‍ വന്‍തോതില്‍ കളക്ഷന്‍ നേടിയ മലയാള സിനിമകള്‍. പക്ഷേ ഈ റെക്കോര്‍ഡുകളെല്ലാം തകര്‍ത്ത് മുന്നേറുകയാണ്
പുലിമുരുകന്‍.