കാറില്‍ കടത്തിയത് 8412 പായ്ക്കറ്റ് പുകയില ഉല്‍പ്പന്നങ്ങൾ, യുവാവ് അറസ്റ്റില്‍; ഫ്ളയിംഗ് സ്‌ക്വാഡ് നടത്തിയ പരിശോധനക്കിടെ ആണ് പ്രതി കുടുങ്ങിയത്

ബദിയടുക്ക / കാസർകോട്: കാറില്‍ കടത്തിയ 8412 പായ്ക്കറ്റ് പുകയില ഉല്‍പ്പന്നങ്ങളുമായി യുവാവ് അറസ്റ്റില്‍. മുണ്ട്യത്തടുക്ക അരിയപ്പാടി ഷേണിയിലെ അബ്ദുല്‍ ജാബിറിനെ(25)യാണ് ബദിയടുക്ക പൊലീസ് അറസ്റ്റ് ചെയ്‌തത്.

Also Read

കുവൈത്ത് പാര്‍ലമെണ്ട് പിരിച്ചുവിട്ടു; ഭരണഘടനയുടെ ചില ഭാഗങ്ങളും റദ്ദാക്കിയതായി അമീര്‍

അഖിലിൻ്റെ കൊലപാതകം; യുവാവ് കസ്റ്റഡിയില്‍, കരമന അനന്തു വധക്കേസ് പ്രതി കിരണ്‍ കൃഷ്‌ണനും സംഘവുമാണ് കൃത്യത്തിന് പിന്നിലെന്ന് പൊലീസ്

ലോക്‌സഭാ തിരഞ്ഞെടുപ്പിന് മുന്നോടിയായി തിങ്കളാഴ്‌ച ഉച്ചക്ക് രണ്ടരയോടെ അടുക്കസ്ഥല പള്ളിക്ക് സമീപം ഫ്ളയിംഗ് സ്‌ക്വാഡ് നടത്തിയ പരിശോധനക്കിടെ ആണ് പ്രതി കുടുങ്ങിയത്.

കര്‍ണാടക വിട്ള ഭാഗത്ത് നിന്ന് ബദിയടുക്ക ഭാഗത്തേക്ക് വരികയായിരുന്ന മാരുതികാര്‍ തടഞ്ഞാണ്‌ പരിശോധിച്ചത്. മൂന്ന് ചാക്കുകളിലായി സൂക്ഷിച്ച നിലയിലാണ് പുകയില ഉല്‍പ്പന്നങ്ങള്‍ കണ്ടെത്തിയത്.

പ്രതിയെ ഫ്ളയിംഗ് സ്‌ക്വാഡ് ബദിയടുക്ക പൊലീസിന് കൈമാറുകയായിരുന്നു. കാറും പുകയില ഉല്‍പ്പന്നങ്ങളും പൊലീസ് കസ്റ്റഡിയിലെടുത്തു. പോലീസ് സംഭവത്തിൽ കൂടുതൽ അന്വേഷണം ആരംഭിച്ചു.