ഫേസ്ബുക്ക് ഉപഭോക്താക്കള്‍ അറിഞ്ഞിരിക്കേണ്ട കാര്യങ്ങള്‍; ഫേസ്ബുക്ക് സുരക്ഷാ മേധാവി പറയുന്നത് ഇങ്ങനെ

ഏറ്റവും കൂടുതല്‍ ആളുകൾ ഉപയോഗിക്കുന്ന ആപ്ലിക്കേഷനുകളില്‍ ഒന്നാണ് ഫേസ്ബുക്ക്. കൂടുതല്‍ സമയം ചിലവഴിക്കുന്നതിന് ആശ്രയിക്കുന്നതും ഫേസ്ബുക്ക് പോലെയുള്ള സോഷ്യല്‍ മീഡിയകളെയാണ്. എന്നാല്‍ ഫേസ് ബുക്ക് അക്കൗണ്ട് സേഫ് ആയി നോക്കേണ്ടത് ആവിശ്യമാണ്. കാരണം ഇന്ന് സോഷ്യല്‍ മീഡിയയിലൂടെയുള്ള കുറ്റ കൃത്യങ്ങള്‍ ധാരാളമായി നടക്കുന്നുണ്ട്. പല രീതിയിലും ഫേസ്ബുക്ക് അക്കൗണ്ട് ഹാക്ക് ആകുവാനും സാധ്യതയുണ്ട്.

Also Read

ഓണ്‍ലൈന്‍ ലോണ്‍ തട്ടിപ്പ്; കണ്ണൂരില്‍ മൂന്ന് പേര്‍ക്ക് പണം നഷ്‌ടമായി, ക്രിപ്‌റ്റോ കോയിനിലും ഒ.എല്‍.എക്‌സിലും തട്ടിപ്പ് നടന്നു, ലോണിന് അപേക്ഷിച്ച മട്ടന്നൂര്‍ സ്വദേശിക്ക് 10,749 രൂപ നഷ്‌ടമായി

പാതിരാത്രിയിൽ പതിനാറുകാരിക്ക് പിറന്നാൾ കേക്ക് സമ്മാനിക്കാൻ പോയി; യുവാവിനെ ബന്ധുക്കൾ കൈകാര്യം ചെയ്‌തതായി പരാതി

സ്‌കൂൾ അസൈൻമെന്റുകളെക്കുറിച്ച് അറിയുന്നതിനുമൊക്കെ ഇന്റ‍ർനെറ്റ് ഒരു അവിഭാജ്യ ഘടകമായി മാറി. എന്തിനേറെ മക്കൾക്ക് മൊബൈൽ ഫോണും കമ്പ്യൂട്ടറുകളും നൽകാതിരുന്ന മാതാപിതാക്കൾ പോലും ക്ലാസുകൾക്കായി അവരെ കമ്പ്യൂട്ടറിനും മൊബൈൽ ഫോണിനും മുന്നിൽ പിടിച്ചിരുത്തേണ്ട സ്ഥിതിയായി.

എന്നാല്‍ ഫേസ്ബുക്ക് സേഫ് ആയി നോക്കുന്നതിന് കൂടുതല്‍ വിവരങ്ങള്‍ മനസ്സിലാക്കാം.

1.ഫേസ്ബുക്ക് പാസ് വേര്‍ഡ് മറ്റൊരാള്‍ക്കും പറഞ്ഞു കൊടുക്കരുത് .ഇടയ്ക്കൊക്കെ ഫേസ് ബുക്കിൻ്റെ പാസ് വേര്‍ഡ് മാറ്റികൊണ്ടിരിക്കണം.

2.രണ്ടാമതായി ശ്രദ്ധിക്കേണ്ടത് പ്രൊഫൈല്‍ ലോക്ക് ചെയ്തിടുക. സ്വാകാര്യ ഫോട്ടോകളും മറ്റു വിവരങ്ങളും സേഫ് ആക്കുവാന്‍ സാധിക്കുന്നതാണ്.

3.ഫേസ്ബുക്ക് ആക്റ്റിവിറ്റി ഓഫ് ചെയ്‌തു വെക്കുക

4.അനാവശ്യമായി ഫേസ്ബുക്കില്‍ വരുന്ന പരസ്യങ്ങൾ സപ്പോര്‍ട്ട് ചെയ്യാതിരിക്കുക.

5.കമ്പ്യുട്ടര്‍ സെൻ്റെറുകള്‍ കൂടാതെ മറ്റു കഫെ എന്നിവിടങ്ങളില്‍ നിന്നും ഫേസ്ബുക്ക് ഉപയോഗിക്കുന്നവര്‍ തീര്‍ച്ചയായും പ്രോപ്പര്‍ ആയി തന്നെ ലോഗ് ഔട്ട് ചെയ്യേണ്ടതാണ്. കൂടാതെ പിന്നീട് പാസ് വേര്‍ഡ് മാറ്റുവാനും ശ്രദ്ധിക്കേണ്ടതാണ്.

കുട്ടികളെ സുരക്ഷിതരാക്കാം, ഫേസ്ബുക്ക് സുരക്ഷാ മേധാവി പറയുന്നു

കൊറോണ വൈറസ് മഹാമാരി സമയത്ത് വിദ്യാഭ്യാസ മേഖലയെ തകിടം മറിക്കാതെ പിടിച്ചു നി‍ർത്തിയത് ഇന്റ‍ർനെറ്റാണ്. യുവജനങ്ങൾക്കായി മികച്ച ഓൺലൈൻ ലോകം സൃഷ്ടിക്കാൻ ഇന്റ‍ർനെറ്റിനായി. രക്ഷകർത്താക്കൾക്ക് അവരുടെ കുട്ടികളെ എങ്ങനെ ഓൺ‌ലൈനിൽ സുരക്ഷിതമാക്കാം എന്നത് സംബന്ധിച്ച് ചില നി‍‍ർദ്ദേശങ്ങൾ ഫേസ്ബുക്ക് ഏഷ്യ പസഫിക് സേഫ്റ്റി ഹെഡ് അംബർ ഹോക്‌സ്, ഐ‌എ‌എൻ‌എസ് ലൈഫുമായി പങ്കുവച്ചു.

യഥാ‍ർത്ഥത്തിൽ കുട്ടികളെ ഓൺ‌ലൈൻ സുരക്ഷയെക്കുറിച്ച് മനസ്സിലാക്കിക്കുന്നത് അൽപ്പം ബുദ്ധിമുട്ട് നിറഞ്ഞ കാര്യമാണ്. എന്നാൽ നമുക്ക് ചെയ്യാൻ കഴിയുന്ന ഏറ്റവും പ്രധാനപ്പെട്ട കാര്യം ആശയ വിനിമയത്തിനും മറ്റും തുറന്ന ചാനലുകൾ സൂക്ഷിക്കുക എന്നതാണെന്ന് അംബ‍ർ ഹോക്‌സ് പറഞ്ഞു. ഓൺലൈൻ സുരക്ഷ സംബന്ധിച്ച സംഭാഷണങ്ങൾ ദൈനംദിന ജീവിതത്തിന്റെ ഭാഗമാക്കണമെന്നും ഹോക്‌സ് പറഞ്ഞു. അപരിചിതരെ സൂക്ഷിക്കണമെന്നും റോഡ് മുറിച്ചു കടക്കുമ്പോൾ സൂക്ഷിക്കണമെന്നും കുട്ടികൾക്ക് പറഞ്ഞു കൊടുക്കുന്നതു പോലെ തന്നെ ഓൺലൈൻ സുരക്ഷ സംബന്ധിച്ചും കുട്ടികളുമായി സംസാരിക്കണം.

ഓൺലൈൻ സുരക്ഷയെക്കുറിച്ച് കുട്ടികളോട് സംസാരിക്കുന്നതിലൂടെ മൊബൈൽ ഫോണിൻ്റെയും ഇൻ്റെർനെറ്റിൻ്റെയും ഉപയോഗം ഉത്തരവാദിത്തത്തോടെ ആയിരിക്കണമെന്ന് കുട്ടികളെ മനസ്സിലാക്കണമെന്ന് ഹോക്‌സ് ചൂണ്ടിക്കാട്ടി. മറ്റുള്ളവരെ അപേക്ഷിച്ച് ചെറുപ്പക്കാർ ഓൺലൈനിൽ കൂടുതൽ ദുർബലരാണെന്ന് ഒരു അമ്മ എന്ന നിലയിൽ ഹോക്‌സ് സ്വയം സമ്മതിക്കുകയും ചെയ്തു.

“തങ്ങളുടെ ഉൽപ്പന്നങ്ങളിലൂടെയും നയങ്ങളിലൂടെയും അവരെ സുരക്ഷിതരാക്കുക എന്നതാണ് ഫേസ്ബുക്കിലെ തൻ്റെ ജോലിയെന്നും ഹോക്‌സ് പറഞ്ഞു. എല്ലാ ഫേസ്ബുക്ക്, ഇൻസ്റ്റാഗ്രാം ഉപയോക്താക്കൾക്കും ലഭ്യമായ സ്വകാര്യത, സുരക്ഷ എന്നിവയ്‌ക്കൊപ്പം പ്രായപൂർത്തിയാകാത്തവരെ സംരക്ഷിക്കുന്നതിന് നിരവധി അധിക പരിരക്ഷകളും കമ്പനി വാഗ്ദാനം ചെയ്യുന്നുണ്ടെന്ന് അംബ‍ർ ഹോക്‌സ് പറഞ്ഞു.

ഫേസ്ബുക്കിലോ ഇൻസ്റ്റാഗ്രാമിലോ ഒരു അക്കൗണ്ട് ആരംഭിക്കുന്നതിന് കുറഞ്ഞത് 13 വയസ്സ് തികയണമെന്ന് കമ്പനി ആവശ്യപ്പെടുന്നത് ഈ സുരക്ഷയുടെ ഭാഗമായാണ്. ചില രാജ്യങ്ങളിൽ പ്രായപരിധി കൂടുതലായിരിക്കാം. ഫേസ്ബുക്കിൽ, പ്രായപൂർത്തി ആകാത്തവർക്ക് സുഹൃത്തുക്കൾ അല്ലാത്തവരിൽ നിന്ന് ലഭിക്കുന്ന സന്ദേശങ്ങൾ മൈനറിൻ്റെ ഇൻബോക്സിൽ നിന്ന് ഫിൽട്ടർ ചെയ്ത് നേരിട്ട് സ്പാം ഫോൾഡറിലേക്ക് അയയ്ക്കും.”

കുട്ടികൾക്കൊപ്പം ചെലവഴിക്കുക

നിങ്ങളും കുട്ടികൾക്കൊപ്പം ഓൺലൈനിൽ സമയം ചെലവഴിക്കുക. കുട്ടികൾ വീഡിയോ ഗെയിമുകൾ കളിക്കാൻ ആഗ്രഹിക്കുന്നുവെങ്കിൽ, അവർ ഇത് ചെയ്യുമ്പോൾ അവരോടൊപ്പം ഇരിക്കുക. കൗമാരക്കാരൻ ഫേസ്ബുക്കിലോ ഇൻസ്റ്റാഗ്രാമിലോ ആണെങ്കിൽ, അവരുടെ ഫ്രണ്ട്സ് ലിസ്റ്റ് അറിയുക. അവർ ആരുമായാണ് സംസാരിക്കുന്നതെന്നും അവ‍‍ർ ഷെയ‍ർ ചെയ്യുന്നത് എന്തെല്ലാമാണെന്നും ക‍ൃത്യമായി മനസ്സിലാക്കുക.

സുരക്ഷാ ക്രമീകരണങ്ങൾ

ആളുകൾക്ക് ഫേസ്ബുക്കിലും മറ്റും അവർ പങ്കിടുന്നവ, ആരുമായി പങ്കിടുന്നു, എന്ത് കാണുന്നു, ആരുമായി ബന്ധപ്പെടുന്നു എന്നീ കാര്യങ്ങളിൽ നിയന്ത്രണങ്ങൾ വരുത്താം. ഫേസ്ബുക്ക്, ഇൻസ്റ്റഗ്രാം, വാട്ട്സ്ആപ്പ് മെസെഞ്ച‍ർ എന്നിവയിൽ ഇത്തരത്തിൽ ക്രമീകരണങ്ങൾ നടത്തുന്നതിന് സംവിധാനങ്ങളുണ്ട്.

നിയമങ്ങൾ‌ തയ്യാറാക്കുക

മൊബൈൽ ഫോണുകളും മറ്റും‌ ഉപയോഗിക്കുന്നതിനും ഇൻ്റെർ‌നെറ്റിലും സോഷ്യൽ മീഡിയയിലും സമയം ചെലവഴിക്കുന്നതിനും സമയ നിയന്ത്രണങ്ങൾ വയ്ക്കുക. ഈ നിയമങ്ങൾ വീടുകളിൽ തന്നെ കുട്ടികളുടെ പ്രായത്തിന് അനുസരിച്ച് നടപ്പിലാക്കുക.

കുട്ടികളിൽ നിന്ന് മനസിലാക്കുക

സാങ്കേതിക വിദ്യ നിരന്തരം വികസിക്കുന്ന ഒന്നാണ്. ഇത് വേഗത്തിൽ പഠിക്കുന്നവരാണ് ചെറുപ്പക്കാർ. കുട്ടികൾ ഒരു പുതിയ അപ്ലിക്കേഷൻ ഉപയോഗിക്കാൻ തുടങ്ങിയാൽ, അത് എങ്ങനെ പ്രവർത്തിക്കുന്നുവെന്ന് അവരോട് കാണിച്ച് തരാൻ ആവശ്യപ്പെടുക. ആപ്ലിക്കേഷൻ്റെ സ്വകാര്യത, സുരക്ഷാ സവിശേഷതകൾ എന്നിവയെക്കുറിച്ച് നിങ്ങൾ സ്വന്തമായും ഗവേഷണം നടത്തിയിരിക്കണം.