നടൻ സൂരാജ് വെഞ്ഞാറമൂടിൻ്റെ ഡ്രൈവിംഗ് ലൈസന്‍സ് സസ്‌പെന്റ് ചെയ്യാന്‍ സാധ്യത; മോട്ടോര്‍ വാഹന വകുപ്പ് നല്‍കിയ നോട്ടീസുകളോട് പ്രതികരിക്കാത്തത് വിനയാകും

കൊച്ചി: വാഹനാപകടവുമായി ബന്ധപ്പെട്ട കേസില്‍ മോട്ടോര്‍ വാഹന വകുപ്പ് നല്‍കിയ നോട്ടീസുകളോട് മറുപടി നൽകാത്ത നടന്‍ സൂരാജ് വെഞ്ഞാറമൂടിനെതിരെ നടപടി.

Also Read

അപകടത്തിൽ ഞെട്ടി കുഞ്ചത്തൂർ; മരണപ്പെട്ടത് അച്ഛനും രണ്ട് മക്കളും; ആംബുലന്‍സിലുണ്ടായിരുന്ന നാല് പേർക്കും പരിക്ക്; അപകടത്തെ കുറിച്ച് രക്ഷാപ്രവർത്തകർ പറയുന്നത്..

യുവാക്കൾ തമ്മിൽ വാക്ക് തർക്കം; അനുനയത്തിന് ശ്രമിച്ച നാൽപത്തിയഞ്ചുകാരന് കുത്തേറ്റു; ബിയർകുപ്പി പൊട്ടിച്ചു..

ലൈസന്‍സ് സസ്‌പെന്റ് ചെയ്യാതിരിക്കാന്‍ കാരണം കാണിക്കൽ നോട്ടീസ് എം.വി.ഡി മൂന്ന് തവണ അയച്ചുവെങ്കിലും സൂരാജ് വെഞ്ഞാറമൂട് മറുപടി നല്‍കിയിരുന്നില്ല. ഇതേതുടര്‍ന്നാണ് സൂരാജിൻ്റെ ഡ്രൈവിംഗ് ലൈസന്‍സ് സസ്‌പെന്റ് ചെയ്യാന്‍ വകുപ്പ് തീരുമാനിച്ചത്.

കഴിഞ്ഞ വര്‍ഷം ജൂലായ് 29ന് രാത്രി കൊച്ചി തമ്മനം-കാരക്കോടം റോഡിലാണ് സൂരാജ് ഓടിച്ച കാറിടിച്ച്‌ ബൈക്ക് യാത്രക്കാരന് പരിക്കേറ്റത്. അമിത വേഗതയിലായിരുന്നു സൂരാജ് ഓടിച്ച കാർ. ബൈക്ക് യാത്രികനായ മഞ്ചേരി സ്വദേശി ശരത്തിനാണ് പരിക്കേറ്റത്. ശരതിൻ്റെ വലതുകാലിലെ പെരുവിരലിൻ്റെ അസ്ഥി ഒടിയുകയും മറ്റ് നാല് വിരലുകള്‍ക്ക് മുറിവേല്‍ക്കുകയും ചെയ്തിരുന്നു.