മുസ്ലിംലീഗ് കള്ളപ്രചരണം നടത്തുന്നു; ഉണ്ണിത്താൻ്റെ ഒന്നിച്ചുള്ള ഫോട്ടോ ഒരുവര്‍ഷം മുമ്പ് എടുത്തത്: അസീസ് കടപ്പുറം

കാസര്‍കോട്: ഒരു വര്‍ഷം മുമ്പ് പൊതുപരിപാടിയില്‍ പങ്കെടുത്തപ്പോള്‍ രാജ്‌മോഹന്‍ ഉണ്ണിത്താനുമായി താന്‍ സംസാരിക്കുമ്പോൾ എടുത്ത ഫോട്ടോക്ക് താഴെ ‘അസീസ് കടപ്പുറം കോണ്‍ഗ്രസിലേക്ക്’ എന്ന് പറഞ്ഞ് യു.ഡി.എഫ് സൈബര്‍ പോരാളികള്‍ കല്ലുവെച്ച നുണ പ്രചരിപ്പിക്കുക ആണെന്ന് ഐ.എന്‍.എല്‍ ജില്ലാ ജനറല്‍ സെക്രട്ടറി അസീസ് കടപ്പുറം. ഇതുസംബന്ധിച്ച് പൊലീസില്‍ ഉടന്‍ പരാതി നല്‍കുമെന്നും അദ്ദേഹം അറിയിച്ചു.

Also Read

മേഖല തിരിച്ച് വൈദ്യുതി നിയന്ത്രണം തുടങ്ങി; സര്‍ക്കുലര്‍ പുറത്തിറക്കി, സംസ്ഥാനത്ത് ലോഡ് ഷെഡിങ് ഉടൻ ഉണ്ടാവില്ലെന്ന് മന്ത്രി കെ.കൃഷ്‌ണന്‍ കുട്ടി

രാജ്യത്തിൻ്റെ പ്രതിരോധ മേഖലയിലെ എൻജിനീയർ പദവിയിൽ നിന്നും വിരമിച്ച സൈനികൻ; നാൽപത് വർഷത്തെ സേവനത്തിന് ശേഷം പടിയിറങ്ങിയ കമ്പല്ലൂർ സ്വദേശി കൃഷ്‌ണൻ വീണ്ടും ജോലിയിൽ പ്രവേശിക്കാൻ ഒരുങ്ങുന്നു; അദ്ദേഹത്തെ കുറിച്ച് കൂടുതൽ അറിയാം

തിരഞ്ഞെടുപ്പില്‍ തോല്‍വി മണത്തറിഞ്ഞ മുസ്ലിംലീഗ് സൈബര്‍ പോരാളികള്‍ തനിക്കെതിരെ വ്യാപകമായി വ്യാജപ്രചരണം നടത്തുകയാണ്.

എൻ്റെ വാട്‌സാപ്പ് നമ്പറില്‍ മോര്‍ഫ് ചെയ്‌ത വ്യാജ കുറിപ്പുകള്‍ പോസ്റ്റ് ചെയ്‌ത്‌ പ്രചരിപ്പിക്കുന്നു.

ന്യൂനപക്ഷ മേഖയില്‍ ചിലയിടങ്ങളില്‍ പ്രിന്റ് ചെയ്‌ത്‌ ഒരോ വീട്ടിലും കയറി വ്യാജ വാര്‍ത്ത കുറിപ്പുകള്‍ വിതരണം ചെയ്യുന്നു. പരാജയം മുന്നില്‍ കണ്ട് മാനസിക വെപ്രാളത്തിലാണ് ഒരോ മണിക്കൂറുകളിലും ഇത്തരം കള്ള പ്രചരണങ്ങള്‍ നടത്തുന്നത്. ഇത്തരം കള്ള പ്രചരണങ്ങള്‍ ജനങ്ങള്‍ തിരിച്ചറിഞ്ഞ് പ്രതികരിക്കും, -അസീസ് കടപ്പുറം വ്യക്തമാക്കി.