കാൽപന്ത് കളിയുടെ കായികാവേശം; നെരൂദ ജൂബിലി സോക്കർ 2k20 സെവൻസ് ഫുട്ബോൾ ടൂർണമെന്റിന് ഒരുക്കങ്ങളായി

Also Read

മണവാട്ടിമാരെ ചുരുങ്ങിയ ചെലവിൽ മൊഞ്ചത്തിമാരാകാം; സ്വർണ്ണത്തോട് കിടപിടിക്കുന്ന ഡിസൈൻ; ആന്റിക് മോഡലുകൾ, കാസർകോട്ടെ ചോക്ലേറ്റ് ഫാൻസി എൻ ബാഗ് ഷോപ്പിനെ കുറിച്ച് അറിയാം..

ബാക്ക് ടു സ്കൂൾ ഫെസ്റ്റിവലുമായി കാസർകോട്ടെ മയൂര ആർട്ട്‌ പ്രസ് ബുക്ക് ഷോപ്പ്; എല്ലാ സ്കൂൾ ഓഫീസ് സ്റ്റേഷനറികളും ആകർഷകമായ വിലക്കുറവിൽ

കുറ്റിക്കോൽ (കാസർകോട് ): നെരൂദ രജത ജൂബിലി ആഘോഷത്തിന്‍റെ ഭാഗമായി ടി.ജി കുട്ടൻ മാസ്റ്റർ മെമ്മോറിയൽ എവർ റോളിംഗ് ട്രോഫിക്ക് വേണ്ടിയുള്ള നെരൂദ ജൂബിലി സോക്കർ 2k20 സെവൻസ് ഫുട്ബോൾ ടൂർണമെന്റിന് ഒരുക്കങ്ങൾ പൂർത്തിയായി. ഫെബ്രുവരി പത്ത് മുതൽ 16 വരെയാണ് ഫ്ളഡ് ലൈറ്റ് സെവൻസ് കളക്ഷൻ ടൂർണമെന്റ് നടക്കുന്നത്.

കുറ്റിക്കോൽ ശ്രീ മഹാവിഷ്ണു ക്ഷേത്ര മൈതാനിയിൽ കൂറ്റൻ സ്റ്റേഡിയത്തിൽ ദേശീയ അന്തർ ദേശീയ താരങ്ങൾ മാറ്റുരക്കും. ഗ്രാമീണ കായികാസ്വാദകർക്ക് കാൽപന്ത് കളിയുടെ കായികാവേശം പകരാൻ ഏഴ് രാത്രികളിൽ പ്രഗത്ഭരായ രാജ്യാന്തര താരങ്ങൾ ഉൾപ്പെടെ കാളിക്കളത്തിലിറങ്ങും. സംസ്ഥാന ലൈബ്രറി കൗൺസിൽ സെക്രട്ടറി അഡ്വ. പി.അപ്പുകുട്ടൻ ഉദ്ഘാടനം ചെയ്യും. 16ന് സമാപന സമ്മേളനത്തിൽ ജില്ലാ കളക്ടർ ഡോ. ഡി.സജിത് ബാബു ഐ.എ.എസ് സമ്മാനങ്ങൾ വിതരണം ചെയ്യും.