വ്യാപാര സ്ഥാപനങ്ങളില്‍ മിന്നല്‍ പരിശോധനയുമായി വെള്ളരിക്കുണ്ട് പൊതുജനാരോഗ്യ വിഭാഗം

കാസര്‍കോട്: ബളാല്‍ ഗ്രാമ പഞ്ചായത്തില്‍ കോവിഡ് വ്യാപനം രൂക്ഷമാകുന്ന പശ്ചാത്തലത്തില്‍ വെള്ളരിക്കുണ്ട് പ്രാഥമികാരോഗ്യകേന്ദ്രം പൊതുജനാരോഗ്യ വിഭാഗം വ്യാപാര സ്ഥാപനങ്ങളില്‍ മിന്നല്‍ പരിശോധന നടത്തി. നായ്ക്കയം, എടത്തോട്, കനകപ്പള്ളി, കല്ലംചിറ, ബളാല്‍, വെള്ളരിക്കുണ്ട് ടൗണുകളിലെ 75 ഓളം സ്ഥാപനങ്ങള്‍ പരിശോധിച്ചു.

Also Read

വികസനത്തില്‍ രാഷ്ട്രീയമില്ലെന്ന് മന്ത്രി അഹമ്മദ് ദേവര്‍ കോവില്‍; വെള്ളരിക്കുണ്ട് താലൂക്ക് തല അദാലത്ത് ഉദ്ഘാടനം ചെയ്തു

കൊവിഡിനേക്കാള്‍ മാരകമായ മഹാമാരിക്ക് സാധ്യത; രാജ്യങ്ങൾ തയ്യാറാകണമെന്ന മുന്നറിയിപ്പുമായി ലോകാരോഗ്യ സംഘടന

ജില്ലാ കളക്ടറുടെ നിര്‍ദ്ദേശം ലംഘിച്ച 19 സ്ഥാപന ഉടമകള്‍ക്ക് ശക്തമായ താക്കീത് നല്‍കി. പഞ്ചായത്തില്‍ പൊതുജനാരോഗ്യ വിഭാഗം, മാഷ് ടീം, പോലീസ് എന്നിവ വ്യാപനം തടയുന്നതിന് നിരന്തര പരിശോധന നടത്തുന്നുണ്ട്. നിര്‍ദ്ദേശങ്ങള്‍ അവഗണിച്ച വെള്ളരിക്കുണ്ടിലെ ഒരു വ്യാപാര സ്ഥാപനം കഴിഞ്ഞ ദിവസം സെക്ടറല്‍ മജിസ്ട്രേറ്റ് അടപ്പിച്ചിരുന്നു.

തുടര്‍ന്നുള്ള ദിവസങ്ങളില്‍ പഞ്ചായത്ത് പൊതുജനാരോഗ്യ വിഭാഗം പരിശോധന ശക്തമാക്കി നടപടി സ്വീകരിക്കുമെന്ന് ഹെല്‍ത്ത് ഓഫീസര്‍ അജിത് സി. ഫിലിപ്പ് അറിയിച്ചു. പരിശോധനയില്‍ ജൂനിയര്‍ ഹെല്‍ത്ത് ഇന്‍സ്പക്ടര്‍മാരായ കെ. സുജിത് കുമാര്‍ ,രഞ്ജിത്ത് ലാല്‍, വി. കെ ഹാരീസ് എന്നിവരും പങ്കെടുത്തു.