ജി.എസ്.ടി വകുപ്പിൻ്റെ നേതൃത്വത്തിൽ സംസ്ഥാനത്ത് വ്യാപക റെയ്‌ഡ്; വ്യാജ രജിസ്ട്രേഷനിലൂടെ 1200 കോടിയുടെ വ്യാപാരം

സംസ്ഥാന ജി.എസ്.ടി വകുപ്പിൻ്റെ നേതൃത്വത്തിൽ സംസ്ഥാന വ്യാപക റെയ്‌ഡ്. ജി.എസ്.ടി വകുപ്പിന് കീഴിലെ ഇൻ്റെലിജൻസ്, എൻഫോഴ്സ്മെണ്ട് വിഭാഗങ്ങളുടെ കീഴിലാണ് പരിശോധന. 350 ഉദ്യോഗസ്ഥരുടെ നേതൃത്വത്തിൽ സംസ്ഥാനത്തെ 101 കേന്ദ്രങ്ങളിൽ ഒരേ സമയം പരിശോധന നടത്തുകയാണ്. പുലർച്ചെ അഞ്ചുമണിക്ക് ആരംഭിച്ച പരിശോധന തുടരുകയാണ്.

Also Read

മുസ്ലീങ്ങള്‍ മാത്രം മതിയെന്ന ചെന്നൈ സംഘത്തിൻ്റെ പ്രചാരണം; ആശങ്ക ഉളവാക്കുന്നു എന്ന് അന്വേഷണ ഏജന്‍സികള്‍, യു.എ.പി.എ ചുമത്തിയാണ് ഇവർക്കെതിരെ കേസെടുത്തത്

വിവാഹ ഏജൻസിയുടെ പേരിൽ തട്ടിപ്പ്; യുവതികൾ തട്ടിയെടുത്തത് എട്ടര ലക്ഷം രൂപ, പോലീസ് കേസെടുത്ത് അന്വേഷണം തുടങ്ങി

വ്യാജ ജി.എസ്.ടി രജിസ്ട്രേഷൻ നിർമ്മിച്ച് അനധികൃത വ്യാപാരം നടത്തുന്ന സ്ഥാപനങ്ങൾ കേന്ദ്രീകരിച്ചാണ് റെയ്‌ഡ്‌ നടക്കുന്നത്. സംസ്ഥാനത്ത് വ്യാജ ജി.എസ്.ടി രജിസ്ട്രേഷനിലൂടെ 1200 കോടി രൂപയുടെ വ്യാപാരം നടന്നതായി ജി.എസ്.ടി വിഭാഗം അധികൃതർ അറിയിച്ചു.

പാലക്കാട് ഓങ്ങല്ലൂരിലെ സ്ക്രാപ് ഗോഡൗണുകളിലും പരിശോധന നടത്തുന്നുണ്ട്. വിവിധ ഇടങ്ങളിൽ നിന്ന് നിരവധിപേർ കസ്റ്റഡിയിൽ ആയതായാണ് വിവരം.