ബദിയടുക്ക പഞ്ചായത്ത് ബസ്സ്റ്റാന്റ് പുനഃസ്ഥാപിക്കണം: ബസ് ഓണേഴ്സ്‌ അസോസിയേഷൻ

കാസർകോട്: അപകടാവസ്ഥയിലായ ബദിയടുക്ക പഞ്ചായത്ത് ബസ്സ്റ്റാന്റ് പൊളിച്ചു മാറ്റിയിട്ട് ഒരു വര്‍ഷത്തിലധികമായി. ഇവിടെ ബസ്സ്റ്റാന്റ് പുനഃസ്ഥാപിക്കണം എന്ന് ബസ് ഓണേഴ്സ്‌ അസോസിയേഷൻ പത്രക്കുറിപ്പിലൂടെ ആവശ്യപ്പെട്ടു. വിദ്യാര്‍ത്ഥികളും കുട്ടികളും വയോധികരടക്കമുള്ള ആയിരക്കണക്കിന് യാത്രക്കാര്‍ വന്ന്‌പോകുന്ന ഈ ബസ്സ്റ്റാന്റില്‍ പ്രാഥമികാവശ്യങ്ങള്‍ നിറവേറ്റുന്നതിനുള്ള സൗകര്യംപോലും പഞ്ചായത്ത് ഏര്‍പ്പെടുത്തിയിട്ടില്ല. ശുചിമുറി പോലും ഇല്ലാത്തത് ബസ് ജീവനക്കാരെയും വളരെ വിഷമത്തിലാക്കുന്നുണ്ട്.

Also Read

നബിദിനം പ്രമാണിച്ച് വലിയ ഡിസ്‌കൗണ്ട് ഓഫറുമായി ബദിയടുക്കയിലെ ഐക്കോണിക്ക് ഫർണിച്ചർ;വീട്ടിലേക്ക് ആവശ്യമുള്ള ഫർണിച്ചറുകൾ ഇനി എളുപ്പം സ്വന്തമാക്കാം

കാസര്‍കോട് ബ്ലോക്ക് പഞ്ചായത്തും ബദിയഡുക്ക ഗ്രാമപഞ്ചായത്തും കൈകോര്‍ക്കുന്നു; പെരഡാല കൊറഗ കോളനിയില്‍ ഒരുങ്ങുന്നത് 58,47,000 രൂപയുടെ സമഗ്ര വികസന പദ്ധതി

നിലവില്‍ പി.ഡബ്ല്യു.ഡി. റോഡിലൂടെ ബസുകള്‍ വരുന്നു-നിര്‍ത്തുന്നു-പോകുന്നു എന്നല്ലാതെ ഒരു ബസ്സ്റ്റാന്റ് ഇവിടെയില്ല. ഒരു സൗകര്യവും ഏര്‍പ്പാടാക്കാതെയാണ് പഞ്ചായത്ത് അധികൃതര്‍ സ്റ്റാന്റ് ഫീസ് ഈടാക്കുന്നത്.

2020 ഏപ്രില്‍ ഒന്ന് മുതല്‍ എല്ലാ സൗകര്യങ്ങളോടുകൂടിയ ബസ്സ്റ്റാന്റ് പുനഃസ്ഥാപിക്കുന്നത് വരെ ബസ്സ്റ്റാന്റ് ഫീസ് നല്‍കേണ്ടതില്ലെന്ന് അസോസിയേഷന്‍ തീരുമാനിച്ചതായി ബന്ധപ്പെട്ടവരെ രേഖാമൂലം അറിയിച്ചു.