സ്വ​ർ​ണ​ക്ക​ട​ത്ത്, ലൈ​ഫ് മി​ഷ​ൻ: വിവാദ ചാനൽ ചർച്ചകളിൽ നിന്ന് സി.പി.എം വിട്ടുനിൽക്കുമ്പോള്‍

സ്വ​ർ​ണ​ക്ക​ട​ത്ത്, ലൈ​ഫ് മി​ഷ​ൻ തു​ട​ങ്ങി​യ വിവാദങ്ങളുമായി ബ​ന്ധ​പ്പെ​ട്ട ചാ​ന​ൽ ച​ർ​ച്ച​ക​ളി​ൽ​നി​ന്നു വി​ട്ടു​നി​ൽ​ക്കാ​ൻ സി​.പി​.എം തീ​രു​മാ​നിച്ചെന്ന് റിപ്പോർട്ട്. കമ്മ്യൂണിസ്റ്റ് വിരുദ്ധ മനോഭാവത്തോടെയാണ് മാധ്യമങ്ങൾ പ്രവർത്തിക്കുന്നതെന്ന സി.പി.എം സംസ്ഥാന സെക്രട്ടേറിയറ്റ് യോഗത്തിന്‍റെ വിലയിരുത്തലിന് പിന്നാലെയാണ് തീരുമാനം. നേ​ര​ത്തേ ഏ​ഷ്യാ​നെ​റ്റ് ന്യൂ​സ് ചാ​ന​ലി​ന്‍റെ ച​ർ​ച്ച​ക​ൾ ക​മ്യൂ​ണി​സ്റ്റ് വി​രു​ദ്ധ​ത ചൂ​ണ്ടി​ക്കാ​ട്ടി സി​.പി​.എം ബ​ഹി​ഷ്ക​രി​ച്ചി​രു​ന്നു.

Also Read

കാസർകോട്ടെ കാറഡുക്ക സൊസൈറ്റിയിൽ നടന്ന തിരിമറി നേരത്തെ അറിഞ്ഞിരുന്നു; പണം തിരികെകിട്ടും എന്ന പ്രതീക്ഷയിൽ സംഭവം പുറംലോകം അറിയാതെ നോക്കി; പരാതി നൽകിയത് എല്ലാം കൈവിട്ടപ്പോൾ; നഷ്ടമായത് അഞ്ച് കോടിയോളം രൂപ; വെട്ടിലായി സി.പി.ഐ.എം

രാഷ്ട്രീയക്കാരൻ എന്ന നിലയിലും കലാകാരനെന്ന നിലയിലും വലിയ അവഗണനയാണ് ബി.ജെ.പിയിൽ നിന്ന് നേരിട്ടത്; രാജസേനൻ ബി.ജെ.പി വിടുന്നു ഇനി സി.പി.എമ്മിലേക്ക്

സ്വ​ർ​ണ​ക്ക​ട​ത്ത്, ലൈ​ഫ് മി​ഷ​ൻ തു​ട​ങ്ങി​യ വിഷയങ്ങളിലെ സംവാദങ്ങളിൽ പാർട്ടി പ്രതിനിധികൾ തത്കാലം പങ്കെടുക്കില്ലെന്ന് എ.കെ.ജി സെന്‍ററില്‍ നിന്നും ചാനലുകളെ അറിയിച്ചെന്നാണ് റിപ്പോര്‍ട്ടുകള്‍. എന്നാൽ ചാ​ന​ലു​ക​ളി​ലെ മ​റ്റു ച​ർ​ച്ച​ക​ളി​ൽ സി.പി.എം പ​ങ്കെ​ടു​ക്കും. ചാനൽ ചർച്ചകൾക്കായി പ്രതിനിധികളെ എ.കെ.ജി സെന്‍ററിൽ നിന്നു നിയോഗിക്കുന്ന രീതിയാണ് സി.പി.എം പിന്തുടരുന്നത്.

ഒരേ വിഷയം തന്നെ ആവര്‍ത്തിച്ചു ചര്‍ച്ച ചെയ്യുമ്പോള്‍ അതില്‍ പങ്കെടുക്കേണ്ടെന്നാണ് പാര്‍ട്ടി തീരുമാനം.
കേരളത്തില്‍ മാധ്യമങ്ങള്‍ക്ക് കോര്‍പ്പറേറ്റ് താത്പര്യങ്ങളാണുള്ളതെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ കഴിഞ്ഞ ദിവസം വിമർശനം ഉന്നയിച്ചിരുന്നു. വികസനരംഗത്തെ സർക്കാരിന്‍റെ ശ്രമങ്ങൾക്ക് മാധ്യമങ്ങൾ പരിഗണന നൽകുന്നില്ലെന്നും ഈ സമീപനം തിരുത്തണമെന്നും സെക്രട്ടേറിയറ്റ് യോഗം ആവശ്യപ്പെട്ടിരുന്നു.