നീലേശ്വരം നഗരസഭയില്‍ ശുചിത്വ ഹര്‍ത്താല്‍ ആചരിച്ചു

കാസർകോട്: മാലിന്യമുക്ത നവകേരളം ക്യാമ്പയിൻ്റെ ഭാഗമായി നീലേശ്വരം നഗരസഭയില്‍ ശുചിത്വ ഹര്‍ത്താല്‍ ആചരിച്ചു. ശുചീകരണത്തിൻ്റെ നഗരസഭാതല ഉദ്ഘാടനം 13,15 വാര്‍ഡുകള്‍ കേന്ദ്രീകരിച്ച് നഗരസഭാ ചെയര്‍പേഴ്‌സണ്‍ ടി.വി ശാന്ത നിര്‍വഹിച്ചു.

Also Read

പദ്ധതി തുക ചിലവില്‍ സംസ്ഥാനത്ത് ഒന്നാമത്; നേട്ടത്തിൻ്റെ നിറവില്‍ നീലേശ്വരം ബ്ലോക്ക് പഞ്ചായത്ത്

വലിച്ചെറിയല്‍ മുക്ത കേരളം; ക്യാമ്പയിന് നീലേശ്വരം നഗരസഭയില്‍ തുടക്കമായി

പൊതുമരാമത്ത് സ്ഥിരം സമിതി അധ്യക്ഷന്‍ കെ. പി രവീന്ദ്രന്‍, സി.ഡി.എസ് വൈസ് ചെയര്‍പേഴ്‌സണ്‍ എം.ശാന്ത, നഗരസഭ ഹെല്‍ത്ത് സൂപ്പര്‍വൈസര്‍ ടി.അജിത് എന്നിവര്‍ സംസാരിച്ചു. നവകേരളം വളണ്ടിയര്‍മാര്‍, സ്ഥിരം സമിതി അധ്യക്ഷന്‍മാര്‍, കൗണ്‍സിലര്‍മാര്‍, ഹെല്‍ത്ത് ഇന്‍സ്‌പെക്ടര്‍മാര്‍ എന്നിവര്‍ വിവിധ വാര്‍ഡുകളില്‍ ശുചീകരണ പ്രവര്‍ത്തനത്തിന് നേതൃത്വം നല്‍കി.

തൊഴിലുറപ്പ് തൊഴിലാളികള്‍, ഹരിത കര്‍മ്മ സേന, ആശാവര്‍ക്കര്‍മാര്‍, സന്നദ്ധ പ്രവര്‍ത്തകര്‍, രാഷ്ട്രീയ പാര്‍ട്ടി പ്രവര്‍ത്തകര്‍, ആരോഗ്യ വിഭാഗം ജീവനക്കാര്‍ തുടങ്ങിയവര്‍ ശുചീകരണത്തില്‍ പങ്കെടുത്തു.