കര്‍ണാടക മദ്യവുമായി അറസ്റ്റില്‍; പിടികൂടിയത് അനധികൃതമായി കടത്തിയ 112 ലിറ്റര്‍ മദ്യം, അന്തര്‍ സംസ്ഥാന മദ്യക്കടത്ത് സംഘത്തിനെ കുറിച്ച് അന്വേഷണം

കാസര്‍കോട്: ലോക്‌സഭാ തിരഞ്ഞെടുപ്പിന് മുന്നോടിയായുള്ള എക്‌സൈസിൻ്റെ സ്‌പെഷ്യല്‍ എന്‍ഫോഴ്‌സ്‌മെണ്ട് ഡ്രൈവില്‍ മീഞ്ച ബേരിക്കയില്‍ 112.32 ലിറ്റര്‍ കര്‍ണാടക മദ്യം കണ്ടെത്തി. കാസര്‍കോട് എക്‌സൈസ് എന്‍ഫോഴ്‌സ്‌മെണ്ട് ആന്റ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് ഓഫീസിലെ അസി. എക്‌സൈസ് ഇന്‍സ്‌പെക്ടര്‍ കെ.വി മുരളിയും സംഘവും നടത്തിയ പരിശോധനയിലാണ് മദ്യം കണ്ടെത്തിയത്.

Also Read

ലോക്‌സഭാ തിരഞ്ഞെടുപ്പ് നാലാം ഘട്ടം; 96 മണ്ഡലങ്ങള്‍ വിധിയെഴുതുന്നു, കനത്ത സുരക്ഷയാണ് ബൂത്തുകളില്‍ ഒരുക്കി ഇരിക്കുന്നത്, വേനൽ ചൂട് പോളിങ് ശതമാനത്തെ ബാധിക്കുമോ എന്നും ആശങ്ക

സ്ത്രീവിരുദ്ധ പരാമർശത്തിൽ കെ.എസ് ഹരിഹരന് എതിരെ കേസെടുത്തു, സ്ത്രീത്വത്തെ അപമാനിക്കൽ, സമൂഹത്തിൽ ലഹളയുണ്ടാക്കാൻ ശ്രമം തുടങ്ങിയ വകുപ്പുകൾ പ്രകാരമാണ് കേസ്

സംഭവത്തില്‍ ബേരിക്കയിലെ രാധാകൃഷ്‌ണ (54)നെ അറസ്റ്റ് ചെയ്‌തു. സിവില്‍ എക്‌സൈസ് ഓഫീസര്‍മാരായ കെ.ആര്‍ പ്രജിത്ത്, വി.മഞ്ജുനാഥന്‍, എ.കെ നസറുദ്ദീന്‍ എന്നിവര്‍ പരിശോധന സംഘത്തിലുണ്ടായിരുന്നു. അന്തര്‍ സംസ്ഥാന മദ്യക്കടത്ത് സംഘത്തിൻ്റെ പങ്കിനെ കുറിച്ച് അന്വേഷണം നടത്തുന്നതായി എക്‌സൈസ് അധികൃതര്‍ പറഞ്ഞു.

കര്‍ശന പരിശോധന തുടരുന്ന സാഹചര്യത്തില്‍ പിടിക്കപ്പെടാതിരിക്കാനായി കര്‍ണാടക അതിര്‍ത്തി പ്രദേശത്ത് മദ്യം ശേഖരിച്ച് വെച്ച് ജില്ലയുടെ മറ്റ് ഭാഗങ്ങളിലേക്ക് എത്തിക്കാനായി സൂക്ഷിച്ച മദ്യമാണ് പിടിച്ചത്.