മലപ്പുറം: കോട്ടക്കലില് നിപ സമ്പര്ക്ക പട്ടികയില് ഉള്പ്പെട്ട സ്ത്രീ മരിച്ചു. മലപ്പുറം പരപ്പനങ്ങാടി സ്വദേശിനിയാണിവർ. മലപ്പുറം മങ്കടയില് നിപ ബാധിച്ചു മരിച്ച പതിനെട്ടുകാരിയുമായി ഇവര്ക്ക് സമ്പര്ക്കമുണ്ടായിരുന്നു. രണ്ടുപേരും ഒരുമിച്ച് കോട്ടക്കല് സ്വകാര്യ ആശുപത്രിയില് ചികിത്സയിലുണ്ടായിരുന്നു എന്നാണ് അറിയാനായത്. ആരോഗ്യവകുപ്പിൻ്റെ പ്രോട്ടോകോള് പ്രകാരം ഇവര് ഹൈ റിസ്ക്ക് സമ്പര്ക്കപ്പട്ടികയിലുണ്ടായിരുന്നു. ഇന്ന് ഉച്ചയോടെയാണ് മരണം സംഭവിച്ചത്. മരിച്ച സ്ത്രീയുടെ സ്രവം പരിശോധിച്ചു. പരിശോധന ഫലം വരുന്നത് വരെ മൃതദേഹം സംസ്കരിക്കരുതെന്ന് ആരോഗ്യ വകുപ്പ് നിര്ദ്ദേശം നല്കിയിരുന്നു. പരിശോധനാ ഫലം നെഗറ്റിവ് എന്നത് വലിയ ആശ്വാസം നൽകി. ഹൃദയ സംബന്ധമായ അസുഖമാണ് മരണകാരണമെന്നാണ് റിപ്പോർട്ട്. നിപ മേഖലകളിൽ ജാഗ്രത തുടരുകയാണ്.
