കേരളത്തിൽ അതിതീവ്ര മഴക്കുള്ള മുന്നറിയിപ്പ്; വടക്കോട്ടു നീങ്ങുന്ന ന്യുനമർദ്ദം അടുത്ത 24 മണിക്കൂറിനുള്ളിൽ.?

കാസർഗോഡ്: അടുത്ത 2 ദിവസത്തിനുള്ളിൽ കേരളത്തിൽ കാലവർഷം എത്തിച്ചേരാൻ സാധ്യയെന്ന് കേന്ദ്ര കാലാവസ്ഥ വകുപ്പ്. അടുത്ത 7 ദിവസം പടിഞ്ഞാറൻ / വടക്കു പടിഞ്ഞാറൻ കാറ്റ് കേരളത്തിന് മുകളിൽ ശക്തമാകാൻ സാധ്യത. മധ്യ കിഴക്കൻ അറബിക്കടലിൽ വടക്കൻ കർണാടക-ഗോവ തീരത്തിന് മുകളിലായി രൂപപ്പെട്ട ന്യുനമർദ്ദം ശക്തികൂടിയ ന്യുനമർദ്ദമായി മാറി. തുടർന്ന് വടക്കോട്ടു നീങ്ങുന്ന ന്യുനമർദ്ദം അടുത്ത 24 മണിക്കൂറിനുള്ളിൽ തീവ്ര ന്യുനമർദ്ദമായി ശക്തിപ്രാപിക്കാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

Also Read

എൻഡോസൾഫാൻ ദുരിത ബാധിത പട്ടികയിൽ ഉൾപ്പെട്ട ഒരു യുവതി കൂടി മരണത്തിന് കീഴടങ്ങി; മരണപ്പെട്ടത് കാസർകോട് ഇടനീർ നെല്ലിക്കട്ട ഹൗസിലെ അനിസ

തളങ്കര ജി.എം.എച്ച്.എസ് 75 ബാച്ച് നടപ്പിലാക്കുന്ന ഗ്രീൻ കാസർകോട് പദ്ധതി മുന്നാട് പീപ്പിൾസ് കോളേജ് കാമ്പസിലും; കാസർകോട് എജ്യുക്കേഷൻ സൊസൈറ്റി പ്രസിഡൻ്റ് ഇ.പത്മാവതി വൃക്ഷതൈ നട്ടു

മെയ് 27 ഓടെ മധ്യ പടിഞ്ഞാറൻ-വടക്കൻ ബംഗാൾ ഉൾക്കടലിനു മുകളിലായി മറ്റൊരു ന്യുനമർദ്ദം കൂടി രൂപപ്പെടാൻ സാധ്യതയുണ്ട്. ആയതിനാൽ കേരളത്തിൽ അടുത്ത 7 ദിവസം വ്യാപകമായ മഴയ്ക്ക് സാധ്യതയുണ്ട്. മെയ് 24 മുതൽ 26 വരെ തീയതികളിൽ ഒറ്റപ്പെട്ട അതിതീവ്രമായ മഴയ്ക്കും മെയ് 23 മുതൽ 27 വരെ അതിശക്തമായ മഴയ്ക്കും സാധ്യതയുണ്ട്.