തൃക്കരിപ്പൂർ ഗ്രാമപഞ്ചായത്തിൽ കുറ്റികുരുമുളക് തൈ വിതരണം ചെയ്തു

തൃക്കരിപ്പൂർ(കാസർകോട്): ജനകീയ ആസൂത്രണ പദ്ധതി 2024-25 വർഷത്തിൽ തൃക്കരിപ്പൂർ ഗ്രാമപഞ്ചായത്തിൽ കുറ്റികുരുമുളക് തൈ വിതരണം ചെയ്തു. പദ്ധതി പ്രകാരം 75% സബ്സിഡി നിരക്കിൽ കുറ്റി കുരുമുളക് തൈ വിതരണം ഗ്രാമപഞ്ചായത്ത് പ്രസിഡൻറ് വി കെ ബാവ നിർവഹിച്ചു. ഒരു വീട്ടിലേക്കാവശ്യമായ കുരുമുളക് വീട്ടിൽ തന്നെ ഉല്പാദിപ്പിക്കുക എന്ന ലക്ഷ്യത്തോടെ ഒരാൾക്ക് 2 എണ്ണം കുറ്റികുരുമുളകുകളാണ് നൽകിയത്. ഗ്രാമപഞ്ചായത്ത് വൈസ് പ്രസിഡൻറ് ഇ എം ആനന്ദവല്ലി, വികസനകാര്യ സ്റ്റാൻഡിങ് കമ്മിറ്റി ചെയർമാൻ ഹാഷിം എ.കെ ഉളിയം, വാർഡ് മെമ്പർ സുധീഷ് എൻ, കൃഷി ഓഫീസർ രജീന എ, അസിസ്റ്റൻറ് കൃഷി ഓഫീസർ സതീശൻ പി എന്നിവർ സംസാരിച്ചു.

Also Read

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് 2025 കാസർകോട് ജില്ലാതല വിജ്ഞാപനമായി; നവംബർ 14 മുതൽ നവംബർ 21 വരെ; കൂടുതൽ അറിയാം..

കാസർകോട് തളങ്കര ഭാഗത്ത് കുടിവെള്ള വിതരണം മുടങ്ങും; മുൻകരുതലുകൾ സ്വീകരിക്കണമെന്ന് ജല അതോറിറ്റി; കൂടുതൽ അറിയാം..