പ്രവാസി സമൂഹത്തോട് സർക്കാറുകൾ കാണിക്കുന്ന വഞ്ചനയും, ദ്രോഹനടപടിയും അവസാനിപ്പിക്കണമെന്ന് പി.എം മുനീർ ഹാജി; കളക്ട്രേറ്റിന് മുമ്പിൽ അവകാശ സമരം നടത്തി കേരള പ്രവാസി ലീഗ്

കാസർകോട് : രാജ്യത്തിൻ്റെ വളർച്ചക്കും, വികസനത്തിനും സാമ്പത്തിക ഭദ്രതക്കും ജീവിതം സമർപ്പിച്ച പ്രവാസി സമൂഹത്തോട് സർക്കാറുകൾ കാണിക്കുന്ന വഞ്ചനയും, ദ്രോഹനടപടിയും
അവസാനിപ്പിക്കണമെന്ന് മുസ്ലിം ലീഗ് ജില്ലാ ട്രഷറർ പി.എം. മുനീർ ഹാജി ആവശ്യപ്പെട്ടു. പ്രവാസികളുടെ ന്യായമായ ആവശ്യങ്ങൾ പരിഹരിച്ച് നീതി നടപ്പിലാക്കുന്നത് വരെ സമരവുമായി മുന്നോട്ട് പോകുമെന്നും അദ്ദേഹം പറഞ്ഞു. തിരിച്ചു വന്ന പ്രവാസികൾ നേരിടുന്ന പ്രശ്‌നങ്ങൾ പരിഹരിക്കണമെന്നാവശ്യപ്പെട്ട് കേരള പ്രവാസി ലീഗ് സംസ്ഥാന വ്യാപകമായി നടത്തുന്ന സമരത്തിൻ്റെ ഭാഗമായി കാസർകോട് കളക്ട്രേറ്റിന് മുമ്പിൽ അവകാശ സമരം നടത്തി. കേരളത്തിൽ തിരിച്ചുവന്ന പ്രവാസികളുടെ എണ്ണം 15 ലക്ഷത്തിൽ അധികമാണ്. അവർ നേരിടുന്ന പ്രശ്നങ്ങൾക്ക് സർക്കാറിൻ്റെ ഭാഗത്തു നിന്നും യാതൊരു പരിഹാരമുണ്ടാക്കിയിട്ടില്ല. നിർദ്ദിഷ്ട പ്രവാസി കെയർ ഇൻഷൂറൻസ് പദ്ധതിയിൽ തിരിച്ചു വന്ന പ്രവാസികളെയോ വിദേശത്തും, മറുനാട്ടിലും ജോലി ചെയ്യുന്ന പ്രവാസികളുടെ രക്ഷിതാക്കളെയോ പരിഗണിക്കുന്നില്ല. തിരിച്ചു വന്ന പ്രവാസികൾക്ക് ഇൻഷൂർ ആനുകൂല്യങ്ങളും, തിരിച്ചറിയൽ കാർഡും
നൽകുക, അറുപത് വയസ് കഴിഞ്ഞ പ്രവാസികൾക്ക് പെൻഷൻ അടക്കമുള്ള പദ്ധതികൾ ആവിഷ്ക്കരിക്കുക പ്രവാസി പെൻഷൻ കൃത്യ സമയത്ത് വിതരണം ചെയ്യുക, ആറു മാസക്കാലത്തിലേറെയായി പരിഹരിക്കാതെ കിടക്കുന്ന പെൻഷൻ അപേക്ഷകൾ തീർപ്പാക്കുക എന്നീ ആവശ്യങ്ങൾ ഉന്നയിച്ചാണ്
അവകാശ സമരം സംഘടിപ്പിച്ചത്. പ്രസിഡണ്ട് ഇൻചാർജ് ഗഫൂർ തളങ്കര അധ്യക്ഷത വഹിച്ചു. ജനറൽ സെക്രട്ടറി ഖാദർ ഹാജി ചെങ്കള സ്വാഗതം പറഞ്ഞു. മുസ്ലിം ലീഗ് സംസ്ഥാന പ്രവർത്തക സമിതി അംഗം ബഷീർ വെള്ളിക്കോത്ത് മുഖ്യപ്രഭാഷണം നടത്തി. കെ.ഇ.എ. ബക്കർ, അബ്ദുല്ല കുഞ്ഞി ചെർക്കള, അസീസ് മരിക്കെ, കാപ്പിൽ മുഹമ്മദ് പാഷ, ടി.പി. കുഞ്ഞബ്ദുല്ല ഹാജി, സലാം ഹാജി, സെഡ് എ മൊഗ്രാൽ, ജാഫർ, കെ. കെ ശാഫി ഹാജി, അബ്ദുൽ റഹ്മാൻ കണ്ടത്താട് , മുനീർ പി. ചെർക്കള, അഹമ്മദലി മൂഡം ബയൽ, കുഞ്ഞാമു ബെദിര, എ.എം ഇബ്രാഹിം, മുഹമ്മദ് സുലൈമാൻ, എ.കെ.അബ്ദുല്ല, പി.എം. ഫൈസൽ, എ.അബ്ദുല്ല, അസീസ് കൂലേരി പ്രസംഗിച്ചു.

Also Read

ബ്ലാക്ക് ബോക്‌സ് ഡാറ്റ വീണ്ടെടുത്തു; ഇന്ധന നിയന്ത്രണ സ്വിച്ചുകൾ ഓഫ് ചെയ്ത നിലയിലായിരുന്നു; പൈലറ്റുമാരിൽ ഒരാൾ ചോദിക്കുന്നതും കേൾക്കാം; പ്രാഥമിക അന്വേഷണ റിപ്പോർട്ട് പുറത്ത് വന്നു; അഹമ്മദാബാദിൽ തകർന്നുവീണ വിമാനത്തിൽ സംഭവിച്ചത്..

എൻഡോസൾഫാൻ ദുരിത ബാധിത പട്ടികയിൽ ഉൾപ്പെട്ട ഒരു യുവതി കൂടി മരണത്തിന് കീഴടങ്ങി; മരണപ്പെട്ടത് കാസർകോട് ഇടനീർ നെല്ലിക്കട്ട ഹൗസിലെ അനിസ