തിരുവനന്തപുരം: അരിയില് ഷുക്കൂര് വധക്കേസില് സി.ബി.ഐ സമര്പ്പിച്ച കുറ്റപത്രത്തെച്ചൊല്ലി നിയമസഭയില് പ്രതിപക്ഷ ബഹളം. ടി.വി രാജേഷ് എം.എല്.എ ക്കെതിരെ കൊലക്കുറ്റം ചുമത്തി സി.ബി.ഐ സമര്പ്പിച്ച കുറ്റപത്രം ചൂണ്ടിക്കാട്ടി പ്രതിപക്ഷം നല്കിയ അടിയന്തരപ്രമേയത്തിന് സ്പീക്കര് അനുമതി നിഷേധിച്ചതാണ് ബഹളത്തിന് കാരണം.
ബഹളം വെച്ചിട്ട് കാര്യമില്ലെന്നും കുറ്റപത്രങ്ങളുടെ പേരില് അടിയന്തരപ്രമേയം പരിഗണിക്കുന്ന പതിവില്ലെന്ന് സ്പീക്കര് പി. ശ്രീരാമകൃഷ്ണന് വ്യക്തമാക്കി. ഇതേത്തുടര്ന്ന് പ്രതിപക്ഷങ്ങങ്ങൾ പ്രതിഷേധവുമായി സഭാ കവാടത്തില് കുത്തിയിരിക്കുകയാണ്.
