തദ്ദേശസ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പ്; ജില്ലയിലെ ഗ്രാമ പഞ്ചായത്തുകളിലേക്കുള്ള സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി; കൂടുതൽ അറിയാം..

കാസറഗോഡ്: തദ്ദേശസ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പ് 2025എൻ്റെ ഭാഗമായി ജില്ലയിലെ ഗ്രാമത്തുകളിലേക്കുള്ള സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. കാസര്‍കോട് ബ്ലോക്ക് പഞ്ചായത്ത് പരിധിയിലെ കുമ്പള, ബദിയഡുക്ക, മൊഗ്രാല്‍ പുത്തൂര്‍, മധൂര്‍, ചെമ്മനാട്, ചെങ്കള എന്നീ പഞ്ചായത്തുകളിലെയും നീലേശ്വരം ബ്ലോക്ക് പഞ്ചായത്ത് പരിധിയിലെ കയ്യൂര്‍ ചീമേനി, ചെറുവത്തൂര്‍, വലിയപറമ്പ, പടന്ന, പിലിക്കോട്, തൃക്കരിപ്പൂര്‍ എന്നീ പഞ്ചായത്തുകളിലെയും പരപ്പ ബ്ലോക്ക് പഞ്ചായത്ത് പരിധിയില്‍പ്പെടുന്ന കോടോം-ബേളൂര്‍, കള്ളാര്‍, പനത്തടി, ബളാല്‍, കിനാനൂര്‍ കരിന്തളം, വെസ്റ്റ് എളേരി, ഈസ്റ്റ് എളേരി എന്നീ പഞ്ചായത്തുകളിലെയും സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായിക്കി സംവരണ വാര്‍ഡുകള്‍ പ്രഖ്യാപിച്ചു.

Also Read

വർണ്ണാഭമായി കാസർഗോഡ് ജില്ലാ ശിശുക്ഷേമ സമിതി നടത്തിയ വർണ്ണോത്സവം; വിവിധ വിദ്യാലയങ്ങളിലെ 400 ഓളം സർഗ്ഗ പ്രതിഭകളാണ് മാറ്റുരച്ചത്; കൂടുതൽ അറിയാം..

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ്; ജില്ലയിലെ കാസറഗോഡ്, കാഞ്ഞങ്ങാട്, നീലേശ്വരം നഗരസഭകളിലെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി; കൂടുതൽ അറിയാം..

കാസര്‍കോട് കളക്ടറേറ്റ് മിനി കോണ്‍ഫറന്‍സ് ഹാളില്‍ ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാ കളക്ടര്‍ കെ.ഇമ്പശേഖറിൻ്റെ നേതൃത്വത്തിലാണ് നറുക്കെടുപ്പ് നടത്തിയത്. തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ ആര്‍.ഷൈനി, ഡെപ്യൂട്ടി ഡയറക്ടര്‍ കെ.വി ഹരിദാസ്, ഇലക്ഷന്‍ ഡെപ്യൂട്ടി കലക്ടര്‍ ഗോപകുമാര്‍ തുടങ്ങിയവര്‍ സംബന്ധിച്ചു. കാസര്‍കോട്, നീലേശ്വരം, പരപ്പ ബ്ലോക്ക് പഞ്ചായത്ത് പരിധിയിലുള്ള ഗ്രാമപഞ്ചായത്തുകളുടെ സ്ത്രീ, പട്ടികജാതി സ്ത്രീ, പട്ടികവര്‍ഗ്ഗ സ്ത്രീ, പട്ടികജാതി, പട്ടികവര്‍ഗ്ഗം എന്നീ വിഭാഗങ്ങള്‍ക്ക് സംവരണം ചെയ്തിട്ടുള്ളത്രയും എണ്ണം സ്ഥാനങ്ങള്‍ ആവര്‍ത്തനക്രമമനുസരിച്ച് ഏത് നിയോജകമണ്ഡലങ്ങള്‍, വാര്‍ഡുകള്‍ക്കാണ് നല്‍കേണ്ടതെന്ന് തീരുമാനിക്കുന്നതിനാണ് നറുക്കെടുപ്പ് നടത്തിയത്. കഴിഞ്ഞ ദിവസം കാറഡുക്ക മഞ്ചേശ്വരം കാഞ്ഞങ്ങാട് ബ്ലോക്കുകളില്‍ പരിധിയില്‍ വരുന്ന ഗ്രാമ പഞ്ചായത്തുകളുടെ നറുക്കെടുപ്പ് നടത്തിയിരുന്നു. ഇതോടെ ജില്ലയിലെ മുഴുവന്‍ ഗ്രാമ പഞ്ചായത്തുകളിലെയും സംവരണ വാര്‍ഡുകളുടെ പ്രഖ്യാപനം പൂര്‍ത്തിയായി.

കാസര്‍കോട് ബ്ലോക്ക് പഞ്ചായത്ത് പരിധിയിലെ കുമ്പള ഗ്രാമപഞ്ചായത്തില്‍ പട്ടികജാതി സംവരണത്തിനായി കോട്ടക്കാര്‍ (23) വാര്‍ഡ് പ്രഖ്യാപിച്ചു. സ്ത്രീ സംവരണ വാര്‍ഡുകളായി കുമ്പോല്‍ (1), ആരിക്കാടി (2), ഊജാര്‍ (5), ഉളുവാര്‍ (6), നാരായണമംഗലം (12), കെ കെ പുറം (14), മൊഗ്രാല്‍ (15), കൊപ്പളം (16), കുമ്പള റെയില്‍വേ സ്റ്റേഷന്‍ (18), നടുപ്പളം (19), ശാന്തിപ്പളം (21), മാട്ടംക്കുഴി (22) എന്നീ വാര്‍ഡുകളും പ്രഖ്യാപിച്ചു.

ബദിയഡുക്ക ഗ്രാമപഞ്ചായത്തില്‍ പട്ടികജാതി സ്ത്രീ സംവരണത്തിനായി ചര്‍ളടുക്ക (16) വാര്‍ഡും, പട്ടികജാതി സംവരണത്തിനായി കിളിംഗാര്‍ (2) വാര്‍ഡും പ്രഖ്യാപിച്ചു. സ്ത്രീ സംവരണ വാര്‍ഡുകളായി ദേവര്‍മെട്ട് (4), പള്ളത്തടുക്ക (7), മെഡിക്കല്‍ കോളേജ് വാര്‍ഡ് (8), ബാരഡുക്ക (11), ബദിയടുക്ക (12), പെര്‍ഡാല (13), ചെടേക്കല്‍ (15), പുതുക്കോളി (18), തല്‍പ്പനാജെ(19), ബേള (20) എന്നീ വാര്‍ഡുകളും പ്രഖ്യാപിച്ചു.

മൊഗ്രാല്‍ പുത്തൂര്‍ ഗ്രാമ പഞ്ചായത്തിലെ പട്ടിക ജാതി സംവരണ വാര്‍ഡായി മൊഗര്‍ (1 ), സ്ത്രീ സംവരണ വാര്‍ഡുകളായി കമ്പാര്‍ (4), ഉജ്ജിര്‍ക്കര മജല്‍ (5), പെര്‍ണ്ണടുക്ക പായിച്ചാല്‍ (8), ഗുവത്തടുക്ക (9 ), എരിയാല്‍ (11), കുളങ്കര (12), കല്ലങ്കൈ (15), ശാസ്താനഗര്‍ (16), മൊഗ്രാല്‍ പുത്തൂര്‍ (17) എന്നിവയും പ്രഖ്യാപിച്ചു.

മധൂര്‍ ഗ്രാമ പഞ്ചായത്തിലെ പട്ടിക ജാതി സംവരണ വാര്‍ഡായി ഭഗവതി നഗര്‍ (23 ), സ്ത്രീ സംവരണ വാര്‍ഡുകളായി ഏരിക്കള (3), കൊല്ലങ്കാന (5), ഉളിയ (6), ഹിദായത് നഗര്‍ നോര്‍ത്ത് (8), ഹിദായത്ത് നഗര്‍ സൗത്ത് (9), ചെട്ടുങ്കുഴി (10), ചൂരി (14), സൂര്‍ളു (15), രാംദാസ് നഗര്‍ (18), പഞ്ചായത്ത് ഓഫീസ് (20), ഉളിയത്തടുക്ക (21), നാഷണല്‍ നഗര്‍ (22) എന്നിവയും പ്രഖ്യാപിച്ചു.

ചെമ്മനാട് ഗ്രാമപഞ്ചായത്തില്‍ നറുക്കെടുപ്പ് പ്രകാരം പട്ടികജാതി സംവരണ വാര്‍ഡായി കൊക്കാല്‍ (17) വാര്‍ഡ് പ്രഖ്യാപിച്ചു. സ്ത്രീ സംവരണ വാര്‍ഡുകളായി ചെമ്മനാട് (1), ആലിച്ചേരി (2), പെരുമ്പള (3), കോളിയടുക്കം (5), കടപ്പളം (6), പുത്തരിയടുക്കം (8), തെക്കില്‍ പറമ്പ (9), പറമ്പ് (10), പൊയിനാച്ചി (11), മേല്‍പറമ്പ് (19), ചന്ദ്രഗിരി (22), പരവനടുക്കം (24) എന്നീ വാര്‍ഡുകളും പ്രഖ്യാപിച്ചു.

ചെങ്കള ഗ്രാമപഞ്ചായത്തില്‍ പട്ടികജാതി സംവരണവാര്‍ഡായി പടിഞ്ഞാര്‍മൂല (21) വാര്‍ഡ് പ്രഖ്യാപിച്ചു. സ്ത്രീ സംവരണ വാര്‍ഡുകളായി കല്ലക്കട്ട (1), അടുക്കം (2), നെല്ലിക്കട്ട (3), നാരംപാടി (5), അര്‍ളടുക്ക (6), എതിര്‍ത്തോട് (8), എടനീര്‍ (9), ചെര്‍ക്കള വെസ്റ്റ് (13), കണ്ടടുക്കം (16), ബേവിഞ്ചെ (17) ചെങ്കള (19), മാരാ പാണലം (20) എന്നീ വാര്‍ഡുകളും പ്രഖ്യാപിച്ചു.

നീലേശ്വരം ബ്ലോക്ക് പഞ്ചായത്ത് പരിധിയിലെ കയ്യൂര്‍ ചീമേനി ഗ്രാമപഞ്ചായത്തിലെ പട്ടികജാതി സംവരണ വാര്‍ഡായി ചാനടുക്കം (9), സ്ത്രീ സംവരണ വാര്‍ഡുകളായി ക്ലായിക്കോട് (1), കൂക്കോട്ട് (3), പള്ളിപ്പാറ (7), പട്ടോളി (10), ചീമേനി (11), നിടുംബ (13), മുണ്ട (14), ചെമ്പ്രക്കാനം(15), നാലിലാംകണ്ടം(17) എന്നീ വാര്‍ഡുകളും പ്രഖ്യാപിച്ചു.

ചെറുവത്തൂര്‍ ഗ്രാമപഞ്ചായത്തിലെ പട്ടികജാതി സംവരണ വാര്‍ഡായി നെല്ലിക്കാല്‍ (16) ഉം, സ്ത്രീ സംവരണ വാര്‍ഡുകളായി അച്ചാം തുരുത്തി (1),കാരിയില്‍ (3), വി.വി നഗര്‍ (7), കുട്ടമത്ത് (9 ), വെങ്ങാട്ട് (11), കണ്ണങ്കൈ (12), പയ്യങ്കി (13 ), തുരുത്തി (17 ), ഓര്‍ക്കുളം (18 ) എന്നീ വാര്‍ഡുകളും പ്രഖ്യാപിച്ചു.

വലിയപറമ്പ ഗ്രാമപഞ്ചായത്തിലെ പട്ടികജാതി സംവരണ വാര്‍ഡായി ഇടയിലക്കാട് സൗത്ത് (3), സ്ത്രീ സംവരണ വാര്‍ഡുകളായി ഒരിയര (1), ഇടയിലക്കാട് നോര്‍ത്ത് (2), തയ്യില്‍ കടപ്പുറം (5), കന്ന് വീട് കടപ്പുറം (6), വലിയപറമ്പ് സൗത്ത് (7), പടന്ന കടപ്പുറം (10), ബീച്ചാര കടപ്പുറം (11) എന്നീ വാര്‍ഡുകളും പ്രഖ്യാപിച്ചു.

പടന്ന ഗ്രാമപഞ്ചായത്തിലെ പട്ടികജാതി സംവരണ വാര്‍ഡായി പടന്ന കാവുന്തല (3 ), സ്ത്രീ സംവരണ വാര്‍ഡുകളായി പടന്ന കാലിക്കടവ് (2 ), പടന്ന സെന്റര്‍ (4 ), കിനാത്തില്‍ മുതിര കൊവ്വല്‍ (7), നടക്കാവ് പോട്ടച്ചാല്‍ (9), പരത്തിച്ചാല്‍ ഉദിനൂര്‍ സെന്‍ട്രല്‍ (10), ഉദിനൂര്‍ തെക്കുംപുറം മുള്ളോട്ടുകടവ് (11), അരിവിരുത്തി മാച്ചിക്കാട് (12), പടന്ന ബസാര്‍ (16) എന്നീ വാര്‍ഡുകളും പ്രഖ്യാപിച്ചു.

പിലിക്കോട് ഗ്രാമപഞ്ചായത്തിലെ പട്ടികജാതി സംവരണ വാര്‍ഡായി പൊള്ളപ്പൊയില്‍ (10), സ്ത്രീ സംവരണ വാര്‍ഡുകളായി കണ്ണങ്കൈ (1) പിലിക്കോട് (2), കുഞ്ഞിപ്പാറ(5), വേങ്ങാപ്പാറ (6), പാടിക്കാല്‍ (7), കൊടക്കാട് (9), വെള്ളച്ചാല്‍ (11), മാണിയാട്ട് (15), പിലിക്കോട് വയല്‍ (17) എന്നീ വാര്‍ഡുകളും പ്രഖ്യാപിച്ചു.

തൃക്കരിപ്പൂര്‍ ഗ്രാമ പഞ്ചായത്തിലെ പട്ടികജാതി സംവരണ വാര്‍ഡായി പേക്കടം (3 ), സ്ത്രീ സംവരണ വാര്‍ഡുകളായി ആയിറ്റി (1), പെരിയോത്ത് (2), നടക്കാവ് (5), ചൊവ്വേരി (9), തങ്കയം (10), ഉളിയം (13), ഒളവറ (14), ഉടുമ്പുന്തല കിഴക്ക് (15), ഉടുമ്പുന്തല പടിഞ്ഞാറ് (16), വള്‍വക്കാട് (19), മധുരങ്കൈ (20), ബീരിച്ചേരി (21) എന്നിവ പ്രഖ്യാപിച്ചു.

പരപ്പ ബ്ലോക്ക് പഞ്ചായത്ത് പരിധിയിലെ കോടോം-ബേളൂര്‍ ഗ്രാമപഞ്ചായത്തില്‍ പട്ടികവര്‍ഗ്ഗ സ്ത്രീ സംവരണ വാര്‍ഡായി ബാനം (9), ലാലൂര്‍ (19) എന്നീ വാര്‍ഡുകളും, പട്ടികവര്‍ഗ്ഗ സംവരണ വാര്‍ഡായി അയറോട്ട് (3), അയ്യങ്കാവ് (16) എന്നീ സ്ത്രീ സംവരണ വാര്‍ഡുകളായി എരുമകുളം (1), ചുള്ളിക്കര (4), ബേളൂര്‍ (6), എണ്ണപ്പാറ (7), അട്ടക്കണ്ടം (8), ആലത്തടി (13), തായന്നൂര്‍ (14), പേരിയ (15), ആനക്കല്ല് (18) എന്നീ വാര്‍ഡുകളും പ്രഖ്യാപിച്ചു.

കള്ളാര്‍ ഗ്രാമപഞ്ചായത്തില്‍ പട്ടികവര്‍ഗ്ഗ സ്ത്രീ സംവരണ വാര്‍ഡായി ആടകം (2), കൊട്ടോടി (14) എന്നീ വാര്‍ഡുകളും, പട്ടികവര്‍ഗ്ഗ സംവരണവാര്‍ഡായി കുടുംബൂര്‍ (1) വാര്‍ഡും പ്രഖ്യാപിച്ചു. സ്ത്രീ സംവരണ വാര്‍ഡുകളായി ചേടിക്കുണ്ട് (3), മാലക്കല്ല് (6), കള്ളാര്‍ (8), ചേറ്റുക്കല്ല് (12), പൂടംകല്ല് (13), മഞ്ഞങ്ങാനം (15) എന്നീ വാര്‍ഡുകളും പ്രഖ്യാപിച്ചു.

പനത്തടി ഗ്രാമപഞ്ചായത്തില്‍ പട്ടികവര്‍ഗ്ഗ സ്ത്രീ സംവരണവാര്‍ഡായി ചെറുപനത്തടി (15) വാര്‍ഡും, പട്ടികവര്‍ഗ്ഗ സംവരണവാര്‍ഡായി പനത്തടി (14) വാര്‍ഡും പ്രഖ്യാപിച്ചു. സ്ത്രീ സംവരണ വാര്‍ഡുകളായി പട്ടുവം (5), പരിയാരം (6), കല്ലപ്പള്ളി (7), പാണത്തൂര്‍ (10), അരിപ്രോഡ് (11), ബളാന്തോട് (12), പ്രാന്തര്‍കാവ് (16), എരിഞ്ഞിലംകോട് (17) എന്നീ വാര്‍ഡുകളും പ്രഖ്യാപിച്ചു.

ബളാല്‍ ഗ്രാമപഞ്ചായത്തില്‍ പട്ടികവര്‍ഗ്ഗ സ്ത്രീ സംവരണ വാര്‍ഡുകളായി പുഞ്ച (7), കനകപ്പള്ളി (17) എന്നീ വാര്‍ഡുകളും, പട്ടികവര്‍ഗ്ഗ സംവരണ വാര്‍ഡുകളായി മരുതുംകുളം (4), കൊന്നക്കാട് (9) എന്നീ വാര്‍ഡുകളും പ്രഖ്യാപിച്ചു. സ്ത്രീ സംവരണ വാര്‍ഡുകളായി എടത്തോട് (1), അത്തിക്കടവ് (2), ചുള്ളി (5), ദര്‍ഘാസ് (6), മൈക്കയം (8), മാലോം (11), കല്ലഞ്ചിറ (16) എന്നീ വാര്‍ഡുകളും പ്രഖ്യാപിച്ചു.

കിനാനൂര്‍ കരിന്തളം ഗ്രാമപഞ്ചായത്തിലെ പട്ടിക വര്‍ഗ്ഗ സ്ത്രീ സംവരണ വാര്‍ഡായി പരപ്പ (8), പട്ടിക വര്‍ഗ്ഗ സംവരണ വാര്‍ഡായി ചായോത്ത് (1), സ്ത്രീ സംവരണ വാര്‍ഡുകളായി നെല്ലിയടുക്കം (3),കാറളം(5), കമ്മാടം(7), പെരിയങ്ങാനം (12), കുമ്പള പ്പള്ളി (13), കാലിച്ചാമരം (14), പുലിയന്നൂര്‍ (15), കൊല്ലംപാറ (17), കണിയാട(19) എന്നിവ പ്രഖ്യാപിച്ചു.

വെസ്റ്റ് എളേരി ഗ്രാമ പഞ്ചായത്തിലെ പട്ടികവര്‍ഗ്ഗ സ്ത്രീ സംവരണ വാര്‍ഡുകളായി കോട്ടമല (12), കമ്മാടം (16), പട്ടികവര്‍ഗ്ഗ സംവരണ വാര്‍ഡായി ചെന്നടുക്കം (3), സ്ത്രീ സംവരണ വാര്‍ഡുകളായി പരപ്പച്ചാല്‍ (1), ഭീമനടി (2), ചീര്‍ക്കയം (7), നാട്ടക്കല്‍(8), കരുവാങ്കയം (9 ), പറമ്പ (10), ചട്ടമല (11), പെരുമ്പട്ട (18) എന്നിവ പ്രഖ്യാപിച്ചു.

ഈസ്റ്റ് എളേരി ഗ്രാമപഞ്ചായത്തിലെ പട്ടിക വര്‍ഗ്ഗ സ്ത്രീ സംവരണ വാര്‍ഡായി അരിമ്പ (13 ), പട്ടിക വര്‍ഗ്ഗ സംവരണ വാര്‍ഡായി പൊങ്കല്‍ (12), സ്ത്രീ സംവരണ വാര്‍ഡുകളായി ചിറ്റാരിക്കല്‍ ടൌണ്‍ (2), ചിറ്റാരിക്കല്‍ സൌത്ത് (3), പള്ളിക്കുന്ന് (4), തയ്യേനി (6 ), ഒടക്കൊല്ലി(8), മുനയംകുന്ന്(11), കമ്പല്ലൂര്‍ (16), കാര (18) എന്നീ വാര്‍ഡുകളും പ്രഖ്യാപിച്ചു.

കാസര്‍കോട് കളക്ടറേറ്റ് മിനി കോണ്‍ഫറന്‍സ് ഹാളില്‍ നടന്ന നറുക്കെടുപ്പില്‍ ജില്ലാ കളക്ടര്‍ കെ.ഇമ്പശേഖർ നേതൃത്വം നല്‍കി. തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ ആര്‍.ഷൈനി, ഡെപ്യൂട്ടി ഡയറക്ടര്‍ കെ.വി ഹരിദാസ്, ഇലക്ഷന്‍ ഡെപ്യൂട്ടി കളക്ടര്‍ എ.എന്‍ ഗോപകുമാര്‍, ഡില്‍.എല്‍.ആര്‍ജി ട്രെയ്‌നര്‍മാരായ എല്‍.കെ സുബൈര്‍, വി സജീവന്‍, കെ.വി ബിജു എന്നിവര്‍ നിയന്ത്രിച്ചു. വിവിധ തദ്ദേശ സ്വയംഭരണ സ്ഥാപനങ്ങളിലെ സെക്രട്ടരിമാര്‍, രാഷ്ട്രീയപാര്‍ട്ടി പ്രതിനിധികള്‍ തുടങ്ങിയവര്‍ സംബന്ധിച്ചു.