‘ജയ് ശ്രീറാം’ ഫ്ളെക്സ് വിവാദം; ശ്രീരാമൻ ജനങ്ങളുടെ പ്രതീകമെന്ന് വി. മുരളീധരൻ

തദ്ദേശ തെരഞ്ഞെടുപ്പ് വിജയത്തിന് ശേഷം പാലക്കാട് ന​ഗരസഭയിൽ ജയ് ശ്രീറാം ഫ്ളെക്സ് ഉയർത്തിയ ബി.ജെ.പി പ്രവർത്തകരെ ന്യായീകരിച്ച് കേന്ദ്രമന്ത്രി വി. മുരളീധരൻ രം​ഗത്ത്. ജയ് ശ്രീറാം വിളി കുറ്റമാണെന്ന് രാജ്യത്ത് ആരും പറഞ്ഞിട്ടില്ലെന്നും മുരളീധരൻ പറയുന്നു.

Also Read

കാട്ടാനയുടെ ആക്രമണത്തിൽ യുവാവ് മരിച്ചു

ഫ്ലക്സ് നിരോധന ഉത്തരവിൽ സര്‍ക്കാരിനെ അഭിനന്ദിച്ച് ഹൈക്കോടതി; നവ കേരളമെന്ന ആശയത്തിലേക്ക് എത്തിച്ചേരുന്നതിന് സഹായകം

വിജയാഘോഷ വേളയിൽ ജയ് ശ്രിറാം ഫ്ലെക്സ് പാർട്ടി പ്രവർത്തകർ ഉയർത്തിയെന്നത് വലിയ പാതകമല്ലെന്നും ജാതിമത വിത്യാസമില്ലാതെ ജനം അംഗീകരിക്കുന്ന പ്രതീകമാണ് ശ്രീരാമനെന്നും മുരളീധരൻ പറഞ്ഞു.

തദ്ദേശ തെരഞ്ഞെടുപ്പ് വോട്ടെണ്ണൽ ദിനത്തിൽ പാലക്കാട് നഗരസഭയുടെ ഭരണമുറപ്പാക്കിയതിന് പിന്നാലെ നഗരസഭാ മന്ദിരത്തിൽ കയറിയ ബി.ജെ.പി പ്രവർത്തകർ ജയ് ശ്രീറാം ഫ്ലെക്സ് തൂക്കിയതിനെതിരെ വലിയ പ്രതിഷേധമാണ് ഉയർന്നത്.