കാസറഗോഡ്: ബേക്കൽ ഉപജില്ലാ കലോത്സവത്തിന് രാവണീശ്വരം സ്ക്കൂൾ ഒരുങ്ങുന്നു. നവമ്പർ 6 മുതൽ 9 വരെ തീയ്യതികളിലായി ഗവർമെൻ്റ് ഹയർ സെക്കൻ്ററി സ്ക്കൂൾ രാവണീശ്വരത്ത് വച്ച് നടക്കുന്ന ബേക്കൽ സബ്ജില്ലാ കലോത്സവം വിജയിപ്പിക്കുന്നതിന് നാടൊരുങ്ങുന്നു. പി.ടി.എ.എസ്.എം.സി , എം.പി.ടി.എ , സ്റ്റാഫ് കൗൺസിൽ കുടുംബശ്രീ പ്രവർത്തകർ, സ്ക്കൂൾ നാഷണൽ സർവ്വീസ് സ്കീം, സോഷ്യൽ സർവ്വീസ് എന്നിവയുടെ നേതൃത്വത്തിൽ വിദ്യാലയം ശുചീകരിച്ചു. സംഘാടക സമിതി വൈസ് ചെയർമാൻ കെ സബീഷ്, പി.ടി.എ പ്രസിഡൻ്റ് പി രാധാകൃഷ്ണൻ എസ്എം.സി ചെയർമാൻ പവിത്രൻ എ.വി, എം.പി.ടി.എ പ്രസിഡൻ്റ് ധന്യ അരവിന്ദ് പ്രിൻസിപ്പാൾ കെ ജയചന്ദ്രൻ തുടങ്ങിയവർ നേതൃത്വം നൽകി.
