ചെറു വിമാനം തകർന്ന് വീണ് 6 മരണം; പോലീസ് വ്യോമയാന വിഭാഗത്തിൻ്റെ വിമാനമാണ് കടലിൽ വീണത്..

തായ്‌ലൻഡിലെ റിസോർട്ട് പട്ടണമായ ഹുവാ ഹിൻ തീരത്തിന് സമീപം കടലിൽ ഒരു ചെറു വിമാനം തകർന്ന് വീണ് 6 പേര് മരണപെട്ടു. പോലീസ് വ്യോമയാന വിഭാഗത്തിൻ്റെ വിമാനമാണ് വെള്ളിയാഴ്ച രാവിലെ തകർന്നുവീണത്. പരിശീലന പാറക്കലിനിടെയായിരുന്നു അപകടം. ഹുവാ ഹിൻ വിമാനത്താവളത്തിൽ നിന്ന് പറന്നുയർന്നതിന് തൊട്ടുപിന്നാലെ ഫെച്ചബുരി പ്രവിശ്യയിലെ ചാ-ആം ജില്ലയ്ക്ക് സമീപം കടലിൽ തകർന്നു വീഴുകയായിരുന്നു. വിമാനത്തിലുണ്ടായിരുന്ന ആറ് പേരും കൊല്ലപ്പെട്ടു. ആറ് പേരും പോലീസ് ഉദ്യോഗസ്ഥരായിരുന്നു. അന്വേഷണത്തിൻ്റെ ഭാ​ഗമായി ബ്ലാക്ക് ബോക്സിൽ നിന്നുള്ള ഡാറ്റ ഉൾപ്പെടെയുള്ള തെളിവുകൾ ശേഖരിച്ചിട്ടുണ്ട്. അപകടത്തിൻ്റെ കാരണം അന്വേഷിക്കുമെന്ന് പോലീസ് പറഞ്ഞു.

Also Read

വിഴിഞ്ഞം തുറമുഖത്ത് നിന്ന് പോയ കപ്പൽ അപകടത്തിൽപെട്ടു; തീരദേശത്ത് ജാഗ്രതാ നിർദേശം

കീഴൂർ കടപ്പുറം അഴിമുഖത്ത് ചൂണ്ട ഇടുന്നതിനിടെ കാണാതായ; കളനാട് സ്വദേശിയുടെ മൃതദേഹം തൃശൂരിനടുത്ത് കടലിൽ കണ്ടെത്തി