തിരുവനന്തപുരം: കൊവിഡിന് ശേഷം കേരളത്തിലെ നഴ്‌സുമാര്‍ കൂട്ടത്തോടെ വന്‍ ശമ്പളവും ഉയര്‍ന്ന ജീവിത നിലവാരവും തേടി യൂറോപ്പിലേക്കും ഗള്‍ഫ് രാജ്യങ്ങളിലേക്കും പോകുന്നത് സര്‍ക്കാര്‍,​ സ്വകാര്യ ആശുപത്രികളെ വിഷമ സന്ധിയിലാക്കുന്നതായി കേരളകൗമദി റിപ്പോർട്ട് ചെയ്തു.

വിദേശത്ത് മൂന്നുലക്ഷം രൂപവരെയാണ് നഴ്‌സുമാരുടെ ശമ്പളം. ഒമ്പത് മാസത്തിനിടെ 23,​000 നഴ്‌സുമാര്‍ പോയി. ഡിസംബറോടെ 35,​000 ആകും. ഇതോടെ സര്‍ക്കാര്‍, സ്വകാര്യ ആശുപത്രികളില്‍ നഴ്‌സുമാരുടെ ക്ഷാമം രൂക്ഷമാകുമെന്ന് വിദഗ്ദ്ധര്‍ മുന്നറിയിപ്പ് നല്‍കുന്നു. മുമ്പ് വര്‍ഷം പരമാവധി 15,​000 നഴ്‌സുമാരാണ് വിദേശത്തേക്ക് പോയിരുന്നത്.

സന്ദര്‍ശക വിസയില്‍ പോയി ജോലി നേടുന്നവരാണ് ഏറെയും. തിരുവനന്തപുരത്തെ കേന്ദ്രസര്‍ക്കാര്‍ സ്ഥാപനമായ ശ്രീചിത്ര ഇന്‍സ്റ്റിറ്റ്യൂട്ടിലെ നഴ്‌സ് ജോലി രാജി വച്ച്‌ അമേരിക്കയിലേക്ക് പോയി. ക്ഷാമം രൂക്ഷമായതോടെ, കൊല്ലത്തെ സ്വകാര്യ ആശുപത്രി 35,​000 രൂപ അടിസ്ഥാന ശമ്പളം വാഗ്ദാനം ചെയ്ത് നഴ്‌സുമാരെ വിളിച്ചിട്ടുണ്ട്.

നഴ്‌സിംഗ് പഠനം വ്യാപകമാക്കണം

സര്‍ക്കാര്‍,​ സ്വകാര്യ മേഖലയില്‍ ജനറല്‍,​ ബി.എസ്‌.സി നഴ്‌സിംഗ് പഠനം വ്യാപകം ആക്കിയില്ലെങ്കില്‍ രണ്ടു വര്‍ഷത്തിനുള്ളില്‍ നഴ്‌സുമാരില്ലാതെ ആശുപത്രികള്‍ പൂട്ടേണ്ടി വരുമെന്ന് ഐ.എം.എ തിരുവനന്തപുരം മുന്‍ പ്രസിഡണ്ട് ഡോ.ജോണ്‍ പണിക്കര്‍ ചൂണ്ടിക്കാട്ടുന്നു.

ജനറല്‍,​ ബി.എസ്‌സി നഴ്‌സിംഗ് പഠിച്ചവര്‍ക്ക് പ്രവൃത്തി പരിചയമില്ലെങ്കിലും വിദേശത്ത് തൊഴിലവസരമുണ്ട്. പരിചാരകന്‍ (കെയര്‍ ഗിവര്‍)​ എന്ന തസ്തികയിലാണ് റിക്രൂട്ട് ചെയ്യുന്നത്. ഇംഗ്ലീഷ് പരിജ്ഞാനത്തിനുള്ള ഐ.ഇ.എല്‍.ടി.എസ് പോലുള്ള യോഗ്യതാ പരീക്ഷകളും പല രാജ്യങ്ങളും ഒഴിവാക്കിത്തുടങ്ങി. ജോലി ലഭിക്കുന്ന രാജ്യത്തെ പരീക്ഷകള്‍ പാസാവുകയും അവിടെ പ്രവൃത്തി പരിചയം നേടുകയും ചെയ്യുന്നവ‌ക്ക് ഇവിടത്തേതിൻ്റെ ഇരട്ടി ശമ്പളത്തില്‍ സ്റ്റാഫ് നഴ്‌സാകാം.

സര്‍ക്കാരിൻ്റെ നോര്‍ക്ക,​ ഒഡെപെക് തുടങ്ങിയ ഏജന്‍സികളിലൂടെ എത്തുന്ന അവസരങ്ങളും നിരവധിയാണ്. നഴ്‌സുമാരെ കൊണ്ടുപോകാന്‍ ജപ്പാനും ജര്‍മ്മനിയും സംസ്ഥാന സര്‍ക്കാരുമായി കൈകോര്‍ത്തിട്ടുമുണ്ട്. ഇറ്റലി,​ ഹോളണ്ട്,​ ഇസ്രയേല്‍,​ മാള്‍ട്ട തുടങ്ങിയ രാജ്യങ്ങളും കേരളത്തിലെ നഴ്‌സുമാരെ വിളിക്കുന്നു.

കേരളത്തില്‍ നിലവില്‍ സ്വകാര്യ മേഖലയില്‍ 6,​000- 7,​0​00 നഴ്‌സുമാര്‍ക്കാണ് അവസരം. പഠിച്ചിറങ്ങുന്നവരിൽ ഏറെയും വിദേശത്തേക്ക് പോകുന്നതിനാല്‍ നഴ്‌സുമാരുടെ ക്ഷാമം നികത്താനാവുന്നില്ല. ബി.എസ്‌.സി നഴ്‌സിംഗ് വന്നതോടെ, പഠിതാക്കള്‍ കുറഞ്ഞ ജനറല്‍ നഴ്‌സിംഗ് കോഴ്‌സ് വ്യാപകമാക്കണമെന്നാണ് വിദഗ്ദ്ധര്‍ നിര്‍ദ്ദേശിക്കുന്നത്. സര്‍ക്കാര്‍ മേഖലയില്‍ താലൂക്കാശുപത്രികളിലും സ്വകാര്യ മേഖലയില്‍ 30- 50കിടക്കകളുള്ള ആശുപത്രികളിലും നഴ്‌സിംഗ് കോഴ്‌സ് തുടങ്ങണം.

കേരളത്തിലെ സ്ഥിതി

വര്‍ഷം പഠിച്ചിറങ്ങുന്നവര്‍- 9841 (സര്‍ക്കാര്‍ സ്വകാര്യമേഖലകളില്‍)​ ബി.എസ്‌.സി നഴ്‌സുമാര്‍- 6930, ജനറല്‍ നഴ്‌സുമാർ- 2911, ആകെ പഠനകേന്ദ്രങ്ങള്‍- 259, നഴ്‌സിംഗ് കോളേജുകള്‍- 130, നഴ്‌സിംഗ് സ്‌കൂളുകള്‍- 129.

ആ​ക​ര്‍​ഷ​ണ​ത്തി​ന് പി​ന്നില്‍

ഉ​യ​ര്‍​ന്ന​ ​ശ​മ്പ​ളം, ലോ​ണെ​ടു​ത്ത് ​പ​ഠി​ക്കു​ന്ന​വ​ര്‍​ക്ക് ​അ​നാ​യാ​സം​ ​അ​ട​യ്ക്കാം, ജോ​ലി​യോ​ടൊ​പ്പം​ ​തു​ട​ര്‍​പ​ഠ​ന​ ​
സാ​ദ്ധ്യത, വി​വാ​ഹം​ ​ക​ഴി​ഞ്ഞ​വ​ര്‍​ക്ക് ​കു​ടും​ബ​ത്തോ​ടെ​ ​സ്ഥി​ര​ ​താ​മ​സ​ത്തി​നു​ള്ള​ ​അ​വ​സ​രം, (​പ​ല​ ​രാ​ജ്യ​ങ്ങ​ളും​ ​സി​റ്റി​സ​ണ്‍​ഷി​പ്പ് ​ന​ല്‍​കു​ന്നു​ണ്ട്) മെ​ച്ച​പ്പെ​ട്ട​ ​സാ​മൂ​ഹ്യ,​​​ ​സാ​മ്പ​ത്തി​ക​ ​ജീ​വി​ത​ ​നി​ല​വാ​രം.

‘നഴ്‌സുമാരുടെ വലിയ ക്ഷാമമാണ് വരുന്നത്. അടിയന്തരമായി കൂടുതല്‍പേരെ സജ്ജരാക്കണം.’

-ഡോ. ദേവിന്‍ പ്രഭാകര്‍ വൈസ്. പ്രസിഡണ്ട്,​
ക്വാളിഫൈ‌ഡ് മെഡിക്കല്‍ പ്രാക്ടീഷണേഴ്‌സ് അസോസിയേഷന്‍