ആരോഗ്യ സെമിനാർ സംഘടിപ്പിച്ചു; പരിപാടി അഡ്വ. സരിത എസ്.എൻ ഉദ്‌ഘാടനം ചെയ്തു

ചെറുവത്തൂർ: രണ്ടാം പിണറായി വിജയൻ സർക്കാരിൻ്റെ നാലാം വാർഷികം, ലോക മലമ്പനി ദിനചാരണം എന്നിവയോടനുബന്ധിച്ച് ആരോഗ്യ സെമിനാർ സംഘടിപ്പിച്ചു. കാസർഗോഡ് ജില്ലാ മെഡിക്കൽ ഓഫീസ് (ആരോഗ്യം) ദേശീയ ആരോഗ്യ ദൗത്യം എന്നിവയുടെ സംയുക്താഭിമുഖ്യത്തിലായിരുന്നു പരിപാടി. കാലിക്കടവ് മൈതാനിയിലെ ഓഡിറ്റോറിയത്തിൽ വെച്ച് സംഘടിപ്പിച്ച പരിപാടിയുടെ ഉദ്ഘാടനം
കാസറഗോഡ് ജില്ലാ പഞ്ചായത്ത്‌ ആരോഗ്യകാര്യ സ്ഥിരം സമിതി അധ്യക്ഷ അഡ്വ. സരിത എസ്.എൻ നിർവഹിച്ചു. ദേശീയ ആരോഗ്യ ദൗത്യം കാസറഗോഡ് ജില്ലാ പ്രോഗ്രാം മാനേജർ ഡോ. അരുൺ പി.വി അധ്യക്ഷത വഹിച്ചു. ജില്ലാ എഡ്യൂക്കേഷൻ & മീഡിയ ഓഫീസർ അബ്ദുൾ ലത്തീഫ് മഠത്തിൽ സ്വാഗതവും നീലേശ്വരം താലൂക്ക് ആശുപത്രി ഹെൽത്ത് സുപ്പർവൈസർ അജിത് സി.ഫിലിപ്പ് നന്ദിയും പറഞ്ഞു. ജില്ലാ വെക്ടർബോൺ ഡിസീസ് കണ്ട്രോൾ ഓഫീസർ ഷാജു എൻ എ, ടെക്നിക്കൽ അസിസ്റ്റന്റ് ചന്ദ്രൻ എം, ഡെപ്യൂട്ടി ജില്ലാ എഡ്യൂക്കേഷൻ & മീഡിയ ഓഫീസർ ഹസീബ് പി. പി എന്നിവർ ആശംസകളർപ്പിച്ച് സംസാരിച്ചു.

Also Read

മലയാള ദിനാചരണവും ഔദ്യോഗിക ഭാഷാ വാരാഘോഷവും കലക്ടർ കെ ഇമ്പശേഖർ ഉദ്ഘാടനം ചെയ്തു

മണലാരണ്യത്തിൽ ആഹ്ലാദത്തിൻ്റെ പൂത്തിരി വാരി വിതറി; തണൽബല്ലയുടെ ഓണാഘോഷം

തുടർന്ന് നടന്ന ആരോഗ്യ സെമിനാറിൽ ” ജനകീയ ആരോഗ്യം കഴിഞ്ഞ ഒമ്പത് വർഷത്തെ നേട്ടങ്ങൾ-കാസറഗോഡിൻ്റെ സവിശേഷത” എന്ന വിഷയത്തിൽ ജില്ലാ സർവയലൻസ് ഓഫീസർ ഡോ. സന്തോഷ്‌ ബി,” മലമ്പനി നിവാരണത്തിൽ കഴിഞ്ഞ ഒമ്പത് വർഷത്തെ കാസറഗോഡൻ ഇടപെടലുകൾ ” എന്ന വിഷയത്തിൽ റിട്ടയെർഡ് ജില്ലാ വെക്ടർ ബോൺ ഡിസീസ് കണ്ട്രോൾ ഓഫീസർ സുരേശൻ വി, “ആരോഗ്യ വകുപ്പിൻ്റെ ജനക്ഷേമ പദ്ധതികൾ” എന്ന വിഷയത്തിൽ ജനകീയ ആരോഗ്യ കേന്ദ്രം ജില്ലാ നോഡൽ ഓഫീസർ ഡോ. ധന്യ മനോജ്‌ എന്നിവർ വിഷയാവതരണം നടത്തി.

എൻ്റെ കേരളം പ്രദർശന വിപണന മേളയോടനുബന്ധിച്ച് ആരോഗ്യ വകുപ്പും ദേശീയ ആരോഗ്യ ദൗത്യവും ചേർന്ന് തയ്യാറാക്കിയ ആരോഗ്യം ആനന്ദം എക്സിബിഷൻ സ്റ്റാളും ജനശ്രദ്ധയാകർഷിച്ചു. സ്റ്റാൾ സന്ദർശിക്കുന്ന പൊതു ജനങ്ങൾക്കായി ബ്ലഡ് പ്രഷർ പരിശോധന, ബോഡി മാസ് ഇൻഡക്സ്, പ്രമേഹ പരിശോധന, യു എച്ച് ഐഡി, ആഭ കാർഡ് തയ്യാറാക്കൽ, പോഷകാഹാര പ്രദർശനവും കൗൺസിലിംങും, ഓൺലൈൻ ക്വിസ്, കാരുണ്യ ആരോഗ്യ സുരക്ഷാ പദ്ധതിയുടെ ഹെൽപ്പ് ഡെസ്ക് കൂടാതെ ബി ഹാപ്പി ബി ഹെൽത്തി സെൽഫി പോയിൻ്റും ഒരുക്കിയിട്ടുണ്ട്. ദിവസവും വിവിധ ആരോഗ്യ സേവനങ്ങൾ തേടി വൻ ജനപങ്കാളിത്തമാണ് സ്റ്റാളിൽ ഉളളതെന്നു പരിപാടിയുടെ ആരോഗ്യ വകുപ്പിന്റെ ജില്ലാ നോഡൽ ഓഫീസർ ഡോ.സന്തോഷ്‌ ബി അറിയിച്ചു.