പുഴകളിൽ പ്രളയ സാധ്യത മുന്നറിയിപ്പ്

തിരുവനന്തപുരം: കനത്ത മഴയെ തുടർന്ന് സംസ്ഥാനത്തെ വിവിധ ജില്ലകളിലുള്ള പുഴകളിൽ പ്രളയ സാധ്യത മുന്നറിയിപ്പ്. കോട്ടയം ജില്ലയിലെ മീനച്ചിൽ, കോഴിക്കോട് ജില്ലയിലെ കോരപ്പുഴ, പത്തനംതിട്ട ജില്ലയിലെ അച്ചൻകോവിൽ, മണിമല എന്നീ നദികളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം ജില്ലയിലെ വാമനപുരം, കണ്ണൂർ ജില്ലയിലെ പെരുമ്പ, മലപ്പുറം ജില്ലയിലെ ഭാരതപ്പുഴ, കാസറഗോഡ് ജില്ലയിലെ ഉപ്പള, വയനാട് ജില്ലയിലെ കബനി എന്നീ നദികളിൽ മഞ്ഞ അലർട്ടും നിലനിൽക്കുന്നുണ്ട്. പുഴയോട് ചേർന്ന് താമസിക്കുന്ന പ്രദേശവാസികൾ ജാഗ്രത പാലിക്കമെന്ന് സംസ്ഥാന ദുരന്ത നിവാരണ വകുപ്പ് മുന്നറിയിപ്പ് നൽകി.

Also Read

പാടശേഖര സമിതിയുടെ ഇടപെടൽ തുണയായി; തൃക്കരിപ്പൂരിലെ 6 ഏക്കർ തരിശുപാടത്ത് യന്ത്രവൽകൃത നെൽകൃഷി; നടീൽ ഉൽഘാടനം നടന്നു

മുളിയാർ പഞ്ചായത്ത് വൈറ്റ് ഗാർഡ് ടീമിനുള്ള യന്ത്രസാമഗ്രികൾ ബഹ്റൈൻ കെ.എം.സി.സി വക; തുക കൈമാറി

യാതൊരു കാരണവശാലും ആളുകൾ നദികളിൽ ഇറങ്ങാനോ നദി മുറിച്ചു കടക്കാനോ പാടില്ല. മത്സ്യ ബന്ധനം, നദികളിൽ ഒഴുകിവരുന്ന തേങ്ങ, മരങ്ങൾ, മറ്റു വസ്തുക്കൾ പിടികൂടുന്നതിനുള്ള ശ്രമം ഉപേക്ഷിക്കണം. തുടങ്ങിയ ശ്രമങ്ങൾ വലിയ അപകടം ഉണ്ടാക്കും. തീരത്തോട് ചേർന്ന് താമസിക്കുന്നവർ ജാഗ്രത പാലിക്കണം. ജലം ക്രമാതീതമായി ഉയരുന്നത് പ്രളയഭീതിയിലാണ് താഴ്ന്ന പ്രദേശങ്ങൾ. ആയതിനാൽ അധികൃതരുടെ നിർദേശാനുസരണം പ്രളയ സാധ്യതയുള്ളയിടങ്ങളിൽ നിന്ന് മാറി താമസിക്കാൻ തയ്യാറാവണമെന്നും മുന്നറിയിപ്പിൽ പറയുന്നു. ബംഗാൾ ഉൾകടലിൽ രൂപപ്പെടുന്ന ന്യുന മർദ്ദ സാധ്യത കൂടി പരിഗണിച്ച് അടുത്ത 4-5 ദിവസം കൂടി ഉയർന്ന ലെവൽ മുന്നറിയിപ്പ് തുടരാൻ സാധ്യതയുണ്ടെന്നാണ് കാലാവസ്ഥാ നിരീക്ഷകർ പറയുന്നത്.