ഒറ്റ രാത്രി, ആ ഭീതിപ്പെടുത്തുന്ന സി.സി.ടി.വി ദൃശ്യങ്ങൾ പുറത്ത് വന്നു; നിമിഷനേരം കൊണ്ടാണ് എല്ലാം തുടച്ചുനീക്കിയത്

വയനാട്: ഒറ്റ രാത്രി 3 നാടിനെ തന്നെ ഇല്ലാതാക്കിയ ഉരുൾപൊട്ടൽ, ദുരന്തത്തിൻ്റെ നടുക്കുന്ന സി.സി.ടി.വി ദൃശ്യങ്ങൾ പുറത്ത് വന്നു. ചൂരൽമലയിലെ കടകളിൽ നിന്നുള്ള സി.സി.ടി.വി ദൃശ്യങ്ങളിലാണ് ഹാർഡ് ഡിസ്‌കിൽ നിന്നും പുറത്തെടുത്തിരിക്കുന്നത്. നിരവധി കടകളിലും വീടുകളിലും സി.സി.ടി.വി ഉണ്ടായിരുന്നെങ്കിലും ദുരന്തത്തിൻ്റെ വ്യാപ്തി കാരണം അവയെല്ലാം നഷ്ടമായിരുന്നു. സകലതും നാശമായ ഇടങ്ങളാണ് കൂടുതലും. എന്നാൽ ഒറ്റപ്പെട്ട ഇടങ്ങളിൽ സി.സി.ടി.വി അവശേഷിക്കുന്നവയിൽ നിന്നും ലഭിച്ചതാണ് ഇപ്പോൾ പുറത്ത് വന്നിരിക്കുന്ന ദൃശ്യങ്ങൾ. ഉരുള്‍പൊട്ടലുണ്ടായ സമയത്ത് ചൂരല്‍ മലയില്‍ അതിശക്തമായ മഴ പെയ്തിരുന്നു. ദൃശ്യങ്ങളിൽ മഴവെള്ളവും ഉരുൾപൊട്ടലിലെ മലവെള്ള പച്ചലുമെല്ലാം എത്രത്തോളം ഭയാനകമായിരുന്നു എന്ന് മനസ്സിലാക്കാനാകും. ചാനലുകൾ പുറത്തു വിട്ട ഈ ദൃശ്യങ്ങളിൽ നിന്നും എല്ലാം വ്യക്തമാണ്. ഇരച്ചെത്തുന്ന മലവെള്ളം കടകളിലെ സാധനസാമ​ഗ്രികൾ തുടച്ച് നീക്കി ഒഴുകുന്നത് കാണാം. കടയിലുണ്ടായിരുന്ന ഒരു തൊഴിലാളി അദ്‌ഭുതകരമായാണ്‌ അവിടെനിന്നും രക്ഷപെട്ടത്. അർദ്ധരാത്രി മുതൽ പുലർച്ചെ വരെയുള്ള ഉള്ളുലയ്ക്കുന്ന കാഴ്ചകൾ കാഴ്ചക്കാരിൽ ഭയവും വേദനയും നിറക്കുന്നു.

Also Read

സംസ്ഥാനത്ത് മഴ തുടരും; മൂന്ന് ജില്ലകളിൽ റെഡ് അലർട്ട് പ്രഖ്യാപിച്ചു; അറബി കടലിലും ബംഗാള്‍ ഉള്‍ക്കടലിലുമായി ഇരട്ട ന്യൂനമര്‍ദം രൂപപ്പെട്ടു; മഴ മുന്നറിയിപ്പുള്ള ജില്ലകളും മറ്റു വിവരങ്ങളും; കൂടുതൽ അറിയാം..

കേരളം ആവശ്യപ്പെട്ടത് 2221 കോടി, കേന്ദ്രം അനുവദിച്ചത് 11 ശതമാനം മാത്രം; ബി.ജെ.പി ഭരണത്തിലുള്ള അസമിന് 1270 കോടി; അമിത് ഷാ തലവനായുള്ള ഉന്നതാധികാര സമിതിയുടെ തീരുമാനം കേരള ബി.ജെ.പിയെ പോലും ഞെട്ടിച്ചു; കൂടുതൽ അറിയാം..