കാസര്കോട്: വായനാ പക്ഷാചരണത്തിന്റെ ഭാഗമായി ജില്ലാ ഇന്ഫര്മേഷന് ഓഫിസിന്റെ ആഭിമുഖ്യത്തില് കലക്ടറേറ്റില് സംഘടിപ്പിച്ച ചടങ്ങില് പി.ആര്.ഡി മുന് ഡെപ്യൂട്ടി ഡയറക്ടര് കെ.അബ്ദുറഹ്മാന് രചിച്ച ‘വായനാ, പഠനം, ജീവിതം’ എന്ന പുസ്തകം പ്രകാശനം ചെയ്തു. മിനി കോണ്ഫറന്സ് ഹാളില് ജില്ലാ കലക്ടര് കെ ജീവന്ബാബു പ്രസ്ക്ലബ് പ്രസിഡന്റ് ടി.എ.ഷാഫിക്ക് പുസ്തകം നല്കി പ്രകാശനം നിര്വഹിച്ചു. വായന, പ്രസംഗം, നേതൃഗുണം, പരീക്ഷാപേടി, തീവ്രവാദം എന്ന ആപത്ത്, ആരോഗ്യശീലം, മുലയൂട്ടല്, ബാലവേല, ദിനാചരണങ്ങള് തുടങ്ങിയ ഇരുപതോളം വിഷയങ്ങള് ഉള്പ്പെടുത്തിയാണ് ഈ പുസ്തകം രചിച്ചിരിക്കുന്നത്. വായന ദിനവുമായി ബന്ധപ്പെട്ട അനുഭവങ്ങളും കാസര്കോട് ജില്ലയില് 11 വര്ഷം ജില്ലാ ഇന്ഫര്മേഷന് ഓഫീസറായി സേവനം അനുഷ്ടിച്ചപ്പോള് ഉണ്ടായ അനുഭവങ്ങളും കോര്ത്തിണക്കിയാണ് താന് ഈ പുസ്തകം രചിച്ചിരിക്കുന്നതെന്ന് കെ.അബ്ദുറഹ്മാന് പറഞ്ഞു. 
സാക്ഷരതാ മിഷന് ജില്ലാ കോ ഓര്ഡിനേറ്റര് ഷാജു ജോണ് അധ്യക്ഷനായി. മുതിര് മാധ്യമപ്രവര്ത്തകന് വി.വി പ്രഭാകരന് പുസ്തകം പരിചയപ്പെടുത്തി. പ്രെഫ.എ.ശ്രീനാഥ, നാരായണന് പേരിയ, ഗോവിന്ദന് രാവണേശ്വരം സംസാരിച്ചു. ജില്ലാ ഇന്ഫര്മേഷന് ഓഫീസര് ഇ.വി സുഗതന് സ്വാഗതവും കെ.വി രാഘവന് മാസ്റ്റര് നന്ദിയും പറഞ്ഞു.
വായനാ പക്ഷാചരണ ഭാഗമായി കെ.അബ്ദുറഹ്മാന് രചിച്ച ‘വായനാ, പഠനം, ജീവിതം’ പുസ്തകം ജില്ലാ കലക്ടര് പ്രകാശനം ചെയ്തു
You Might Also Like
അഞ്ചുപേരെ രക്ഷപെടുത്തി സ്വയം രക്ഷപെടാനുള്ള ശ്രമത്തിനിടെയാണ് കണ്ണൻ ഒഴുക്കിൽപെടുന്നത്; വള്ളം മറിഞ്ഞുണ്ടായ അപകടം നാടിനെ ഞെട്ടിച്ചു; പ്രതീക്ഷ കൈവിടാതെ ഒരു നാട്
യൂത്ത് വിങ് കാസര്കോട് യൂനിറ്റ് സ്വാതന്ത്ര്യ ദിനത്തില് സംഘടിപ്പിച്ച ക്വിസ് മല്സര വിജയികള്
