ഇന്ത്യ ഒരു രൂപയുടേയും 50 പൈസയുടേയും നാണയങ്ങളുടെ നിർമാണം അവസാനിപ്പിക്കുന്നു. കോപ്പർ നിക്കൽ (കപ്രോനിക്കൽ) എന്നിവയിൽ നിർമിച്ച നാണയങ്ങളാണ് പിൻവലിക്കുന്നത്. ഇത് സംബന്ധിച്ച് ആർ.ബി.ഐ ന്യൂ ഡൽഹിയിലെ ഐ.സി.ഐ.സി.ഐ ബാങ്കിന് നിർദേശം നൽകി.
ഇത്തരം നാണയങ്ങളെല്ലാം ആർ.ബി.ഐ തിരിച്ചെടുക്കും.ഇതിനർത്ഥം ഈ നാണയങ്ങളെല്ലാം നിരോധിച്ചു എന്നല്ല, മറിച്ച് ഇവ വീണ്ടും നിർമിക്കില്ല എന്നാണ്. 1990 കളിലും 2000 ൻ്റെ ആദ്യ പകുതിയിലും ഉപയോഗിച്ചിരുന്നവയായിരുന്നു ഈ നാണയങ്ങൾ.
പിൻവലിക്കുന്ന നാണയങ്ങൾ ഇവയാണ്:
ഒരു രൂപയുടെ കപ്രോനിക്കൽ നാണയങ്ങൾ
50 പൈസയുടെ കപ്രോനിക്കൽ നാണയങ്ങൾ
25 പൈസയുടെ കപ്രോനിക്കൽ നാണയങ്ങൾ
പത്ത് പൈസയുടെ സ്റ്റെയിൻലെസ് സ്റ്റീൽ നാണയങ്ങൾ
പത്ത് പൈസയുടെ അലൂമിനിയം ബ്രോൺസ് നാണയങ്ങൾ
20 പൈസയുടെ അലൂമിനിയം നാണയങ്ങൾ
കച്ചവടക്കാരിലും മറ്റുമാണ് ഈ നാണയങ്ങൾ കൂടുതലായി കാണുക. ഇവർക്ക് ഈ നാണയങ്ങൾ ബാങ്കിൽ പോയി മാറ്റി വാങ്ങാം. ബാങ്കിൽ നൽകുന്ന ഈ നാണയത്തിൻ്റെ അതേ മൂല്യമുള്ള തുക തിരിച്ച് ലഭിക്കും.
