റിപ്പബ്ലിക് ദിനത്തിലെ കർഷകരുടെ ട്രാക്ടർ മാർച്ച് അക്രമാസക്തമായതിന്റെ പശ്ചാത്തലത്തിൽ കർഷക സമരത്തിൽ നിന്ന് രണ്ട് സംഘടനകൾ പിന്മാറി. അഖിലേന്ത്യ കിസാന് സംഘര്ഷ് ഏകോപന സമിതി (എ.ഐ.കെ.എസ്.സി.സി) യും ഭാരതീയ കിസാന് യൂണിനും (ഭാനു) ആണ് സമരത്തില്നിന്ന് പിന്മാറിയത്.
കഴിഞ്ഞ ദിവസങ്ങളിലെ സംഘര്ഷത്തില് അപലപിച്ചും ഭാരതീയ കിസാന് യൂണിയന് നേതാവ് രാകേഷ് ടികായത്തിനൊപ്പം തുടരാനാവില്ലെന്നും പ്രഖ്യാപിച്ചു കൊണ്ടാണ് പിന്മാറ്റം. എന്നാല് രണ്ട് സംഘനകളെയും സമരത്തില് നിന്ന് അകറ്റി നിര്ത്തിയിരിക്കുകയായിരുന്നുവെന്ന് സംയുക്ത കിസാന് മോർച്ച പറഞ്ഞു.
കേന്ദ്രസര്ക്കാര് നിര്ദ്ദേശങ്ങള് അംഗീകരിച്ച് സമരം അവസാനിപ്പിക്കാന് ഇരു സംഘടന നേതാക്കളും സമ്മര്ദ്ദം ചെലുത്തിയിരുന്നെന്നും സംയുക്ത കിസാന് മോര്ച്ച പ്രതികരിച്ചു.
