ഗവർണർക്കെതിരെ രൂക്ഷ വിമർശനവുമായി സി.പി.ഐ.എം. നയപ്രഖ്യാപന പ്രസംഗം ഗവർണർ നടത്തിയത് സാങ്കേതികമായി. ഗവർണറുടേത് നിലവിട്ട പെരുമാറ്റമെന്നും എം.വി ഗോവിന്ദൻ വ്യക്തമാക്കി. പദവിയുടെ അന്തസിന് യോജിക്കാത്ത പെരുമാറ്റം ഭരണഘടന വിരുദ്ധമെന്നും വിമർശനം.
പ്രസംഗം കണ്ടതോടെ ഗവര്ണര്ക്ക് ആരോഗ്യ പ്രശ്നങ്ങളൊന്നും ഇല്ലെന്ന് വ്യക്തമായി.ഗവർണർ കുറെ കാലമായി എടുക്കുന്ന നിലപാടിന്റെ തുടര്ച്ചയാണ് വ്യാഴാഴ്ച നിയമസഭയിൽ ഉണ്ടായത്. സാധാരണ ഗവർണർമാരുടെ കീഴ്വഴക്കം അല്ല കണ്ടത്. ഗവർണറുടെ പദവിയ്ക്ക് ചേരുന്നതല്ല ഇപ്പോൾ നടക്കുന്നത്.
ഡൽഹിയിൽ എല്.ഡി.എഫ് നടത്തുന്നത് സമ്മേളനമല്ലെന്നും കേന്ദ്ര സര്ക്കാരിനെതിരായ പ്രതിഷേധ സമരം തന്നെയാണെന്നും എം.വി ഗോവിന്ദന് പറഞ്ഞു. ഫെബ്രുവരി എട്ടിന് ദില്ലിയില് സമരം നടക്കുമ്പോള് സംസ്ഥാനത്ത് പലയിടങ്ങളിലായി ഐക്യദാര്ഢ്യ പ്രതിഷേധ പരിപാടി നടത്തും.
ഫെഡറല് സംവിധാനം രക്ഷിക്കാനുള്ള സമരത്തിന് നല്ല പിന്തുണയാണ് ലഭിക്കുന്നത്. ഫെബ്രുവരി എട്ടിന് രാവിലെ കേരള ഹൗസില്നിന്നായിരിക്കും മാര്ച്ച് ആരംഭിക്കുകയെന്നും തുടര്ന്ന് സമരം ആരംഭിക്കുമെന്നും എം.വി ഗോവിന്ദന് കൂട്ടിച്ചേര്ത്തു.
