ഗവർണറുടെ ഔദ്യോഗിക വാഹനം അപകടത്തിൽപെട്ടു; തിരുവനന്തപുരത്തുനിന്നും എറണാകുളത്തേക്ക് പോവുകയായിരുന്നു

ഗവർണർ രാജേന്ദ്ര അർലേക്കറുടെ ഔദ്യോഗിക വാഹനം എംസി റോഡിൽ അപകടത്തിൽപെട്ടു. തിരുവനന്തപുരം കൊട്ടാരക്കര റോഡിൽ ലോവർ കരിക്കത്താണ് അപകടമുണ്ടായത്. ഗവർണറെ കൂട്ടിക്കൊണ്ടു വരുന്നതിനുവേണ്ടി തിരുവനന്തപുരത്തുനിന്നും എറണാകുളത്തേക്ക് പോവുകയായിരുന്നു വാഹനം. രണ്ട് അകമ്പടി വാഹനങ്ങളും ഒപ്പം ഉണ്ടായിരുന്നു. ഒരേ ദിശയിൽ സഞ്ചരിച്ച വാഹനങ്ങളാണ് അപകടത്തിൽപ്പെട്ടത്. രണ്ട് സ്വകാര്യ വാഹനങ്ങളാണ് ഗവർണറുടെ വാഹനത്തിനൊപ്പം അപകടത്തിൽപ്പെട്ടത്. മുന്നിൽ പോയ വാഹനം പെട്ടന്ന് ബ്രേക്ക് ചെയ്തതാണ് അപകടകാരണമെന്നാണ് സൂചന. ഇതിൽ ഒരു വാഹനത്തിലെ ഡ്രൈവർ ഗവർണറുടെ അകമ്പടി വാഹനത്തിലെ ഡ്രൈവറെ കയ്യേറ്റം ചെയ്തു. ഇയാളെ കൊട്ടാരക്കര പോലീസ് കസ്റ്റഡിയിലെടുത്തു. അപകടത്തിൽ ആർക്കും പരുക്കില്ല.

Also Read

കൊളവയൽ അടിമയിൽ ശാക്തേയ ദേവി ക്ഷേത്രം പ്രതിഷ്ഠാദിന കളിയാട്ട മഹോത്സവം; നിരവധി തെയ്യങ്ങൾ കെട്ടിയാടി

കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും; മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു