നാഷണൽ ഹൈവേ 66-ലെ ഡി.പി.ആർ ഉടൻ പരസ്യപ്പെടുത്തണം: യൂത്ത് ലീഗ്

കാസർകോട്: നാഷണൽ ഹൈവേ 66-ലെ ആറുവരി പാത വികസനവുമായി ബന്ധപ്പെട്ട് തലപ്പാടി -ചെങ്കള റീച്ചിൻ്റെ ഡീറ്റൈൽ പ്രോജക്ട് റിപ്പോർട്ട് പുറത്ത് വിടാത്തത് ജനങ്ങളോടുള്ള വെല്ലുവിളിയാണെന്ന് കാസർകോട് മണ്ഡലം മുസ്ലിം യൂത്ത് ലീഗ് പ്രസിഡണ്ട് സിദ്ദീഖ് സന്തോഷ് നഗറും ജനറൽ സെക്രട്ടറി ഹാരിസ് ബെദിരയും പറഞ്ഞു. ജില്ലയിലെ ജനപ്രതിനിധികൾക്കോ ജനങ്ങൾക്കോ പ്രോജക്ട് റിപ്പോർട്ട് നൽകാതെയും, പൊതു ജനങ്ങളുടെ ആശങ്ക അകറ്റാതെയും ഇരുവശത്തും മതിലുകെട്ടി വേർതിതിരിക്കുന്ന നാഷണൽ ഹൈവേയുടെയും അധികാരികളുടെയും നിലപാട് പ്രതിഷേധാർഹമാണെന്നും ഡി.പി.ആർ ഉടൻ പുറത്ത് വിടണമെന്നും ആവശ്യപ്പെട്ടു.

Also Read

ബ്ലാക്ക് ബോക്‌സ് ഡാറ്റ വീണ്ടെടുത്തു; ഇന്ധന നിയന്ത്രണ സ്വിച്ചുകൾ ഓഫ് ചെയ്ത നിലയിലായിരുന്നു; പൈലറ്റുമാരിൽ ഒരാൾ ചോദിക്കുന്നതും കേൾക്കാം; പ്രാഥമിക അന്വേഷണ റിപ്പോർട്ട് പുറത്ത് വന്നു; അഹമ്മദാബാദിൽ തകർന്നുവീണ വിമാനത്തിൽ സംഭവിച്ചത്..

വനം വകുപ്പ് സ്ഥാപിച്ച കൂട്ടിൽ കടുവ; അകപ്പെട്ടത് ഗഫൂറിനെ കൊന്ന നരഭോജി കടുവയോ.? കാളികാവിലും പ്രദേശത്തും നാട്ടുകാരുടെ മുഖത്ത് സന്തോഷം; നീണ്ട 53 ദിവസത്തെ ശ്രമം വെറുതെയായില്ല..

തലപ്പാടി- ചെങ്കള റീച്ചിലെപല പ്രധാന ടൗണുകളിലും പോക്കറ്റ് റോഡുകൾ കെട്ടിയടച്ച് വൻമതിൽ പണിയാൻ കേന്ദ്ര- കേരള സർക്കാർ കൂട്ട് നിൽക്കുകയാണ്. റോഡ് വികസനത്തിൻ്റെ പേരിൽ ജനങ്ങളുടെയും വ്യാപരികളുടെയും മേലിൽ മതിൽ കെട്ടി വേർതിരിച്ച് പ്രദേശിക സഞ്ചാരം നിഷേധി ക്കുന്നത് പൗരൻ്റെ മൗലീക അവകാശ ലംഘനമാണ്. നിരുത്തരവാദിത്വ സമീപഞങ്ങൾ തിരുത്തിയില്ലെങ്കിൽ ശക്തമായ പ്രക്ഷോഭത്തിന് നേതൃത്വം നൽകുമെന്ന് നേതാക്കൾ ഓർമ്മിപ്പിച്ചു.