കന്യാസ്ത്രീയെ ബലാത്സംഗം ചെയ്ത കേസില് ബിഷപ്പ് ഫ്രാങ്കോ മുളയ്ക്കലിന്റെ ജാമ്യം റദ്ദാക്കി. തുടര്ച്ചയായി കോടതിയിൽ ഹാജരാകാത്തതിനെ തുടര്ന്ന് ഫ്രാങ്കോ മുളയ്ക്കലിനെതിരെ അറസ്റ്റ് വാറണ്ട് പുറപ്പെടുവിച്ചിട്ടുമുണ്ട്. കോട്ടയം സെഷന്സ് കോടതിയുടേതാണ് നടപടി.
ജലന്ധറിലെ ബിഷപ്പ് ഹൗസ് സ്ഥിതി ചെയ്യുന്ന പ്രദേശം കൊവിഡ് തീവ്രമേഖലയില് ആയതിനാല് യാത്ര ചെയ്യാനാകില്ലെന്നായിരുന്നു, കോടതിയില് ഹാജരാകാതിരിക്കാനുള്ള കാരണമായി ഫ്രാങ്കോ മുളയ്ക്കല് കഴിഞ്ഞ തവണ ബോധിപ്പിച്ചത്.
എന്നാൽ ഈ പ്രദേശം തീവ്രമേഖലയായിരുന്നില്ലെന്ന രേഖകള് പ്രോസിക്യൂഷന് കോടതിയിൽ കഴിഞ്ഞദിവസം ഹാജരാക്കിയിരുന്നു. ഈ സാഹചര്യത്തിലാണ് നടപടി.
