ഉദുമ: അമിത്ഷായുടെ മകന് കോടാനുകോടികള് കട്ടുമുടിച്ചിരിക്കുമ്പോള് അതിനെതിരെ പ്രതികരിക്കാതെ സോളാര് വിഷയത്തില് സരിതയുടെ വാക്കുകള് മാത്രം കേട്ട് തയാറാക്കുന്ന റിപ്പോര്ട്ടിന്മേല് കേരളത്തിലെ കോണ്ഗ്രസ് നേതാക്കളെ പ്രതികൂട്ടില് നിര്ത്താന് മാര്ക്കിസ്റ്റ് പാര്ട്ടിക്കല്ല ലോകത്തെ ഏത് കമ്മ്യൂണിസ്റ്റ് പാര്ട്ടി വിചാരിച്ചാല് സാധിക്കില്ലെന്ന് ഐ.എന്.ടി.യു.സി ദേശീയ സെക്രട്ടറി കെ സുരേന്ദ്രന് പറഞ്ഞു. ഇന്ദിരാജി ജന്മ ശതാബ്ദി ആഘോഷഭാഗമായി ഉദയമംഗലം തോണിയന്കുമാരന് നഗറില് ഉദുമ മണ്ഡലം 77-ാം ബൂത്ത് കമ്മിറ്റി കുടുംബസംഗമം ഉല്ഘടനം ചെയ്തു സംസാരിക്കുകയാരിന്നു കെ സുരേന്ദ്രന്. മറ്റു സംസ്ഥാനങ്ങളിലെ ബി.ജെ.പി മുഖ്യമന്ത്രിമാര് പ്രധാനമന്ത്രിയെ സന്ദര്ശിക്കാത്ത സമയത്ത് പിണറായി വിജയന് സന്ദര്ശിക്കുന്നത് സയാമീസ് ഇരട്ടകളെ പോലെയാണ് എന്നതിന്റെ തെളിവാണെന്നും അദ്ദേഹം പറഞ്ഞു. രാജ്യം രക്ഷപ്പെടണമെങ്കില് കോണ്ഗ്രസ്സുമായിച്ചേര്ന്ന് ഇടതുപക്ഷം ഒന്നിച്ചുപോകണമെന്ന് സി.പി.എം കേന്ദ്ര നേതൃത്വം പറയുമ്പോള് എതിര്ക്കുന്ന കേരളത്തിലെ സി.പി.എം നടുക്കടലില് മുങ്ങുമെന്നും സുരേന്ദ്രന് കൂട്ടിച്ചേര്ത്തു. കുടുംബസംഗമത്തില് സംഘാടക സമിതി ചെയര്മാന് ഉദയമംഗലം സുകുമാരന് അധ്യക്ഷത വഹിച്ചു. ചടങ്ങില് വെച്ച് മുതിര്ന്ന പ്രവര്ത്തകരെ ആദരിച്ചു. എസ്.എസ്.എല്.സി, പ്ലസ്ടു പരീക്ഷകളില് ഉന്നതവിജയം നേടിയ വിദ്യാര്ത്ഥികളെയും, വിവിധ മേഖലകളില് കഴിവ് തെളിയിച്ചവരെയും ഉപഹാരം നല്കി അനുമോദിച്ചു. 
കെ.പി.സി.സി സെക്രട്ടറി കെ നീലകണ്ഠന്, കടവങ്ങാനം കുഞ്ഞിക്കേളുനായര്, ഡി.സി.സി ജനറല് സെക്രട്ടറിമാരായ ഗീത കൃഷ്ണന്, വി.ആര് വിദ്യാസാഗര്, കുഞ്ഞമ്പു നബ്യാര്, കരിച്ചേരി നാരായണന് മാസ്റ്റര്, വാസു മാങ്ങാട്, യൂത്ത് കോണ്ഗ്രസ് പാര്ലമെന്റ് പ്രസിഡന്റ്് ഷാജിദ് മൗവ്വല്, വൈസ് പ്രസിഡന്റ് ശ്രീജിത്ത് മാടക്കാല്, ബ്ലോക്ക് പഞ്ചായത്തങ്ങങ്ങളായ വി കുഞ്ഞിരാമന് മാസ്റ്റര്, അന്വര് മാങ്ങാട്, സേവാദള് ജില്ലാ ചെയര്മാന് രമേശന് കരുവാച്ചേരി, ജില്ലാ പഞ്ചായത്ത് സ്ഥിരം സമിതി ചെയര്മാന് ഷാനവാസ് പാദൂര്, ഉദുമ ഗ്രാമ പഞ്ചായത്ത് വൈസ് പ്രസിഡന്റ് ലക്ഷ്മി ബാലന്, അംഗങ്ങളായ കെ.വി അപ്പു, ശംബു ബേക്കല്, സുകുമാരി ശ്രീധരന്, അനീഷ് പണിക്കര് സംസാരിച്ചു. സംഘടക സമിതി കണ്വീനര് കെ.വി ശ്രീധരന് സ്വാഗതവും ബൂത്ത് പ്രസിഡന്റ് പി.ആര് ചന്ദ്രന് നന്ദിയും പറഞ്ഞു. കുടുംബസംഗമ ഭാഗമായി എസ്.വി അബ്ദുല്ല അനുസ്മരണം വിവിധ കലാപരിപാടികളും അരങ്ങേറി.
സരിതയുടെ വാക്കുകള് മാത്രം കേട്ട് കോണ്ഗ്രസ് നേതാക്കളെ പ്രതികൂട്ടില് നിര്ത്താന് ഏത് കമ്മ്യൂണിസ്റ്റ് പാര്ട്ടി വിചാരിച്ചാല് സാധിക്കില്ല: ഐ.എന്.ടി.യു.സി ദേശീയ സെക്രട്ടറി കെ സുരേന്ദ്രന്
You Might Also Like
കാസർകോട് നഗരത്തിൽ കർശന പരിശോധന; എം.ഡി.എം.എ മയക്കുമരുന്നും കഞ്ചാവുമായി യുവാവ് അറസ്റ്റില്
വാക്സിൻ ചലഞ്ച്: കാസർകോട് ജില്ലാ പഞ്ചായത്ത് 50 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകും
