ന്യൂഡല്ഹി: റഫാല് യുദ്ധവിമാന അഴിമതി ആരോപണത്തില് അന്വേഷണം വേണ്ടെന്ന സുപ്രീംകോടതി വിധിക്ക് പിന്നാലെ രാഹുല് ഗാന്ധി മാപ്പ് പറയണമെന്നാവശ്യപ്പെട്ട് പാര്ലമെന്റില് ബഹളം. റഫാല് യുദ്ധവിമാന അഴിമതി ആരോപണത്തില് അന്വേഷണം വേണ്ടെന്ന സുപ്രീംകോടതി വിധി വന്നതിന് ശേഷമാണ് പാര്ലമെന്റില് ഭരണപക്ഷത്തിന്റെ ബഹളം. അതേസമയം, റഫാലില് ജെപിസി അന്വേഷണം വേണമെന്ന നിലപാടില് ഉറച്ച് കോണ്ഗ്രസും നില്ക്കുകയാണ്.
റഫാല് ജെറ്റ് വിമാനത്തിന്റെ കാര്യക്ഷമതയില് സംശയമില്ലെന്നും വിമാനങ്ങള് വാങ്ങാനുള്ള തീരുമാനമെടുത്ത നടപടികളില് ക്രമക്കേടില്ലെന്നും അതുകൊണ്ട് യുദ്ധവിമാനങ്ങളുടെ വിലയെ സംബന്ധിച്ച് സംശയിക്കേണ്ടതില്ലെന്നും അന്വേഷണം ആവശ്യമില്ലെന്നും സുപ്രീംകോടതി വിധിച്ചു. ചീഫ് ജസ്റ്റിസ് രഞ്ജന് ഗോഗോയ് അധ്യക്ഷനായ ബഞ്ചാണ് കേസില് വിധി പറഞ്ഞത്. കോടതി മേല്നോട്ടത്തില് അന്വേഷണം ആവശ്യപ്പെട്ടുള്ള ഹര്ജികള് സുപ്രീംകോടതി തള്ളി.
റഫാല്; രാഹുല് ഗാന്ധി മാപ്പ് പറയണമെന്നാവശ്യപ്പെട്ട് പാര്ലമെന്റില് ഭരണപക്ഷത്തിന്റെ ബഹളം
