കാസര്കോട്: അധ്യാപന രംഗത്തെയും ഭരണരംഗത്തെയും മികവിന് ബദിയടുക്ക സ്വദേശിക്ക് നേപ്പാളിലെ ഏഷ്യ യൂണിവേഴ്സിറ്റിയുടെ ഓണറ റി ഡോക്ടറേറ്റ് ബിരുദം. ബംഗലൂരു സിലിക്കോണ് സിറ്റി പി.യു. കോളേജ് പ്രിന്സിപ്പല് കീര്ത്തി ബദിയടുക്ക ആണ് വിദേശ സര്വ്വകലാശാലയുടെ ഡി.ലിറ്റ്. ബിരുദം നേടിയത്. 17 വര്ഷമായി അധ്യാപന രംഗത്തുള്ള കീര്ത്തി ബദിയടുക്ക കഴിഞ്ഞ അഞ്ചുവര്ഷക്കാലമായി സിലിക്കോണ് സിറ്റി കോളജിലെ പ്രിന്സിപ്പല് ആയി സേവനമനുഷ്ഠിക്കുകയാണ്. ബംഗലൂരു ആസ്ഥാനമായ ഡോക്ടര് എസ്. രാധാകൃഷ്ണന് റിസേര്ച്ച് ആന്റ് ഡവലപ്പ്മെന്റ് സെന്റര് ഓഫ് ഇന്ത്യ ആണ് അവാര്ഡിന് ശുപാര്ശ ചെയ്തത്. തിങ്കളാഴ്ച കാഡ്മണ്ഡുവില് വച്ച് നടന്ന ചടങ്ങില് ഏഷ്യ യൂണിവേഴ്സിറ്റി വൈസ് ചാന്സലറില് നിന്നും ഈ ബഹുമതി ഏറ്റുവാങ്ങി.
ബദിയടുക്ക വില്ലേജ് ഓഫീസിനു സമീപത്ത് വൃന്ദാവന’ത്തില് പരേതനായ ശ്രീകൃഷ്ണ ഭട്ടിന്റെയും ദേവകി. എസ്. ഭട്ടിന്റെയും മകളാണ് കീര്ത്തി. ബദിയടുക്ക നവ ജീവന ഹൈസ്ക്കൂളില് നിന്നും സ്കൂള് വിദ്യാഭ്യാസം നേടിയ ഇവര് കാസര്കോട് ഗവ. കോളജില് നിന്നും പ്രീഡിഗ്രിയും ഗണിതശാസ്ത്രത്തില് ബിരുദ ബിരുദാനന്തര ബിരുദവും നേടിയിയരുന്നു. വിവാഹ ശേഷം ബംഗലൂരുവില് സ്ഥിരതാമസമാക്കിയ കീര്ത്തി ബദിയടുക്ക കര്ണ്ണാടക ഗവ. ടെസ്റ്റ് ബുക്ക് റൈറ്റര്, പി.യു.ബോര്ഡ് എക്സാമിനേഷന് കമ്മിറ്റി, ദേശീയതല ഗണിത ശാസ്ത്ര മോഡല് എക്സിബിഷന് ജഡ്ജ്, ഭാരതീയ ശിക്ഷണ് മണ്ഡല് മെമ്പര് എന്നീ നിലകളില് സേവനമനുഷ്ഠിച്ചിട്ടുണ്ട്. ഭര്ത്താവ് ഗിരീഷ് അരീത്തല ബംഗലൂരുവിലെ ഫ്രഞ്ച് കമ്പനിയായ തൈല്സ് ഇന്ത്യാ ലിമിറ്റഡിന്റെ സീനിയര് മാനേജരാണ്. ഏക മകന് നമന് കശ്യപ് പ്ലസ് വണ് വിദ്യാര്ത്ഥിയാണ്.
ബദിയടുക്ക സ്വദേശിനിക്ക് നേപ്പാള് സര്വ്വകലാശാലയുടെ ഓണററി ഡോക്ടറേറ്റ്
You Might Also Like
പോലീസ് എത്തും മുന്പേ..പള്സര് സുനി തലനാരിഴയ്ക്ക് രക്ഷപ്പെട്ടു.
എം.ബി രാജേഷിന് എം.പി ആകുന്നതിനുള്ള തെരഞ്ഞെടുപ്പ് ചെലവ് കേട്ട് ഞെട്ടി ഉത്തരേന്ത്യന് എം.പി; 6,000 കോടി വിറ്റുവരവുള്ള ബിസിനസുകാരന് എം.പിക്ക് ചിലവായത് 30കോടി
