തിരുവനന്തപുരം: കാണാതാകുന്നതായി റിപ്പോര്ട്ട് ചെയ്യപ്പെടുന്നവരെ കണ്ടെത്തുന്നതിനായി രൂപീകരിച്ച സംസ്ഥാനതല അന്വേഷണ സംഘങ്ങള് പുനഃസംഘടിപ്പിച്ചു. സംസ്ഥാന പോലീസ് മേധാവി ലോക്നാഥ് ബെഹ്റ ഇതു സംബന്ധിച്ച് ഉത്തരവിറക്കി. പുരുഷന്മാരെയും ആണ്കുട്ടികളെയും കാണാതാകുന്ന സംഭവങ്ങള് അന്വേഷിക്കുന്നതിനുള്ള സംഘത്തിന്റെ ചുമതല കാസര്ഗോഡ് ജില്ലാ പോലീസ് മേധാവി എ. ശ്രീനിവാസനാണ്.
റെയില്വേ പോലീസ് സൂപ്രണ്ട് മെറിന് ജോസഫ് സ്ത്രീകളെയും കുട്ടികളെയും കാണാതാകുന്ന സംഭവങ്ങള് അന്വേഷിക്കുന്ന സംഘത്തിന്റെ മേധാവി. ഇത് സംബന്ധിച്ച ഉത്തരവ് അതാത് ഉദ്യോഗസ്ഥർക്ക് ലഭിച്ചു. സംഘത്തിലേക്ക് ആവശ്യമുള്ള മറ്റു ഉദ്യോഗസ്ഥരെ ഉള്പ്പെടുത്താനുള്ള അനുമതിയും ഇവര്ക്കു തന്നെയാണ്. ഈ അന്വേഷണ സംഘങ്ങളുടെ പ്രവർത്തനം ഹെഡ് ക്വാര്ട്ടേഴ്സ് എ.ഡി.ജി.പിയും, സ്പെഷല് സെല് പോലീസ് സൂപ്രണ്ടും നിരീക്ഷിക്കും.
കാണാതാകുന്നവരെ കണ്ടെത്തുന്നതിനായി സ്ത്രീ പുരുഷ വ്യത്യാസത്തിൽ രണ്ട് അന്വേഷണ സംഘം; കാസര്ഗോഡ് ജില്ലാ പോലീസ് മേധാവി എ. ശ്രീനിവാസും റെയില്വേ പോലീസ് സൂപ്രണ്ട് മെറിന് ജോസഫും പുതിയ മേധാവിമാർ