കൊച്ചി: കുഞ്ചാക്കോ ബോബന് നായകനായി എത്തിയ ഏറ്റവും പുതിയ ചിത്രം ക്രിസ്മസ് റിലീസ് ആയി സമ്മിശ്രിത പ്രതികരണം നേടി മുന്നേറുകയാണ്. ചിത്രത്തിലെ പുതിയ ഗാനത്തിന്റെ വീഡിയോ റിലീസ് ചെയ്തു. ‘നെഞ്ചിനുള്ളിലാകെ’ എന്നുതുടങ്ങുന്ന ഗാനത്തിന്റെ വീഡിയോയാണ് പുറത്തുവിട്ടത്. അനില് പനച്ചൂരാന് എഴുതിയ വരികള്ക്ക് സംഗീതം നല്കിയിരിക്കുന്നത് ദീപന് ആണ്. ഗാനം ആലപിച്ചിരിക്കുന്നത് വിനീത് ശ്രീനിവാസനും രാധികയും ചേര്ന്നാണ്.
ലാല്ജോസ് സംവിധാനം ചെയ്യുന്ന ചിത്രത്തിന് എം സിന്ധുരാജ് തിരക്കഥയൊരുക്കിയിരിക്കുന്നത്. വിജയരാഘവന്, നെടുമുടി വേണു, ഹരീഷ് കണാരന്, കൊച്ചു പ്രേമന്, രാജേഷ് എന്നിവരും പ്രധാന വേഷത്തിലെത്തുന്നുണ്ട്. ശ്രവണ ആണ് ചിത്രത്തിലെ നായിക.
