കൊച്ചി: കേരളത്തില് ക്രൈസ്തവ സംരക്ഷണ സേന രൂപീകരിക്കാനൊരുങ്ങി ബി.ജെ.പി. ശ്രീലങ്കയില് ഈസ്റ്റര് ദിനത്തില് ക്രിസ്ത്യന് പള്ളിയില് നടന്ന സ്ഫോടനത്തിന്റെ പശ്ചാത്തലത്തിലാണ് ബി.ജെ.പിയുടെ സേന രൂപീകരണമെന്ന് മാതൃഭൂമി ന്യൂസ് ചാനല് റിപ്പോര്ട്ട് ചെയ്യുന്നു. ബി.ജെ.പിയുടെ ഭാഗമായ ന്യൂനപക്ഷ മോര്ച്ചയെ മുന്നിര്ത്തിയാണ് ക്രൈസ്തവ സംരക്ഷണ സേന രൂപീകരിക്കുന്നത്.
അടുത്തുതന്നെ കൊച്ചിയില് നടക്കുന്ന ന്യൂനപക്ഷ മോര്ച്ചയുടെ സംസ്ഥാന സമ്മേളനത്തില് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന് പിള്ള പങ്കെടുക്കും. ഇതിന് ശേഷം ക്രൈസ്തവ സംരക്ഷണ സേനയുടെ ഔദ്യോഗിക പ്രഖ്യാപനമുണ്ടാകുമെന്നാണ് പ്രതീക്ഷിക്കുന്നത്. ഇതിന്റെ ഭാഗമായി മെയ് 29 ന് ശ്രീലങ്കന് സ്ഫോടനത്തില് മരിച്ചവരുടെ ചിത്രങ്ങള് വെച്ചുകൊണ്ടുള്ള പ്രത്യേക പ്രാര്ഥന സംഘടിപ്പിക്കുന്നതോടൊപ്പം അന്നേദിവസം ഉപവാസവും നടത്തും. ക്രൈസ്തവ സംഘടനകളുടെ പിന്തുണ ഇക്കാര്യത്തില് ഉണ്ടാകുമെന്നാണ് പാര്ട്ടി പ്രതീക്ഷിക്കുന്നത്.
