കൊച്ചി: നടി ആക്രമിക്കപ്പട്ട കേസില് സത്യം തെളിയിക്കാന് കേസ് അന്വേഷണം സി.ബി.ഐയെ ഏല്പിക്കണമെന്ന് ആവശ്യപ്പെട്ട് ദിലീപ് സംസ്ഥാന അഭ്യന്തര സെക്രട്ടറിക്ക് കത്തയച്ചു. പന്ത്രണ്ട് പേജുള്ള കത്ത് രണ്ടാഴ്ച്ച മുന്പാണ് ദിലീപ് അഭ്യന്തരസെക്രട്ടറിക്ക് അയച്ചത്. കേസില് ജാമ്യം നേടി പുറത്തിറങ്ങിയ ശേഷമാണ് ദിലീപ് കത്തയച്ചത്. കേസുമായി ബന്ധപ്പെട്ട് തന്നെ ബ്ലാക്ക് മെയില് ചെയ്ത കാര്യം സമയബന്ധിതമായി ലോക്നാഥ് ബെഹ്റയെ അറിയിച്ചിരുന്നു.
റൂറല് എസ്.പി എ.വി ജോര്ജ്, ക്രൈബ്രാഞ്ച് എ.സ്പി സുദര്ശന്, ഡി.വൈ.എസ്പി സോജന് വര്ഗ്ഗീസ്, ആലുവ സിഐ ബൈജു പൗലോസ് തുടങ്ങിയ ഉദ്യോഗസ്ഥരെ അന്വേഷണത്തില് നിന്നും മാറ്റി നിര്ത്തണമെന്നും കത്തില് ദിലീപ് പറയുന്നുണ്ട്. സംസ്ഥാന പോലീസ് മേധാവി ലോക്നാഥ് ബെഹ്റയും എ.ഡി.ജി.പി ബി.സന്ധ്യയും ചേര്ന്നാണ് തന്നെ കേസില് കുടുക്കിയതെന്നാണ് കത്തില് ദിലീപ് ആരോപിക്കുന്നത്. നിലവില് കേസ് അന്വേഷിക്കുന്ന അന്വേഷണസംഘത്തെ പാടെ മാറ്റി നിര്ത്തി അന്വേഷിച്ചാല് യഥാര്ത്ഥ പ്രതികള് കുടുങ്ങുമെന്ന് കത്തില് പറയുന്നു.
